ਪਠਾਨਕੋਟ ਸਬ ਜੇਲ੍ਹ ਕੈਦੀਆਂ ਲਈ ਬਣੀ ਇਕਾਂਤਵਾਸ ਕੇਂਦਰ

ਪਠਾਨਕੋਟ: ਜ਼ਿਲ੍ਹੇ ਦੀ ਸਬ ਜੇਲ੍ਹ ਨੂੰ ਕੋਵਿਡ-19 ਜੇਲ੍ਹ ਦੇ ਵਿਚ ਤਬਦੀਲ ਕੀਤਾ ਗਿਆ ਹੈ। ਪੰਜਾਬ ਦੇ ਵੱਖ-ਵੱਖ ਜੇਲ੍ਹਾਂ ਵਿੱਚ ਜਿਹੜੇ ਕੋਰੋਨਾ ਪੌਜ਼ੀਟਿਵ ਕੈਦੀ ਹਨ, ਉਨ੍ਹਾਂ ਨੂੰ ਪਠਾਨਕੋਟ ਸਬ-ਜੇਲ੍ਹ ਦੇ ਵਿੱਚ ਲਿਆਂਦਾ ਜਾ ਰਿਹਾ ਹੈ। ਜਿਸ ਦੇ ਚੱਲਦਿਆਂ ਮੰਗਲਵਾਰ ਨੂੰ ਪਹਿਲੇ ਦਿਨ ਪਠਾਨਕੋਟ ਸਬ ਜੇਲ੍ਹ ਵਿੱਚ ਲੁਧਿਆਣਾ ਅਤੇ ਪੱਟੀ ਤੋਂ ਕਰੀਬ 70 ਕੋਰੋਨਾ ਪੌਜ਼ੀਟਿਵ ਮਰੀਜ਼ ਜੋ ਕਿ ਵੱਖ-ਵੱਖ ਧਾਰਾਵਾਂ ਦੇ ਤਹਿਤ ਜੇਲ੍ਹ ਵਿੱਚ ਬੰਦ ਹਨ, ਉਨ੍ਹਾਂ ਨੂੰ ਪਠਾਨਕੋਟ ਸਬ ਜੇਲ੍ਹ ਸ਼ਿਫਟ ਕੀਤਾ ਗਿਆ ਹੈ।