ਬਠਿੰਡਾ:ਬਸੰਤ ਪੰਚਮੀ ਤੋਂ ਪਹਿਲਾਂ ਹੀ ਪਤੰਗਬਾਜ਼ੀ ਦਾ ਸ਼ੌਕ ਹਰ ਵਰਗ ਦੇ ਲੋਕਾਂ ਦੇ ਸਿਰ ਚੜ੍ਹ ਕੇ ਬੋਲਦਾ ਹੈ ਅਤੇ ਬਸੰਤ ਪੰਚਮੀ ਦੇ ਦਿਨ ਲੋਕ ਆਪਣੇ ਘਰਾਂ ਦੀ ਛੱਤਾਂ ਉੱਪਰ ਵੱਡੇ ਸਪੀਕਰ ਲਗਾ ਕੇ ਨੱਚ ਗਾ ਕੇ ਪਤੰਗਬਾਜ਼ੀ ਕਰਕੇ ਜਸ਼ਨ ਮਨਾਉਂਦੇ ਹਾਂ ਪਰ ਇਸ ਵਾਰ ਅਜਿਹਾ ਬਿਲਕੁਲ ਨਹੀਂ ਹੋਇਆ।
ਬਸੰਤ ਪੰਚਮੀ ਤੋਂ ਪਹਿਲਾਂ ਹੀ ਵਧੀ ਠੰਡ ਅਤੇ ਧੁੰਦ ਕਾਰਨ ਲੋਕ ਪਹਿਲਾਂ ਪਤੰਗਬਾਜ਼ੀ ਨਹੀਂ ਕਰ ਪਾਏ ਤੇ ਹੁਣ ਬਸੰਤ ਪੰਚਮੀ 'ਤੇ ਲਗਾਤਾਰ ਦੋ ਦਿਨ ਤੋਂ ਹੋ ਰਹੀ ਬਰਸਾਤ ਨੇ ਲੋਕਾਂ ਦੇ ਮਨੋਰੰਜਨ ਦੇ ਨਾਲ-ਨਾਲ ਪਤੰਗ ਵਿਕਰੇਤਾ ਦਾ ਵੀ ਹਾਲ ਮੰਦਾ ਕਰ ਦਿੱਤਾ।
ਪਤੰਗ ਵਿਕਰੇਤਾ ਬਿੱਲੂ ਦਾ ਕਹਿਣਾ ਹੈ ਕਿ ਉਹ 21 ਸਾਲ ਤੋਂ ਅੰਮ੍ਰਿਤਸਰ ਵਿੱਚੋਂ ਆ ਕੇ ਬਠਿੰਡਾ ਵਿੱਚ ਪਤੰਗ ਵੇਚਣ ਦਾ ਅੱਡਾ ਲਗਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਇਸ ਵਾਰ ਕੁਝ ਤਾਂ ਮੌਸਮ ਦੀ ਮਾਰ ਪੈ ਗਈ ਤੇ ਕੁਝ ਚਾਈਨਾ ਡੋਰ ਦੇ ਖੌਫ ਨੇ ਬੱਚਿਆਂ ਵਿੱਚੋਂ ਪਤੰਗਬਾਜ਼ੀ ਦਾ ਸ਼ੌਕ ਹੀ ਖਤਮ ਕਰ ਦਿੱਤਾ।
ਚਾਈਨਾ ਡੋਰ ਦੀ ਸਪਲਾਈ ਕਰਨ ਵਾਲੇ ਸਪਲਾਇਰਾਂ ਨੇ ਨਾਰਮਲ ਡੋਰ ਦੀ ਖਰੀਦਦਾਰੀ ਵੀ ਘਟਾ ਦਿੱਤੀ ਹੈ ਅਤੇ ਦੂਜਾ ਹੁਣ ਬਰਸਾਤ ਨੇ ਰਹਿੰਦ ਖੂੰਦ ਕਮਾਈ ਵੀ ਖਤਮ ਕਰ ਦਿੱਤੀ ਹੈ।
ਲੁਧਿਆਣਾ ਤੋਂ ਬਠਿੰਡਾ ਆ ਕੇ ਪਤੰਗ ਵੇਚਣ ਵਾਲੇ ਦੁਕਾਨਦਾਰ ਰਾਜੂ ਨੇ ਦੱਸਿਆ ਹੈ ਕਿ ਉਹ ਲਗਾਤਾਰ 10 ਸਾਲ ਤੋਂ ਬਠਿੰਡਾ ਦੇ ਅਮਰੀਕ ਸਿੰਘ ਰੋਡ 'ਤੇ ਆ ਕੇ ਪਤੰਗ ਦਾ ਅੱਡਾ ਲਗਾਉਂਦੇ ਹਨ ਪਰ ਇਸ ਵਾਰ ਪਤੰਗਾਂ ਦਾ ਸ਼ੌਕ ਬਰਸਾਤ ਨੇ ਫਿੱਕਾ ਪਾ ਦਿੱਤਾ। ਇੱਕ ਕੈਲੰਡਰ ਦੇ ਮੁਤਾਬਕ ਬਸੰਤ ਪੰਚਮੀ 29 ਜਨਵਰੀ ਅਤੇ 30 ਜਨਵਰੀ ਦੋ ਦਿਨ ਮਨਾਉਣ ਦੇ ਕਾਰਨ ਵੀ ਕਾਫੀ ਨੁਕਸਾਨ ਹੋਇਆ ਹੈ।
ਪੂਰੇ ਸਾਲ ਦੇ ਵਿੱਚ ਇੱਕ ਉਮੀਦ ਲੈ ਕੇ ਪਤੰਗ ਸਟੋਰ ਵਾਲੇ ਬਸੰਤ ਪੰਚਮੀ 'ਤੇ ਪਤੰਗ ਵੇਚਣ ਲਈ ਬੈਠੇ ਸੀ ਪਰ ਉਨ੍ਹਾਂ ਦੇ ਚਿਹਰੇ 'ਤੇ ਮਾਯੂਸੀ ਹੀ ਨਜ਼ਰ ਆਈ ਕਿਉਂਕਿ ਇਸ ਵਾਰ ਮੌਸਮ ਦੇ ਸਾਥ ਨਾ ਦੇਣ ਕਾਰਨ ਚਾਈਨਾ ਡੋਰ ਦੇ ਖ਼ੌਫ਼ ਕਾਰਨ ਅਤੇ ਲੋਕਾਂ ਦੇ ਘੱਟ ਦੇ ਸ਼ੌਕ ਕਾਰਨ ਪਤੰਗਬਾਜ਼ਾਂ ਦਾ ਇਸ ਵਾਰ ਕਾਫ਼ੀ ਮੰਦਾ ਹਾਲ ਰਿਹਾ।
ਇਹ ਵੀ ਪੜੋ: ਵਿਆਹ ਪੁਰਬ: ਗੁਰਦੁਆਰਾ ਗੁਰੂ ਕਾ ਲਾਹੌਰ ਦਾ ਸ਼ਾਨਮੱਤਾ ਇਤਿਹਾਸ
ਬਰਸਾਤ ਕਾਰਨ ਪਤੰਗ ਖਰੀਦਣ ਵਾਲੇ ਗ੍ਰਾਹਕਾਂ ਦਾ ਵੀ ਹਾਲ ਕੁਝ ਅਜਿਹਾ ਨਜ਼ਰ ਆਇਆ ਕਿ ਜੋ ਹਰ ਸਾਲ ਬਸੰਤ ਪੰਚਮੀ ਮੌਕੇ ਵੱਡੀ ਸੰਖਿਆ ਵਿੱਚ ਪਤੰਗ ਖ਼ਰੀਦੇ ਦੇ ਸਨ ਤੇ ਹੁਣ ਇੱਕ ਮਜਬੂਰੀ ਸਮਝ ਕੇ ਥੋੜ੍ਹੇ ਜੇ ਪਤੰਗ ਖਰੀਦ ਰਹੇ ਹਨ।
