ਹੈਦਰਾਬਾਦ : ਤੇਜ਼ ਤੁਰਨਾ (ਬ੍ਰਿਸਕ ਵਾਕ) ਦੇ ਸਬੰਧ ਵਿੱਚ ਅਮੈਰੀਕਨ ਜਰਨਲ ਵਿੱਚ ਪ੍ਰਕਾਸ਼ਤ ਇੱਕ ਰਿਪੋਰਟ ਦੇ ਮੁਤਾਬਕ, ਇਸ ਤਰ੍ਹਾਂ ਦੀ ਸੈਰ ਹਾਰਮੋਨਜ਼ ਪੈਦਾ ਕਰਦੀ ਹੈ ਜੋ ਸਰੀਰ ਵਿੱਚ ਖੁਸ਼ੀ ਦੇ ਪੱਧਰ ਨੂੰ ਵਧਾਉਂਦੇ ਹਨ। ਇਸ ਦੇ ਨਾਲ ਮਨ ਖੁਸ਼ ਰਹਿੰਦਾ ਹੈ ਅਤੇ ਨਾਲ ਹੀ ਵਿਅਕਤੀ ਤਣਾਅ ਅਤੇ ਚਿੰਤਾ ਤੋਂ ਵੀ ਦੂਰ ਰਹਿੰਦਾ ਹੈ।
ਤੇਜ਼ ਤੁਰਨਾ ਨਾਂ ਮਹਿਜ਼ ਮਾਨਸਿਕ ਸਿਹਤ ਲਈ, ਬਲਕਿ ਸਰੀਰਕ ਸਿਹਤ ਲਈ ਵੀ ਲਾਭਦਾਇਕ ਹੈ।ਇਸ ਸਬੰਧ ਵਿੱਚ ਕੀਤੀਆਂ ਗਈਆਂ ਵੱਖ -ਵੱਖ ਖੋਜਾਂ ਦੇ ਨਤੀਜੇ ਦਰਸਾਉਂਦੇ ਹਨ ਕਿ ਰੋਜ਼ਾਨਾ ਤੇਜ਼ ਸੈਰ ਕਰਨ ਵਾਲਿਆਂ ਵਿੱਚ ਮੋਟਾਪਾ, ਦਿਲ ਦੀ ਬਿਮਾਰੀ, ਪਾਚਕ ਵਿਕਾਰ, ਦਿਮਾਗੀ ਪ੍ਰਣਾਲੀ ਅਤੇ ਦਿਮਾਗ ਦੀਆਂ ਬਿਮਾਰੀਆਂ ਅਤੇ ਸ਼ੂਗਰ ਸਣੇ ਹੋਰਨਾਂ ਬਹੁਤ ਸਾਰੀਆਂ ਬਿਮਾਰੀਆਂ ਦਾ ਜੋਖਮ ਘੱਟ ਹੁੰਦਾ ਹੈ।
ਬ੍ਰਿਸਕ ਵਾਕ ਕੀ ਹੈ (BRISK WALK )
ਰੋਗ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰ (CDC) ਦੇ ਮੁਤਾਬਕ, ਇੱਕ ਮੱਧਮ ਤੀਬਰਤਾ ਜਾਂ ਤੇਜ਼ ਸੈਰ ਜਿਸ ਵਿੱਚ ਇੱਕ ਵਿਅਕਤੀ ਪਸੀਨਾ ਵਹਾਉਂਦਾ ਹੈ ਅਤੇ ਉਸ ਦੇ ਦਿਲ ਦੀ ਧੜਕਣ ਨੂੰ ਵਧਾਉਂਦੀ ਹੈ ਉਸ ਨੂੰ ਬ੍ਰਿਸਕ ਵਾਕ ਕਿਹਾ ਜਾਂਦਾ ਹੈ। ਅਸਾਨ ਸ਼ਬਦਾਂ ਵਿੱਚ , ਦੌੜਣ ਅਤੇ ਤੁਰਨ ਦੇ ਵਿਚਕਾਰ ਦੇ ਪੜਾਅ ਨੂੰ ਬ੍ਰਿਸਕ ਵਾਕ ਕਿਹਾ ਜਾਂਦਾ ਹੈ। ਇਸ ਖਾਸ ਸੈਰ ਲਈ ਇੱਕ ਵਿਅਕਤੀ ਨੂੰ ਤੇਜ਼ ਚੱਲਣ ਲਈ 4.5 ਮੀਲ ਪ੍ਰਤੀ ਘੰਟਾ ਦੀ ਵੱਧ ਤੋਂ ਵੱਧ ਗਤੀ ਨਾਲ ਸੈਰ ਕਰਨ ਦੀ ਲੋੜ ਹੁੰਦੀ ਹੈ।
ਬ੍ਰਿਸਕ ਵਾਕ ਦੇ ਫਾਇਦੇ
- ਸਾਲ 2017 ਵਿੱਚ ਪ੍ਰਕਾਸ਼ਤ ਇੱਕ ਰਿਪੋਰਟ ਦੇ ਮੁਤਾਬਕ, ਤੇਜ਼ ਤੁਰਨ ਨਾਲ ਲੋਕਾਂ ਦੀ ਸਿਹਤ ਉੱਤੇ ਸਕਾਰਾਤਮਕ ਪ੍ਰਭਾਵ ਪੈ ਸਕਦਾ ਹੈ। ਇਸ ਦੇ ਨਾਲ, ਇਹ ਲੋਕਾਂ ਦੀ ਸਰੀਰਕ ਅਤੇ ਮਾਨਸਿਕ ਗਤੀਵਿਧੀਆਂ ਦੇ ਪੱਧਰ ਨੂੰ ਵਧਾਉਣ ਵਿੱਚ ਵੀ ਮਦਦ ਕਰਦਾ ਹੈ।
- ਰਿਪੋਰਟ ਦੇ ਲੇਖਕਾਂ ਨੇ ਨਤੀਜਿਆਂ ਦੇ ਆਧਾਰ 'ਤੇ ਦਾਅਵਾ ਇਹ ਦਾਅਵਾ ਕੀਤਾ ਗਿਆ ਹੈ ਕਿ 10 ਮਿੰਟ ਤੇਜ਼ ਅਤੇ ਹਰ ਰੋਜ਼ ਘੱਟੋ ਘੱਟ 3 ਮੀਲ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲਣ ਨਾਲ ਵਧੇਰੇ ਸਿਹਤ ਲਾਭ ਦੇਖੇ ਜਾ ਸਕਦੇ ਹਨ।
- 2018 ਦੇ ਅਧਿਐਨ ਵਿੱਚ, ਸਕੌਟਿਸ਼ ਵਾਕਰਾਂ ਦੇ 50,000 ਤੋਂ ਵੱਧ ਅੰਗਰੇਜ਼ੀ ਅਤੇ ਸਰਵੇਖਣ ਡਾਟਾ ਇਕੱਤਰ ਕੀਤੇ ਗਏ ਅਤੇ ਲੋਕਾਂ ਦੀ ਸਿਹਤ 'ਤੇ ਉਨ੍ਹਾਂ ਦੇ ਤੁਰਨ ਦੀ ਗਤੀ ਦੇ ਪ੍ਰਭਾਵਾਂ ਦੀ ਜਾਂਚ ਕੀਤੀ ਗਈ। ਜਿਸ ਵਿੱਚ ਖੋਜਕਰਤਾਵਾਂ ਨੇ ਸਿੱਟਾ ਕੱਢਿਆ ਕਿ ਔਸਤਨ ਜਾਂ ਤੇਜ਼ ਪੈਦਲ ਤੁਰਨ ਵਾਲਿਆਂ ਦੀ ਹੌਲੀ ਗਤੀ ਤੇ ਚੱਲਣ ਵਾਲਿਆਂ ਦੇ ਮੁਕਾਬਲੇ ਸਾਰੇ ਕਾਰਨਾਂ ਜਾਂ ਦਿਲ ਦੀ ਬਿਮਾਰੀ ਨਾਲ ਮੌਤ ਦਾ ਘੱਟ ਖਤਰਾ ਘੱਟ ਹੋ ਸਕਦਾ ਹੈ।
- ਬ੍ਰਿਸਕ ਵਾਕ ਦਿਮਾਗ ਦੀ ਸਿਹਤ ਲਈ ਵੀ ਫਾਇਦੇਮੰਦ ਹੋ ਸਕਦੀ ਹੈ। ਸਾਲ 2014 'ਚ ਇੱਕ ਅਧਿਐਨ ਦਾ ਇਹ ਨਤੀਜਾ ਕੱਢਿਆ ਗਿਆ ਕਿ ਛੇ ਮਹੀਨੇ ਤੱਕ ਹਫ਼ਤੇ ਵਿੱਚ ਦੋ ਵਾਰ ਤੇਜ਼ ਤੁਰਨ ਨਾਲ ਬਜ਼ੁਰਗ ਔਰਤਾਂ ਵਿੱਚ ਹਿੱਪੋਕੈਮਪਸ ਦੀ ਮਾਤਰਾ ਵੱਧ ਪਾਈ ਗਈ , ਜਿਨ੍ਹਾਂ ਵਿੱਚ ਦਿਮਾਗੀ ਕਮਜ਼ੋਰੀ ਦੇ ਲੱਛਣ ਨਜ਼ਰ ਆ ਰਹੇ ਸਨ। ਹਲਾਂਕਿ ਖੋਜਕਰਤਾਵਾਂ ਨੇ ਇਨ੍ਹਾਂ ਖੋਜ੍ਹਾਂ ਦਾ ਸਮਰਥਨ ਕਰਨ ਲਈ ਵਧੇਰੇ ਖੋਜ ਦੀ ਲੋੜ 'ਤੇ ਜ਼ੋਰ ਦਿੱਤਾ।
- ਬ੍ਰਿਸਕ ਵਾਕ ਕਰਨ ਨਾਲ, ਸਰੀਰ ਵਿੱਚ ਖੂਨ ਦਾ ਸੰਚਾਰ ਤੇਜ਼ੀ ਨਾਲ ਵਧਦਾ ਹੈ, ਜਿਸ ਦੇ ਕਾਰਨ ਆਕਸੀਜਨ ਅਤੇ ਹੋਰ ਜ਼ਰੂਰੀ ਪੌਸ਼ਟਿਕ ਤੱਤ ਦਿਮਾਗ ਦੇ ਸੈੱਲਾਂ ਵਿੱਚ ਬੇਹਤਰ ਤਰੀਕੇ ਨਾਲ ਪਹੁੰਚਦੇ ਹਨ।
