ਫ਼ਾਜਿਲਕਾ : ਪਿੰਡ ਸੱਪਾ ਵਾਲੀ ਦੇ ਕਿਸਾਨ ਖੇਤੀ ਦੇ ਸਹਾਇਕ ਧੰਦੇ ਅਪਣਾ ਕੇ ਲੱਖਾਂ ਰੁਪਏ ਕਮਾ ਰਹੇ ਹਨ। ਇਨ੍ਹਾਂ ਕਿਸਾਨਾਂ ਵਲੋਂ ਚਲਾਈਆਂ ਜਾ ਰਹੀਆਂ ਨਰਸਰੀਆਂ 'ਚ ਗੁਲਾਬ ਦੀਆਂ ਵੱਖਰੀਆਂ ਪ੍ਰਜਾਤੀਆਂ ਦੇ ਫੁੱਲਾਂ ਦੀ ਖੇਤੀ, ਨਿੰਬੂ ,ਕਿੰਨੂ ਅਤੇ ਹੋਰਨਾਂ ਕਈ ਕਿਸਮਾਂ ਦੀ ਪਨੀਰੀ ਤਿਆਰ ਕਰ ਦੇਸ਼ਭਰ ਦੇ ਕਈ ਥਾਵਾਂ 'ਤੇ ਭੇਜੀ ਜਾ ਰਹੀ ਹੈ। ਇਸ ਰਾਹੀਂ ਇਹ ਕਿਸਾਨ ਵਧੀਆ ਮੁਨਾਫ਼ਾ ਕਮਾ ਰਹੇ ਹਨ।
ਇਸ ਸੰਬਧੀ ਜਦੋ ਅਸੀਂ ਈਟੀਵੀ ਦੀ ਟੀਮ ਨੇ ਪਿੰਡ ਸੱਪਾ ਵਾਲੀ ਦੇ ਕਿਸਾਨਾਂ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਉਹ ਫੁੱਲਾਂ ਅਤੇ ਫੱਲਾਂ ਦੀਆਂ ਨਰਸਰੀਆਂ ਚਲਾ ਰਹੇ ਹਨ। ਇਥੇ ਉਹ ਗੁਲਾਬ, ਗੇਂਦੇ ਵਰਗੇ ਫੁੱਲਾਂ ਦੀ ਖੇਤੀ ਕਰਦੇ ਹਨ ਅਤੇ ਵੱਖ-ਵੱਖ ਫੱਲਾਂ ਦੀ ਕਈ ਕਿਸਮਾਂ ਦੀ ਪਨੀਰੀ ਤਿਆਰ ਕਰਕੇ ਉਸ ਨੂੰ ਵੇਚਦੇ ਹਨ।
ਹੋਰ ਪੜ੍ਹੋ: ਦਿਵਿਆਂਗਾਂ ਨੇ ਪੰਜਾਬ ਸਰਕਾਰ ਵਿਰੁੱਧ ਕੱਢਿਆ ਰੋਸ ਮਾਰਚ
ਨਰਸਰੀ ਚਲਾਉਣ ਵਾਲੇ ਕਿਸਾਨਾਂ ਨੇ ਦੱਸਿਆ ਕਿ ਰਾਜਸਥਾਨ ਸਰਹੱਦ ਨਾਲ ਲੱਗਦੇ ਪੰਜਾਬ ਦੇ ਇਸ ਪਿੰਡ 'ਚ ਗਰਮੀਆਂ ਦੇ ਮੌਸਮ ਦੌਰਾਨ ਤਾਪਮਾਨ ਵੱਧ ਜਾਂਦਾ ਹੈ। ਗਰਮੀ ਦੇ ਮੌਸਮ 'ਚ ਵੀ ਉਹ ਕਰੜੀ ਮਿਹਨਤ ਕਰਕੇ ਇਥੇ ਕਰਕੇ ਇੱਥੇ ਕਿੰਨੂ,ਨੀਂਬੂ,ਗੁਲਾਬ ਦੇ ਫੁੱਲਾਂ ਅਤੇ ਕਈ ਹੋਰਨਾਂ ਪ੍ਰਜਾਤੀਆਂ ਦੀਆਂ ਪਨੀਰੀ ਤਿਆਰ ਕਰਕੇ ਦੇਸ਼ ਭਰ ਦੇ ਲੋਕਾਂ ਨੂੰ ਭੇਜਦੇ ਹਨ। ਉਨ੍ਹਾਂ ਕਿਹਾ ਕਿ ਕਣਕ ਜਾ ਝੋਨੇ ਦੀ ਫਸਲ ਦੇ ਨਾਲ-ਨਾਲ ਫੁੱਲਾਂ ਅਤੇ ਫੱਲਾਂ ਦੀ ਖੇਤੀ ਨਾਲ ਉਨ੍ਹਾਂ ਨੂੰ ਚੰਗਾ ਮੁਨਾਫ਼ਾ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਸੱਪਾ ਵਾਲੀ ਪਿੰਡ ਨੂੰ ਫੁੱਲਾਂ ਦਾ ਕਸ਼ਮੀਰ ਵੀ ਕਿਹਾ ਜਾਂਦਾ ਹੈ।
