ਸੁਲਤਾਨਪੁਰ : ਸੁਲਤਾਨਪੁਰ ਲੋਧੀ ਨੇੜੇ ਪਿੰਡ ਝੱਲੇ ਵਾਲਾ ਦੇ ਰਹਿਣ ਵਾਲੇ ਨੌਜਵਾਨ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਜਿਸ ਵਿਚ ਨੌਜਵਾਨ ਨੇ ਕਿਹਾ ਹੈ ਕਿ ਉਹ ਫਿਲੀਪੀਨਜ਼ ਦੇ ਮਨੀਲਾ ਸ਼ਹਿਰ ਵਿਚ ਫਸਿਆ ਹੋਇਆ ਹੈ, ਤਾਲਾਬੰਦੀ ਕਾਰਨ ਉਸ ਦਾ ਕਾਰੋਬਾਰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ ਹੈ, ਇਸ ਲਈ ਨੌਜਵਾਨ ਨੇ ਵੀਡੀਓ ਜਾਰੀ ਕਰਕੇ ਪੰਜਾਬ ਸਰਕਾਰ ਅਤੇ ਵਾਤਾਵਰਣ ਪ੍ਰੇਮੀ ਰਾਜ ਸਭਾ ਮੈਂਬਰ ਨੂੰ ਅਪੀਲ ਕੀਤੀ ਹੈ। ਮਦਦ ਲਈ ਸੰਤ ਬਲਬੀਰ ਸਿੰਘ ਸੀਚੇਵਾਲ ਨੇ ਲਾਇਆ।
ਪੰਜਾਬ ਸਰਕਾਰ ਤੇ ਸੰਤ ਸੀਚੇਵਾਲ ਅੱਗੇ ਮਦਦ ਦੀ ਫਰਿਆਦ : ਸੁਲਤਾਨਪੁਰ ਲੋਧੀ ਦੇ ਨੌਜਵਾਨ ਸਰਬਜੀਤ ਸਿੰਘ, ਜੋ ਕਿ ਫਿਲੀਪੀਂਜ਼ ਦੀ ਰਾਜਧਾਨੀ ਮਨੀਲਾ ਪੰਜ ਸਾਲ ਪਹਿਲਾਂ ਰਿਜ਼ਕ ਕਮਾਉਣ ਲਈ ਗਿਆ ਸੀ ਪਰ ਹੁਣ ਉਥੇ ਕੰਮ-ਕਾਜ਼ ਨਾ ਹੋਣ ਕਾਰਨ ਉਥੋਂ ਇਕ ਵੀਡੀਓ ਪੰਜਾਬ ਸਰਕਾਰ ਤੇ ਰਾਜ ਸਭਾ ਮੈਂਬਰ ਸੰਤ ਬਲਬੀਰ ਸਿੰਘ ਸੀਚੇਵਾਲ ਦੇ ਨਾਂ ਜਾਰੀ ਕਰ ਕੇ ਮਦਦ ਦੀ ਮੰਗ ਕੀਤੀ ਹੈ। ਸਰਬਜੀਤ ਵੇ ਕਿਹਾ ਕਿ ਲਗਾਤਾਰ ਲਾਕਡਾਊਨ ਹੋਣ ਕਾਰਨ ਨਾ ਹੀ ਕੁਝ ਕਮਾ ਸਕਿਆ ਤੇ ਨਾ ਹੀ ਪਿੱਛੇ ਪਿੰਡ ਭੇਜ ਸਕਿਆ। ਸਰਬਜੀਤ ਨੇ ਕਿਹਾ ਕਿ ਇਥੇ ਗੁਜ਼ਾਰਾ ਕਰਨਾ ਵੀ ਬਹੁਤ ਔਖਾ ਹੋਇਆ ਹੈ। ਉਕਤ ਨੌਜਵਾਨ ਨੇ ਕਿਹਾ ਕਿ ਮਨੀਲਾ ਵਿਚ ਕੰਮ-ਕਾਜ਼ ਨਾ ਹੋਣ ਦੇ ਨਾਲ-ਨਾਲ ਲੁੱਟਾਂ ਖੋਹਾਂ ਵੀ ਬਹੁਤ ਹੋ ਰਹੀਆਂ ਹਨ, ਜੋ ਵੀ ਕਮਾਉਣੇ ਹਾਂ ਓਨਾ ਕਿ ਲੁਟੇਰੇ ਕਮਰਿਆਂ ਵਿਚ ਆ ਕੇ ਖੋਹ ਲੈਂਦੇ ਹਨ। ਜੇਕਰ ਉਨ੍ਹਾਂ ਦਾ ਵਿਰੋਧ ਕਰੀਏ ਤਾਂ ਉਹ ਗੋਲੀ ਮਾਰਨ ਦੀ ਧਮਕੀ ਦਿੰਦੇ ਹਨ।
ਇਹ ਵੀ ਪੜ੍ਹੋ : Navjot Singh Sidhu Release: ਸਿੱਧੂ ਦੀ ਸਮੇਂ ਤੋਂ ਪਹਿਲਾਂ ਰਿਹਾਈ ਦੀ ਉਮੀਦ ਟੁੱਟੀ, ਹੁਣ ਇਸ ਦਿਨ ਰਿਹਾਈ ਦੀ ਆਸ
ਲਾਕਡਾਊਨ ਤੇ ਲੁੱਟਾਂ-ਖੋਹਾਂ ਕਾਰਨ ਪਾਸਪੋਰਟ ਵੀ ਨਹੀਂ ਹੋ ਸਕਿਆ ਰਿਨਿਊ : ਸਰਬਜੀਤ ਨੇ ਕਿਹਾ ਕਿ ਹੁਣ ਵੀ ਮੇਰੇ ਮਗਰ ਇਕ ਵਿਅਕਤੀ ਲਗਾਤਾਰ ਲੱਗਿਆ ਹੋਇਆ ਹੈ। ਜਦੋਂ ਵੀ ਕੰਮ 'ਤੇ ਜਾਵਾਂ ਮੇਰਾ ਪਿੱਛਾ ਕਰਦਾ ਹੈ, ਮੈਨੂੰ ਡਰ ਹੈ ਕਿਤੇ ਮੇਰਾ ਕੋਈ ਨੁਕਸਾਨ ਨਾ ਕਰ ਦੇਵੇ। ਉਕਤ ਵਿਅਕਤੀ ਨੇ ਪੰਜਾਬ ਸਰਕਾਰ ਤੇ ਸੰਤ ਬਲਬੀਰ ਸਿੰਘ ਸੀਚੇਵਾਲ ਨੂੰ ਫਰਿਆਦ ਕੀਤੀ ਕਿ ਜਲਦ ਤੋਂ ਜਲਦ ਮੈਨੂੰ ਇਥੋਂ ਪੰਜਾਬ ਭੇਜਣ ਲਈ ਢੁੱਕਵੇਂ ਯਤਨ ਕੀਤੇ ਜਾਣ। ਉਸ ਨੇ ਕਿਹਾ ਕਿ ਇਥੇ ਲਾਕਡਾਊਨ ਹੋਣ ਕਾਰਨ ਨਾ ਤਾਂ ਪਾਸਪੋਰਟ ਰਿਨਿਊ ਕਰਵਾ ਸਕਿਆ ਤੇ ਨਾ ਹੀ ਵੀਜ਼ਾ ਅੱਗੇ ਵਧਾ ਸਕਿਆ ਹੈ। ਪਿੱਛੇ ਪੰਜਾਬ ਮੇਰਾ ਪਰਿਵਾਰ ਗੁਜ਼ਾਰਾ ਕਰਨ ਤੋਂ ਮਹੁਤਾਜ ਹੈ ਤੇ ਬੱਚੇ ਵੀ ਸਕੂਲੀ ਫੀਸ ਨਾ ਹੋਣ ਕਾਰਨ ਸਕੂਲ ਜਾਣ ਤੋਂ ਅਸਮਰਥ ਹਨ। ਪੰਜਾਬ ਸਰਕਾਰ ਅੱਗੇ ਬੇਨਤੀ ਹੈ ਕਿ ਮੈਨੂੰ ਇਥੋਂ ਜਲਦ ਤੋਂ ਜਲਦ ਆਪਣੇ ਪਰਿਵਾਰ ਤਕ ਪਹੁੰਚਾਇਆ ਜਾਵੇ।
