ਕੁਰਾਲੀ ਚ ਹੁੱਲੜਬਾਜ਼ਾਂ ਦੀ ਆਈ ਸ਼ਾਮਤ, ਪੁਲਿਸ ਨੇ ਬਾਉਂਡ ਕੀਤੇ ਮੋਟਰਸਾਈਕਲ

ਕੁਰਾਲੀ: ਇੱਥੇ ਹੋਲੀ ਦੇ ਮੌਕੇ ਸਿਟੀ ਪੁਲਿਸ ਨੇ ਸਖ਼ਤੀ ਕੀਤੀ। ਇਸ ਮੌਕੇ ਕੁਰਾਲੀ ਸਿਟੀ ਪੁਲਿਸ ਦੇ ਐਸਐਚਓ ਨਰਪਿੰਦਰ ਸਿੰਘ ਨੇ ਮੇਨ ਬਾਜ਼ਾਰ ਵਿੱਚ ਸਪੈਸ਼ਲ ਨਾਕਾ ਲਗਾ ਹੁੱਲੜਬਾਜ਼ੀ ਕਰਨ ਵਾਲੇ ਨੌਜਵਾਨਾਂ ਦੇ ਮੋਟਰਸਾਈਕਲ ਬਾਊਂਡ ਕਰ ਕੇ ਨਕੇਲ ਕਸੀ। ਐੱਸਐੱਚਓ ਨਰਪਿੰਦਰ ਸਿੰਘ ਨੇ ਦੱਸਿਆ ਕਿ ਹੋਲੀ ਦੇ ਤਿਉਹਾਰ ਮੌਕੇ ਅਕਸਰ ਸ਼ਰਾਰਤੀ ਮੁੰਡਿਆਂ ਵੱਲੋਂ ਹੁੱਲੜਬਾਜ਼ੀ ਕਰਨ ਦੀਆਂ ਸ਼ਿਕਾਇਤਾਂ ਅਕਸਰ ਪੁਲਿਸ ਪ੍ਰਸ਼ਾਸਨ ਨੂੰ ਮਿਲਦੀਆਂ ਰਹਿੰਦੀਆਂ ਹਨ। ਉਨ੍ਹਾਂ ਨੂੰ ਸਥਾਨਕ ਲੋਕਾਂ ਵੱਲੋਂ ਕਈ ਸ਼ਿਕਾਇਤਾਂ ਮਿਲੀਆਂ ਕਿ ਕੁਰਾਲੀ ਵਿੱਚ ਵੀ ਕਈ ਮੁੰਡੇ ਮੋਟਰਸਾਈਕਲਾਂ ਉੱਤੇ ਟੋਲੀਆਂ ਬਣਾ ਕੇ ਹੁੱਲੜਬਾਜ਼ੀ ਕਰ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਕੁਰਾਲੀ ਦੇ ਮੇਨ ਬਾਜ਼ਾਰ ਵਿੱਚ ਨਾਕਾ ਲਗਾ ਕੇ ਹੁੱਲੜਬਾਜ਼ੀ ਕਰਨ ਵਾਲਿਆਂ ਦੇ ਮੋਟਰਸਾਈਕਲ ਬੌਂਡ ਕੀਤੇ।