ਜਲੰਧਰ ਵਾਸੀਆਂ ਨੇ ਗ੍ਰੀਨ ਦੀਵਾਲੀ ਮਨਾਉਣ ਲਈ ਲੋਕਾਂ ਨੂੰ ਕੀਤਾ ਪ੍ਰੇਰਿਤ

ਗ੍ਰੀਨ ਦੀਵਾਲੀ ਲਈ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਜਲੰਧਰ ਦੇ ਬੀਐੱਮਸੀ ਚੌਕ 'ਚ ਇੰਫੋਸਿਸ ਅਤੇ ਵਿਕਰਯ ਹੋੜ ਐਨਜੀਓ ਵੱਲੋਂ ਇੱਕ ਸਿਗਨੇਚਰ ਕੈਂਪੇਨ ਚਲਾਈ ਗਈ। ਇਸ ਵਿੱਚ ਰਾਹ ਗੁਜ਼ਰਦੇ ਲੋਕਾਂ ਨੂੰ ਰੋਕ ਕੇ ਉਨ੍ਹਾਂ ਤੋਂ ਦਸਤਖ਼ਤ ਲਏ ਗਏ ਅਤੇ ਲੋਕਾਂ ਨੇ ਇਹ ਯਕੀਨੀ ਬਣਾਇਆ ਕਿ ਉਹ ਦੀਵਾਲੀ ਉੱਤੇ ਪਟਾਕੇ ਨਹੀਂ ਚਲਾਉਣਗੇ, ਸਗੋਂ ਮਿਠਾਈ ਵੰਡ ਕੇ ਅਤੇ ਦੀਵਾਲੀ ਨੂੰ ਦੀਵੇ ਜਲਾ ਕੇ ਹੀ ਮਨਾਉਣਗੇ। ਇਸ ਮੌਕੇ ਜਲੰਧਰ ਦੇ ਡੀਸੀਪੀ ਅਮਰੀਕ ਸਿੰਘ ਪਵਾਰ ਵੀ ਉੱਥੇ ਮੌਜੂਦ ਰਹੇ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਸਾਰਿਆਂ ਨੂੰ ਗ੍ਰੀਨ ਅਤੇ ਸੇਫ਼ ਦੀਵਾਲੀ ਮਨਾਉਣੀ ਚਾਹੀਦੀ ਹੈ। ਦੀਵਾਲੀ ਖੁਸ਼ੀਆਂ ਦਾ ਤਿਉਹਾਰ ਹੈ ਇਸ ਨੂੰ ਮਿਠਾਈ 'ਤੇ ਖੁਸ਼ੀਆਂ ਵੰਡ ਕੇ ਹੀ ਮਨਾਉਣਾ ਚਾਹੀਦਾ ਹੈ।