ਸਾਹਿਤ ਦੇ ਰਾਖਿਆਂ ਨੂੰ ਭੁੱਲਦਾ ਜਾ ਰਿਹਾ ਹੈ ਪੰਜਾਬ

ਪੰਜਾਬੀ ਸਾਹਿਤ ਵਿੱਚ ਬਹੁਤ ਸਾਰੇ ਪੰਜਾਬੀਆਂ ਨੇ ਆਪਣਾ ਨਾਮ ਰੌਸ਼ਨ ਕੀਤਾ ਹੈ। ਹੁਣ ਤੱਕ ਪੰਜਾਬ ਦੇ ਕਈ ਸਾਹਿਤਕਾਰਾਂ ਅਤੇ ਲੇਖਕਾਂ ਨੇ ਸਾਹਿਤ ਵਿੱਚ ਵੱਡਾ ਯੋਗਦਾਨ ਪਾਇਆ ਹੈ ਪਰ ਅੱਜ ਵੀ ਕਈ ਐਸੇ ਸਾਹਿਤ ਦੇ ਸਿਤਾਰੇ ਹਨ ਜੋ ਪਰਦੇ ਦੇ ਪਿੱਛੇ ਬੈਠ ਕੇ ਆਪਣੀ ਜ਼ਿੰਦਗੀ ਬਤੀਤ ਕਰ ਰਹੇ ਹਨ। ਉਨ੍ਹਾਂ ਗੁਮਨਾਮ ਸਿਤਾਰਿਆਂ ਵਿੱਚੋਂ ਇੱਕ ਨਾਮ ਹੈ ਵਿਜੇ ਰਸੂਲਪੁਰੀ।

ਹੁਸ਼ਿਆਰਪੁਰ: ਪੰਜਾਬੀ ਸਾਹਿਤ ਵਿੱਚ ਬਹੁਤ ਸਾਰੇ ਪੰਜਾਬੀਆਂ ਨੇ ਆਪਣਾ ਨਾਮ ਰੌਸ਼ਨ ਕੀਤਾ ਹੈ। ਹੁਣ ਤੱਕ ਪੰਜਾਬ ਦੇ ਕਈ ਸਾਹਿਤਕਾਰਾਂ ਅਤੇ ਲੇਖਕਾਂ ਨੇ ਸਾਹਿਤ ਵਿੱਚ ਵੱਡਾ ਯੋਗਦਾਨ ਪਾਇਆ ਹੈ ਪਰ ਇਸਦੇ ਬਾਵਜੂਦ ਅੱਜ ਵੀ ਕਈ ਐਸੇ ਸਿਤਾਰੇ ਹਨ ਜੋ ਪਰਦੇ ਦੇ ਪਿੱਛੇ ਬੈਠਕੇ ਆਪਣੀ ਜ਼ਿੰਦਗੀ ਬਤੀਤ ਕਰ ਰਹੇ ਹਨ। ਉਨ੍ਹਾਂ ਗੁਮਨਾਮ ਸਿਤਾਰਿਆਂ ਵਿੱਚੋਂ ਇੱਕ ਨਾਮ ਹੈ ਵਿਜੇ ਰਸੂਲਪੁਰੀ। ਵਿਜੇ ਦਾ ਕਾਲਜ ਵੇਲੇ ਤੋਂ ਹੀ ਸਾਹਿਤ ਨਾਲ ਪਿਆਰ ਪੈ ਗਿਆ ਸੀ।
ਪੰਜਾਬੀ ਦੇ ਇੱਕ ਮਸ਼ਹੂਰ ਸਾਹਿਤਕਾਰ ਸੁਰਜੀਤ ਪਾਤਰ ਦੀਆਂ ਸਤਰਾਂ ਵਿਜੈ 'ਤੇ ਬਿਲਕੁਲ ਠੀਕ ਢੁਕਦਿਆਂ ਹਨ "ਮੈਂ ਆਪਣੇ ਖੂਨ ਨਾਲ ਸਿੰਜੀਆ ਸੀ ਇੱਕ ਕਮਲ ਕੀ ਹੋਇਆ ਜੇ ਪੱਤਿਆਂ 'ਤੇ ਮੇਰਾ ਨਾਮ ਨਹੀਂ"। ਆਪਣੀ ਕਹਾਣੀ ਬਿਆਨ ਕਰਦਿਆਂ ਵਿਜੇ ਰਸੂਲਪੁਰੀ ਨੇ ਦੱਸਿਆ ਕਿ ਉਹ ਹੁਣ ਤੱਕ ਕਰੀਬ 350 ਗੀਤ ਲਿੱਖ ਚੁੱਕੇ ਹਨ ਅਤੇ ਕਈ ਮਸ਼ਹੂਰ ਗਾਇਕ ਉਨ੍ਹਾਂ ਦੇ ਕਰੀਬ 15 ਗੀਤਾਂ ਨੂੰ ਆਪਣੀ ਆਵਾਜ਼ ਵੀ ਦੇ ਚੁੱਕੇ ਹਨ।
ਉਨ੍ਹਾਂ ਗੀਤਾਂ ਵਿੱਚੋਂ ਸਭ ਤੋਂ ਵੱਧ ਗੀਤ ਹਿੱਟ ਹੋਇਆ " ਫਿਰ ਰੱਬ ਤੋਂ ਪਹਿਲਾਂ ਮਾਵਾਂ ਚੇਤੇ ਆਉਂਦੀਆਂ ਨੇ" ਜਿਸ ਨੂੰ ਫਿਰੋਜ਼ ਖ਼ਾਨ ਨੇ ਸਾਲ 2007 ਵਿੱਚ ਆਪਣੀ ਅਵਾਜ਼ ਦਿੱਤੀ ਸੀ। ਇਸ ਗੀਤ ਤੋਂ ਹੀ ਫਿਰੋਜ਼ ਖ਼ਾਨ ਨੇ ਪੰਜਾਬੀ ਗੀਤਾਂ 'ਚ ਸ਼ੌਹਰਤ ਹਾਸਿਲ ਕੀਤੀ ਸੀ। ਪਰ ਰੰਜ ਹੈ ਕਿ ਅੱਜ ਤੱਕ ਖ਼ਾਨ ਨੇ ਕਿਸੇ ਵੀ ਸਟੇਜ 'ਤੇ ਉਸਦੇ ਨਾਮ ਦਾ ਜ਼ਿਕਰ ਤੱਕ ਨਹੀਂ ਕੀਤਾ। ਉਨ੍ਹਾਂ ਕਿਹਾ ਕਿ ਇੱਕ ਲੇਖਕ ਨੂੰ ਪੈਸੇ ਨਾਲੋਂ ਨਾਮ ਦੀ ਭੁੱਖ ਹੁੰਦੀ ਹੈ ਪਰ ਹੈਰਾਨੀ ਵਾਲੀ ਗੱਲ ਹੈ ਕਿ ਉਨ੍ਹਾਂ ਨੂੰ ਨਾਮ ਤੇ ਪਹਿਚਾਣ ਤੋਂ ਵੀ ਵਾਂਝਾ ਰੱਖਿਆ ਗਿਆ ਹੈ। ਵਿਜੇ ਨੇ ਇਸ ਗੱਲ ਦਾ ਵੀ ਜ਼ਿਕਰ ਕੀਤਾ ਕਿ ਜੇਕਰ ਉਨ੍ਹਾਂ ਨੇ ਗੀਤ ਕਿਸੇ ਹੋਰ ਨੂੰ ਦਿੱਤਾ ਹੁੰਦਾ ਤਾਂ ਸ਼ਾਇਦ ਉਨ੍ਹਾਂ ਨੂੰ ਬਣਦੀ-ਸਰਦੀ ਪਹਿਚਾਣ ਅਤੇ ਮਾਣ ਸਤਿਕਾਰ ਮਿਲ ਸਕਦਾ ਸੀ।