ਫ਼ਤਿਹਵੀਰ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਪੁੱਜੇ ਗਾਇਕ ਕੰਵਰ ਗਰੇਵਾਲ

ਫ਼ਤਿਹਵੀਰ ਦੀ ਮੌਤ ਤੋਂ ਬਾਅਦ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਪਹੁੰਚੇ ਪੰਜਾਬੀ ਗਾਇਕ ਕੰਵਰ ਗਰੇਵਾਲ।

ਸੰਗਰੂਰ : ਫ਼ਤਿਹਵੀਰ ਦੀ ਮੌਤ ਤੋਂ ਬਾਅਦ ਪੂਰੇ ਪੰਜਾਬ ਵਿੱਚ ਵਸਦੇ ਲੋਕਾਂ ਉਸ ਦੇ ਪਰਿਵਾਰ ਨਾਲ ਹਮਦਰਦੀ ਜਤਾ ਰਹੇ ਹਨ। ਇਸ ਦੇ ਨਾਲ ਫ਼ਤਿਹਵੀਰ ਦੀ ਮੌਤ ਨੇ ਪੰਜਾਬੀ ਗਾਇਕਾਂ ਤੇ ਅਦਾਕਾਰਾਂ ਨੂੰ ਵੀ ਪ੍ਰਭਾਵਿਤ ਕੀਤਾ ਹੈ। ਅੱਜ ਮਸ਼ਹੂਰ ਗਾਇਕ ਕੰਵਰ ਗਰੇਵਾਲ ਵੀ ਫ਼ਤਿਹਵੀਰ ਦੇ ਘਰ ਪੁਹੰਚੇ।
ਗਾਇਕ ਕੰਵਰ ਗਰੇਵਾਲ ਨੇ ਇਸ ਦੁੱਖ ਦੀ ਘੜੀ ਵਿੱਚ ਫ਼ਤਿਹਵੀਰ ਦੇ ਪਰਿਵਾਰ ਨੂੰ ਹੌਂਸਲਾ ਦਿੱਤਾ। ਦੱਸ ਦਈਏ ਕਿ ਫ਼ਤਿਹਵੀਰ 6 ਜੂਨ ਨੂੰ 150 ਫੁੱਟ ਡੂੰਘੇ ਬੋਰਵੈਂਲ ਵਿੱਚ ਡਿੱਗ ਗਿਆ ਸੀ ਜਿਸ ਨੂੰ ਕੱਢਣ ਲਈ NDRF ਟੀਮਾਂ ਤੇ ਪਿੰਡ ਦੇ ਲੋਕਾਂ ਨੇ ਕੱਢਣ ਲਈ ਬਚਾਅ ਕਾਰਜ ਕੀਤਾ ਸੀ ਪਰ ਕਿਸਮਤ ਨੂੰ ਸ਼ਾਇਦ ਇਹ ਨਾ ਮੰਨਜੂਰ ਸੀ ਕਿ ਉਹ ਬੱਚ ਕੇ ਨਿਕਲਦਾ। ਆਖ਼ਰ ਫਤਿਹਵੀਰ ਨੂੰ 11 ਜੂਨ ਨੂੰ ਬਾਹਰ ਕੱਢਿਆ ਗਿਆ ਜਦੋਂ ਤੱਕ ਉਹ ਆਖ਼ਰੀ ਸਾਹ ਲੈ ਚੁੱਕਾ ਸੀ।