ਰੂਪਨਗਰ: ਕਰਫਿਊ ਦੇ ਚੱਲਦੇ 15 ਅਪ੍ਰੈਲ ਤੋਂ ਪੂਰੇ ਸੂਬੇ 'ਚ ਕਣਕ ਦੀ ਖ਼ਰੀਦ ਸ਼ੁਰੂ ਹੋਵੇਗੀ। ਇਸ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਖ਼ਾਸ ਪ੍ਰਬੰਧ ਕੀਤੇ ਜਾ ਰਹੇ ਹਨ ਜਿਸ ਦਾ ਰੂਪਨਗਰ ਦੀ ਦਾਣਾ ਮੰਡੀ 'ਚ ਪ੍ਰਸ਼ਾਸਨ ਵੱਲੋਂ ਪੂਰੇ ਪ੍ਰਬੰਧਾਂ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਇਸ ਵਾਰ ਕਣਕ ਦੀ ਖਰੀਦ ਲਈ ਰੂਪਨਗਰ ਦੀ ਦਾਣਾ ਮੰਡੀ ਦੇ 34 ਆੜ੍ਹਤੀਆਂ ਨੂੰ ਪ੍ਰਸ਼ਾਸਨ ਵੱਲੋਂ ਕਰਫਿਊ ਪਾਸ / ਟੋਕਨ ਜਾਰੀ ਕੀਤੇ ਗਏ ਹਨ। ਇਹ ਟੋਕਨ ਆੜ੍ਹਤੀ ਕਿਸਾਨਾਂ ਨੂੰ ਮੰਡੀ ਦੇ ਵਿੱਚ ਕਣਕ ਲਿਆਉਣ ਲਈ ਦੇਣਗੇ। ਕਿਸਾਨ ਇਸ ਟੋਕਨ ਰਾਹੀਂ ਰੂਪਨਗਰ ਦੀ ਦਾਣਾ ਮੰਡੀ ਦੇ ਵਿੱਚ ਇੱਕ ਟਰਾਲੀ ਕਣਕ ਦੀ ਲਿਆ ਸਕੇਗਾ। ਇੱਕ ਟੋਕਣ ਇੱਕੋ ਸਮੇਂ ਦੇ ਵਿੱਚ ਸਿਰਫ਼ ਇੱਕ ਹੀ ਕਿਸਾਨ ਨੂੰ ਦਿੱਤਾ ਜਾਵੇਗਾ ਤੇ ਇਸ ਟੋਕਨ ਦੀ ਮਿਆਦ ਸਿਰਫ਼ 24 ਘੰਟੇ ਦੀ ਹੋਵੇਗੀ। ਪ੍ਰਸ਼ਾਸਨ ਦਾ ਦਾਅਵਾ ਹੈ ਕਿ ਜੋ ਕਣਕ ਰੋਜ਼ਾਨਾ ਮੰਡੀ ਦੇ ਵਿੱਚ ਆਏਗੀ ਉਸੇ ਦਿਨ ਉਸ ਦੀ ਖ਼ਰੀਦ ਕਰਕੇ ਉਸ ਦੀ ਨਾਲੋਂ ਲਿਫਟਿੰਗ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ:ਕੋਰੋਨਾ ਦੌਰਾਨ ਸਾਹਿਬਜ਼ਾਦਾ ਕਾਲੋਨੀ ਦੇ ਵਾਸੀਆਂ ਨੇ ਘਰਾਂ ਦੇ ਬਾਹਰ ਪਾਠ ਕਰ ਸਭ ਦੇ ਭਲੇ ਦੀ ਕੀਤੀ ਅਰਦਾਸ
ਮੰਡੀ ਵਿੱਚ ਕਿਸਾਨ ਖ਼ਰੀਦ ਏਜੰਸੀਆਂ ਆੜ੍ਹਤੀ ਮਜ਼ਦੂਰ ਆਦਿ ਦੀ ਭੀੜ ਨਾ ਹੋਵੇ ਇਸ ਵਾਸਤੇ ਦਾਣਾ ਮੰਡੀ ਰੂਪਨਗਰ ਦੇ ਵਿੱਚ ਸੋਸ਼ਲ ਡਿਸਟੈਂਸ ਨੂੰ ਬਣਾਈ ਰੱਖਣ ਵਾਸਤੇ ਚਿੱਟੇ ਰੰਗ ਨਾਲ ਲਕੀਰਾਂ ਖਿੱਚੀਆਂ ਗਈਆਂ ਹਨ ਤਾਂ ਜੋ ਇਹ ਖ਼ਰੀਦ ਅਤੇ ਵੇਚਣ ਵਾਲੇ ਦੇ ਵਿੱਚ ਸੋਸ਼ਲ ਦੂਰੀ ਰਹਿ ਸਕੇ।
ਇਸ ਦੇ ਨਾਲ ਹੀ ਜ਼ਿਲ੍ਹਾਂ ਪ੍ਰਸ਼ਾਸਨ ਵੱਲੋਂ ਪੂਰੀ ਦਾਣਾ ਮੰਡੀ ਨੂੰ ਸੈਨੇਟਾਈਜ਼ਰ ਦਾ ਛਿੜਕਾਵ ਕੀਤਾ ਗਿਆ ਹੈ। ਤਾਂ ਜੋ ਹਰ ਕਿਸਾਨ ਸਰੁੱਖਿਅਤ ਰਹਿ ਸਕੇ।
