ਮਾਨਸਾ: ਪਿਛਲੇ ਦਿਨ੍ਹੀ ਟੀਕਰੀ ਬਾਰਡਰ ਤੋਂ ਵਾਪਿਸ ਆ ਰਹੀਆਂ ਪਿੰਡ ਖੀਵਾ ਦਿਆਲੂ ਵਾਲਾ ਦੀਆਂ ਔਰਤਾਂ ਉੱਤੇ ਅਚਾਨਕ ਇੱਕ ਟਿੱਪਰ ਚੜਨ ਕਾਰਨ ਭਿਆਨਕ ਹਾਦਸਾ ਵਾਪਰਿਆ। ਜਿਸ ਵਿੱਚ 3 ਔਰਤਾਂ ਦੀ ਮੌਤ ਹੋ ਗਈ ਸੀ। ਇਨ੍ਹਾਂ ਵਿੱਚ 51 ਸਾਲਾਂ ਦੀ ਅਮਰਜੀਤ ਕੌਰ ਵੀ ਸੀ। ਅਮਰਜੀਤ ਕੌਰ ਦੇ ਘਰ ਉਸਦੀ ਧੀ ਦੇ ਵਿਆਹ ਦੀਆਂ ਤਿਆਰੀਆਂ ਚੱਲ ਰਹੀਆਂ ਸਨ, ਜਿਸਦਾ ਵਿਆਹ 23 ਜਨਵਰੀ ਨੂੰ ਰੱਖਿਆ ਗਿਆ ਹੈ।
ਜਾਣਕਾਰੀ ਮੁਤਾਬਿਕ ਅਮਰਜੀਤ ਕੌਰ ਦੇ ਪਤੀ ਦੀ ਲਗਭਗ 26 ਸਾਲ ਪਹਿਲਾਂ ਮੌਤ ਹੋ ਚੁੱਕੀ ਹੈ। ਜਦੋਂ ਉਨ੍ਹਾਂ ਦੇ ਬੱਚੇ ਜਸਵਿੰਦਰ ਸਿੰਘ ਅਤੇ ਧੀ ਲਖਵਿੰਦਰ ਕੌਰ ਛੋਟੀ ਉਮਰ ਦੇ ਸਨ। ਅਮਰਜੀਤ ਕੌਰ ਨੇ ਬੜੀਆਂ ਮੁਸ਼ਕਿਲਾਂ ਨਾਲ ਆਪਣੇ ਬੱਚਿਆਂ ਨੂੰ ਪੜਾਇਆ ਲਿਖਾਇਆ। ਪੜਨ ਤੋਂ ਉਸ ਦਾ ਬੇਟਾ ਜਸਵਿੰਦਰ ਸਿੰਘ ਫੌਜ 'ਚ ਭਰਤੀ ਹੋ ਗਿਆ।
ਇਹ ਵੀ ਪੜ੍ਹੋ: ਰਾਜੌਰੀ 'ਚ ਸ਼ਹੀਦ ਹੋਏ ਮਨਜੀਤ ਸਿੰਘ ਦੇ ਇਲਾਕੇ 'ਚ ਸੋਗ ਦੀ ਲਹਿਰ
ਅਮਰਜੀਤ ਕੌਰ ਦੇ ਪਤੀ ਦੀ ਮੌਤ ਦੇ ਸਦਮੇ ਚੋਂ ਅਜੇ ਪਰਿਵਾਰ ਨਿਕਲ ਹੀ ਰਿਹਾ ਸੀ ਕਿ ਫੌਜ ਚੋਂ ਛੁੱਟੀ ਕੱਟਣ ਆਏ ਜਸਵਿੰਦਰ ਸਿੰਘ ਦਾ ਅਚਾਨਕ ਇਕ ਸੜਕ ਹਾਦਸਾ ਹੋ ਗਿਆ, ਜਿਸ ਨਾਲ ਪਰਿਵਾਰ 'ਤੇ ਇਕ ਵਾਰ ਫੇਰ ਦੁੱਖਾਂ ਦਾ ਪਹਾੜ ਟੁੱਟ ਪਿਆ।
ਇਸ ਹਾਦਸੇ 'ਚ ਅਪ੍ਰੇਸ਼ਨਾਂ ਤੋਂ ਬਾਅਦ ਅਜੇ ਤੱਕ ਵੀ ਉਹ ਪੂਰੀ ਤਰਾਂ ਠੀਕ ਨਹੀਂ ਹੋਇਆ ਅਤੇ ਉਹ ਚੰਗੀ ਤਰਾਂ ਬੋਲਣ ਤੋਂ ਅਥਮਰਥ ਹੈ। ਬੇਟੀ ਲਖਵਿੰਦਰ ਕੌਰ ਜਿਸ ਨੇ ਨਰਸਿੰਗ ਦਾ ਕੋਰਸ ਕੀਤਾ ਹੋਇਆ ਹੈ ਅਤੇ ਆਈਲੈਟਸ ਪਾਸ ਕਰਕੇ ਬਾਹਰ ਜਾਣਾ ਚਾਹੁੰਦੀ ਸੀ, ਜਿਸਦਾ 23 ਜਨਵਰੀ ਨੂੰ ਵਿਆਹ ਰੱਖਿਆ ਹੋਇਆ ਹੈ।ਜਿਸ ਦੀਆਂ ਤਿਆਰੀਆਂ ਚੱਲ ਰਹੀਆਂ ਸਨ।
ਰਿਸ਼ਤੇਦਾਰਾਂ ਨੇ ਕਿਹਾ ਕਿ ਪਿਤਾ ਦੇ ਸਹਾਰੇ ਤੋਂ ਵਾਂਝੇ ਅਮਰਜੀਤ ਕੌਰ ਨੇ ਆਪਣੇ ਬੱਚੇ ਬੜੇ ਦੁੱਖ ਤਕਲੀਫਾਂ ਨਾਲ ਪਾਲੇ ਸਨ ਪਰ ਇਸ ਹਾਦਸੇ ਨੇ ਉਹਨਾਂ ਦੇ ਸਿਰੋਂ ਹੁਣ ਮਾਂ ਦਾ ਸਾਇਆ ਵੀ ਖੋਹ ਲਿਆ ਹੈ। ਜਿਸ ਦੀ ਜਿੰਮੇਵਾਰ ਮੋਦੀ ਹਕੂਮਤ ਹੈ। ਉਨ੍ਹਾਂ ਦੱਸਿਆ ਕਿ 5 ਏਕੜ ਜਮੀਨ ਦੇ ਮਾਲਿਕ ਇਸ ਪਰਿਵਾਰ ਸਿਰ ਦੱਸ ਲੱਖ ਰੁਪਏ ਬੈਂਕ ਅਤੇ 20 ਲੱਖ ਦੇ ਲਗਭਗ ਪ੍ਰਾਈਵੇਟ ਕਰਜ਼ਾ ਹੈ। ਅਮਰਜੀਤ ਦੇ ਪਰਿਵਾਰ ਵਾਲਿਆਂ ਨੇ ਇਨਸਾਫ਼ ਦੀ ਮੰਗ ਕੀਤੀ ਹੈ।
ਇਹ ਵੀ ਪੜ੍ਹੋ: ਮਨਜਿੰਦਰ ਸਿਰਸਾ ਨੇ ਪਾਕਿਸਤਾਨ ਸਰਕਾਰ 'ਤੇ ਚੁੱਕੇ ਵੱਡੇ ਸਵਾਲ
