ਚੰਡੀਗੜ੍ਹ: ਸੋਸ਼ਲ ਮੀਡੀਆ 'ਤੇ ਅੱਜਕੱਲ੍ਹ ਇੱਕ ਤਸਵੀਰ ਬੜੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਵਾਇਰਲ ਹੋ ਰਹੀ ਤਸਵੀਰ ਵਿੱਚ ਚੰਡੀਗੜ੍ਹ ਸੈਕਟਰ 35 ਦੇ ਕਿਸਾਨ ਭਵਨ ਦਾ ਖੂਬ ਮਜ਼ਾਕ ਬਣ ਰਿਹਾ ਹੈ।
ਦਰਅਸਲ, ਕਿਸਾਨ ਭਵਨ ਦੀ ਇਮਾਰਤ 'ਤੇ ਲਿਖੇ ਨਾਂਅ "ਕਿਸਾਨ ਭਵਨ" ਦੇ ਅਖਰਾਂ ਵਿੱਚੋਂ "ਨ" ਤੇਜ਼ ਹਨ੍ਹੇਰੀ ਵਗਣ ਨਾਲ ਡਿੱਗ ਗਿਆ ਅਤੇ ਕਿਸਾਨ ਦਾ "ਕਿਸ" ਨਾਂਅ ਪਲੇਟ 'ਤੇ ਰਹਿ ਗਿਆ, ਜੋ ਹੁਣ ਲੋਕਾਂ ਵਿੱਚ ਹਨ੍ਹੇਰੀ ਵਾਂਗ ਵਾਇਰਲ ਹੋ ਰਿਹਾ ਹੈ ਅਤੇ ਵਿਭਾਗ ਦਾ ਲੋਕਾਂ ਵੱਲੋਂ ਇਸ ਕਦਰ ਮਜ਼ਾਕ ਬਣਾਇਆ ਜਾ ਰਿਹਾ ਹੈ। ਕਿ ਨੌਜਵਾਨ ਕਿਸਾਨ ਭਵਨ ਦੀ ਇਮਾਰਤ ਸਾਹਮਣੇ ਸੈਲਫੀਆਂ ਲੈ ਰਹੇ ਹਨ। ਵਿਭਾਗ ਨੇ ਆਪਣਾ ਮਜ਼ਾਕ ਬਣਦਾ ਦੇਖ ਨਾਂਅ ਪਲੇਟ ਹਟਾ ਦਿੱਤੀ।