IND vs PAK ਮੈਚ ਜਿੱਤਣ ਤੋਂ ਬਾਅਦ ਪੁਲਿਸ ਨੇ ਕ੍ਰਿਕਟ ਪ੍ਰੇਮੀਆਂ ਉਤੇ ਕੀਤਾ ਲਾਠੀਚਾਰਜ

ਮੈਲਬੌਰਨ 'ਚ ਬੀਤੇ ਕੱਲ੍ਹ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਟੀ-20 ਵਿਸ਼ਵ ਕੱਪ ਮੈਚ ਖੇਡਿਆ ਗਿਆ। ਭਾਰਤ ਨੇ ਆਖਰੀ ਗੇਂਦ ਤੱਕ ਖੇਡੇ ਗਏ ਮੈਚ ਵਿੱਚ ਪਾਕਿਸਤਾਨ ਨੂੰ ਚਾਰ ਵਿਕਟਾਂ ਨਾਲ ਹਰਾ ਕੇ ਵਿਸ਼ਵ ਕੱਪ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਵਿਰਾਟ ਕੋਹਲੀ ਨੇ 53 ਗੇਂਦਾਂ ਵਿੱਚ 83 ਦੌੜਾਂ ਬਣਾਈਆਂ। ਉਸ ਨੂੰ ਮੈਨ ਆਫ ਦਿ ਮੈਚ ਦਾ ਐਵਾਰਡ ਦਿੱਤਾ ਗਿਆ। ਇਸ ਜਿੱਤ ਤੋਂ ਬਾਅਦ ਪੁਣੇ ਦੇ ਨਾਗਰਿਕਾਂ ਵੱਲੋਂ ਪੁਣੇ ਵਿਚ ਜਸ਼ਨ ਮਨਾਇਆ ਗਿਆ। ਪੁਣੇ ਦੇ ਨਾਗਰਿਕਾਂ ਨੇ ਕਿਹਾ ਹੈ ਕਿ ਭਾਰਤੀ ਟੀਮ ਨੇ ਅੱਜ ਸਾਨੂੰ ਦੀਵਾਲੀ ਦਾ ਤੋਹਫਾ ਦਿੱਤਾ ਹੈ ਅਤੇ ਅੱਜ ਅਸੀਂ ਸਾਰੇ ਬਹੁਤ ਖੁਸ਼ ਹਾਂ। ਪੁਲਿਸ ਵੱਲੋਂ ਕ੍ਰਿਕਟ ਪ੍ਰੇਮੀਆਂ 'ਤੇ ਲਾਠੀਚਾਰਜ (POLICE BEATEN CRICKET LOVERS) ਕੀਤਾ ਗਿਆ ਕਿਉਂਕਿ ਭਾਰੀ ਭੀੜ ਕਾਰਨ ਆਵਾਜਾਈ 'ਚ ਵਿਘਨ ਪਿਆ ਅਤੇ ਜਸ਼ਨ ਕਾਫੀ ਦੇਰ ਤੱਕ ਚੱਲਿਆ ਰਿਹਾ।