ਹੁਸ਼ਿਆਰਪੁਰ: ਕੋਰੋਨਾ ਮਹਾਂਮਾਰੀ ਦਾ ਅਸਰ ਹਰ ਕਿੱਤੇ ਉੱਤੇ ਵੇਖਣ ਨੂੰ ਮਿਲ ਰਿਹਾ ਹੈ। ਇਸ ਦਾ ਪ੍ਰਭਾਵ ਪੇਂਡੂ ਖੇਡ ਮੇਲਿਆਂ 'ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ ਤੇ ਸੱਥਾਂ ਵੀ ਸੁੰਨੀਆਂ ਹੋ ਗਈਆਂ ਹਨ।
ਜਿਨ੍ਹਾਂ ਖਿਡਾਰੀਆਂ ਦਾ ਦਾਰੋਮਦਾਰ ਖੇਡਾਂ, ਖਾਸਕਰ ਕੱਬਡੀ ਨਾਲ ਜੁੜਿਆ ਸੀ ਉਹ ਇਨ੍ਹੀਂ ਦਿਨੀਂ ਮੰਦਹਾਲੀ ਦਾ ਸ਼ਿਕਾਰ ਹੋ ਰਹੇ ਹਨ। ਪੰਜਾਬ ਭਰ ਵਿੱਚ ਲਗਾਤਾਰ ਕਬੱਡੀ ਦੇ ਟੂਰਨਾਮੈਂਟ ਚਲਦੇ ਹਨ, ਜਿਥੇ ਇਕ ਟੂਰਨਾਮੈਂਟ 'ਤੇ ਲਗਭਗ ਤਿੰਨ ਤੋਂ ਚਾਰ ਲੱਖ ਦੀ ਰਾਸ਼ੀ ਖਰਚ ਹੁੰਦੀ ਹੈ ਉਥੇ ਹੀ ਇਸ ਦਾ 80% ਹਿੱਸਾ ਖਿਡਾਰੀਆਂ ਨੂੰ ਇਨਾਮ ਦੇ ਤੌਰ 'ਤੇ ਮਿਲਦਾ ਹੈ।
ਜ਼ਿਲ੍ਹਾ ਹੁਸ਼ਿਆਰਪੁਰ ਦੀ ਗੱਲ ਕਰੀਏ ਤਾਂ ਉੱਥੇ 70 ਕੇ ਕਰੀਬ ਖੇਡ ਮੇਲੇ ਲੱਗਦੇ ਹਨ ਜਿਨ੍ਹਾਂ 'ਤੇ ਕਰੀਬ ਤਿੰਨ ਕਰੋੜ ਤੋਂ ਵੱਧ ਦੀ ਰਾਸ਼ੀ ਖਰਚ ਹੁੰਦੀ ਹੈ ਪਰ ਕੋਰੋਨਾ ਕਰਕੇ ਇਸ ਵਾਰ ਮੇਲੇ ਸ਼ੁਰੂ ਹੀ ਨਹੀਂ ਹੋ ਸਕੇ ਤੇ ਆਉਣ ਵਾਲੇ ਸਮੇਂ 'ਚ ਕੋਈ ਸੰਭਾਵਨਾ ਵੀ ਨਹੀਂ ਹੈ
ਕੱਬਡੀ ਨਾਲ ਜੁੜੇ ਕੋਚ ਵੀ ਮੰਨਦੇ ਹਨ ਜਿਵੇਂ ਬਾਕੀ ਕਾਰੋਬਾਰਾਂ ਵਿੱਚ ਸਰਕਾਰ ਵੱਲੋਂ ਖੁੱਲ ਦਿੱਤੀ ਗਈ ਹੈ ਉਸੇ ਤਰ੍ਹਾਂ ਖੇਡਾਂ ਵੱਲ ਵੀ ਧਿਆਨ ਦੇਣਾ ਚਾਹੀਦਾ ਹੈ ਤਾਂ ਜੋ ਨੌਜਵਾਨਾਂ ਨੂੰ ਕੱਬਡੀ ਨਾਲ ਜੋੜ ਕੇ ਰੱਖਿਆ ਜਾਵੇ ਤੇ ਉਹ ਕੱਬਡੀ ਤੋਂ ਮੂੰਹ ਨਾ ਮੋੜ ਲੈਣ।
