ਜਲੰਧਰ : ਜਲੰਧਰ ਦੇ ਥਾਣਾ ਨੰਬਰ ਤਿੱਨ ਦੀ ਪੁਲੀਸ ਦੇ ਮੁਖੀ ਐੱਸ.ਆਈ ਮੁਕੇਸ਼ ਕੁਮਾਰ ਪੁਲਿਸ ਪਾਰਟੀ ਸਮੇਤ ਜਲੰਧਰ ਦੇ ਭਗਤ ਸਿੰਘ ਚੌਕ ਤੋਂ ਲੈ ਕੇ ਜਲੰਧਰ ਦੇ ਰੇਲਵੇ ਸਟੇਸ਼ਨ ਤੇ ਆ ਰਹੀਆਂ ਸਵਾਰੀਆਂ ਦੇ ਸਾਮਾਨ ਅਤੇ ਆਸ ਪਾਸ ਸ਼ੱਕੀ ਵਿਅਕਤੀਆਂ ਦੇ ਸਾਮਾਨ ਦੀ ਚੈਕਿੰਗ ਕੀਤੀ ਗਈ।
ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਥਾਣਾ ਨੰਬਰ ਤਿੰਨ ਦੇ ਪ੍ਰਭਾਵੀ ਮੁਕੇਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਅਤੇ ਉਨ੍ਹਾਂ ਦੀ ਪੁਲਿਸ ਪਾਰਟੀ ਜਲੰਧਰ ਦੇ ਰੇਲਵੇ ਸਟੇਸ਼ਨ ਜੋ ਕਿ ਕਾਫੀ ਭੀੜ ਭਾੜ ਵਾਲੀ ਥਾਂ ਹੈ। ਉਥੇ ਜਲੰਧਰ ਪੁਲਿਸ ਕਮਿਸ਼ਨਰ ਗੁਰਪ੍ਰੀਤ ਸਿੰਘ ਭੁੱਲਰ ਦੇ ਦਿਸ਼ਾ ਨਿਰਦੇਸ਼ਾਂ 'ਤੇ ਚੈਕਿੰਗ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਇਹ ਚੈਕਿੰਗ 15 ਅਗਸਤ ਨੂੰ ਲੈ ਕੇ ਕੀਤੀ ਜਾ ਰਹੀ ਹੈ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੀ ਕੋਈ ਅਣਗਹਿਲੀ ਜਾਂ ਅਣਚਾਹੀ ਘਟਨਾ ਸ਼ਹਿਰ ਦੇ ਵਿੱਚ ਨਾ ਵਾਪਰੇ।
ਇਹ ਵੀ ਪੜ੍ਹੋ:ਜਦੋਂ SHOWROOM 'ਚ ਚੱਲੇ ਡੰਡੇ, ਨਾ ਬਚੀ BMW, ਨਾ ਬਚੇ ਬੰਦੇ
ਉਨ੍ਹਾਂ ਨੇ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਜੇਕਰ ਉਨ੍ਹਾਂ ਨੂੰ ਕੋਈ ਅਣਪਛਾਤੀ ਵਸਤੂ ਜਾਂ ਸ਼ੱਕੀ ਕੋਈ ਸਾਮਾਨ ਪਿਆ ਦਿਖਦਾ ਹੈ ਤਾਂ ਉਹ ਸੰਬੰਧੀ ਪੁਲਿਸ ਨੂੰ ਸੂਚਨਾ ਜ਼ਰੂਰ ਦੇਣ।
