ਮੌੜ ਮੰਡੀ : ਵਿਵਾਦਾਂ ਦੇ ਨਾਲ ਗਹਿਰਾ ਰਿਸ਼ਤਾ ਰੱਖਣ ਵਾਲੇ ਰਾਜਾ ਵੜਿੰਗ ਆਪਣੇ ਚੋਣ ਪ੍ਰਚਾਰ ਦੌਰਾਨ ਇੱਕ ਵਾਰ ਫ਼ਿਰ ਬਾਦਲ ਪਰਿਵਾਰ ਉੱਤੇ ਜੰਮ ਕੇ ਟਿੱਪਣੀ ਕਰਦੇ ਹੋਏ ਨਜ਼ਰ ਆਏ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਬਾਦਲਾਂ ਦੀ ਨੂੰਹ ਹਰਸਿਮਰਤ ਕੌਰ ਬਾਦਲ ਬੋਰਡ ਖ਼੍ਰੀਦਣ ਲਈ ਆਵੇ ਅਤੇ ਸਹੁੰ ਖਾਣ ਦੀ ਗੱਲ ਕਹੇ ਤਾਂ ਤੁਸੀਂ ਪੈਸੇ ਲੈ ਕੇ ਹਰਸਿਮਰਤ ਕੌਰ ਬਾਦਲ ਦੀ ਸਹੁੰ ਖਾ ਜਾਓ।
ਵੀਡਿਓ।
ਉਨ੍ਹਾਂ ਕਿਹਾ ਕਿ ਚੁੱਪ ਕਰਕੇ ਕਾਂਗਰਸ ਪਾਰਟੀ ਨੂੰ ਵੋਟ ਦਿਉ ਅਤੇ ਹਰਸਿਮਰਤ ਕੌਰ ਬਾਦਲ ਦੇ ਐਸਾ ਟੀਕਾ ਲਾਇਆ ਕਿ ਤੜਕੇ ਉੱਠੇ ਹੀ ਨਾ ਅਤੇ ਉਨ੍ਹਾਂ ਨੇ ਕਿਹਾ ਕਿ ਹਰਸਿਮਰਤ ਕੌਰ ਬਾਦਲ ਦੇ ਭਰਾ ਬਿਕਰਮ ਸਿੰਘ ਮਜੀਠੀਆ ਜੋ ਕਿ ਸ਼ਰਾਬ ਦੀ ਫ਼ੈਕਟਰੀ ਚਲਾਉਂਦਾ ਹੈ ਅਤੇ ਉਹ ਵੋਟਾਂ ਵਿੱਚ ਸ਼ਰਾਬ ਨੂੰ ਵੰਡੇਗਾ ਅਤੇ ਮਾੜੀ ਸ਼ਰਾਬ ਪੀ ਕੇ ਲੋਕ ਬਿਮਾਰ ਹੋਣਗੇ।
