ਤਰਨ ਤਾਰਨ: ਇੱਥੋਂ ਦੇ ਕਸਬਾ ਗੋਹਲਵੜ ਵਿੱਚ ਵਿਪਨ ਕੁਮਾਰ ਬਿੱਲਾ ਨਾਂਅ ਦੇ ਇੱਕ ਵਿਅਕਤੀ ਨੇ ਇੱਕ ਹਜ਼ਾਰ ਰੁਪਏ ਦੇ ਲੈਣ-ਦੇਣ ਕਰਕੇ ਗੁਰਿੰਦਰ ਸਿੰਘ ਦਾ ਚਾਕੂਆਂ ਨਾਲ ਕਤਲ ਕਰ ਦਿੱਤਾ।
ਵੀਡੀਓ
ਇਸ ਬਾਰੇ ਪਰਿਵਾਰਿਕ ਮੈਂਬਰ ਨੇ ਦੱਸਿਆ ਕਿ ਮ੍ਰਿਤਕ ਗੁਰਿੰਦਰ ਸਿੰਘ ਆਪਣੇ ਚਾਚਾ ਗੁਰਬਿੰਦਰ ਸਿੰਘ ਨਾਲ ਮੋਟਰਸਾਇਕਲ 'ਤੇ ਸਵਾਰ ਹੋ ਕੇ ਗੋਹਲਵੜ ਅੱਡੇ ਤੋਂ ਪਿੰਡ ਜਾ ਰਿਹਾ ਸੀ। ਇਸ ਦੌਰਾਨ ਵਿਪਨ ਕੁਮਾਰ ਬਿੱਲਾ ਤੇ ਉਸ ਦੇ ਇਕ ਸਾਥੀ ਨੇ ਗੁਰਿੰਦਰ ਸਿੰਘ 'ਤੇ ਕਾਤਲਾਨਾ ਹਮਲਾ ਕਰ ਦਿੱਤਾ।
ਇਸ ਤੋਂ ਬਾਅਦ ਉਸ ਨੂੰ ਗੰਭੀਰ ਹਾਲਤ 'ਚ ਸਿਵਲ ਹਸਪਤਾਲ ਲਿਜਾਇਆ ਪਰ ਜ਼ਖ਼ਮਾਂ ਦੀ ਮਾਰ ਸਹਿੰਦਿਆਂ ਹੋਇਆਂ ਉਸ ਦੀ ਮੌਤ ਹੋ ਗਈ।
ਦੱਸ ਦਈਏ, ਗੁਰਿੰਦਰ ਸਿੰਘ ਦੀ ਵਿਪਨ ਕੁਮਾਰ ਬਿੱਲਾ ਨਾਲ ਇਕ ਹਜ਼ਾਰ ਰੁਪਏ ਦੇ ਲੈਣ-ਦੇਣ ਕਰਕੇ 2 ਦਿਨ ਪਹਿਲਾਂ ਲੜਾਈ ਹੋਈ ਸੀ। ਇਸ ਤੋਂ ਬਾਅਦ ਇਨ੍ਹਾਂ ਦਾ ਆਪਸੀ ਟਕਰਾਅ ਵੱਧ ਗਿਆ।
ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
