ਬਠਿੰਡਾ :ਕੈਪਟਨ ਸਰਕਾਰ ਵੱਲੋਂ ਸੱਤਾ ਵਿੱਚ ਆਉਣ ਤੋਂ ਪਹਿਲਾਂ ਘਰ-ਘਰ ਨੌਕਰੀ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ ਪਰ ਇਹ ਨੌਕਰੀਆਂ ਸਿਰਫ਼ ਕਾਂਗਰਸ ਨਾਲ ਸਬੰਧਤ ਨੇਤਾਵਾਂ ਦੇ ਬੱਚਿਆਂ ਨੂੰ ਦਿੱਤੀਆਂ ਗਈਆਂ। ਬਠਿੰਡਾ ਦੇ ਕਸਬਾ ਰਾਮਪੁਰਾ ਫੂਲ ਦੇ ਰਹਿਣ ਵਾਲੇ ਇੰਦਰਜੀਤ ਯੂ.ਕੇ. ਏਸ਼ੀਅਨ ਖੇਡਾਂ ਵਿੱਚ ਭਾਰਤ ਲਈ ਗੋਲਡ ਮੈਡਲ ਅਤੇ ਉਲੰਪਿਕਸ ਵਿੱਚ ਪਾਰਟੀਸੀਪੇਟ ਕਰਕੇ ਆਇਆ ਸੀ ਅੱਜ ਆਰਥਿਕ ਹਾਲਾਤਾਂ ਹੱਥੋਂ ਮਜਬੂਰ ਹੋ ਕੇ ਆਪਣੇ ਪਿਤਾ ਨਾਲ ਚਾਹ ਦੇ ਖੋਖੇ ਤੇ ਕੰਮ ਕਰਨ ਲਈ ਮਜਬੂਰ ਹੈ।
ਗੋਲਡ ਮੈਡਲਿਸਟ ਇੰਦਰਜੀਤ ਸਿੰਘ ਦਸਦਾ ਹੈ ਕਿ ਉਸ ਨੇ ਵੇਟਲਿਫਟਿੰਗ 'ਚ ਪੰਦਰਾਂ ਸਾਲਾਂ ਬਾਅਦ ਭਾਰਤ ਨੂੰ ਗੋਲਡ ਮੈਡਲ ਜਿੱਤ ਕੇ ਦਿੱਤਾ ਤੇ ਉਲੰਪਿਕ ਭਾਗ ਲਿਆ, ਪਰ ਹਾਲਾਤ ਹੱਥੋਂ ਮਜਬੂਰ ਹੋ ਕੇ ਉਹ ਚਾਹ ਵੇਚਣ ਲਈ ਮਜਬੂਰ ਹੈ ਕਿਉਂਕਿ ਸਰਕਾਰ ਵੱਲੋਂ ਉਸ ਦੀ ਕਿਸੇ ਤਰ੍ਹਾਂ ਦੀ ਕੋਈ ਵੀ ਆਰਥਿਕ ਸਹਾਇਤਾ ਨਹੀਂ ਕੀਤੀ ਕਿਉਂਕਿ ਉਸ ਨੂੰ ਏਸ਼ੀਅਨ ਖੇਡਾਂ ਵਿੱਚ ਭਾਗ ਲੈਣ ਜਾਣ ਲਈ ਆਪਣਾ ਘਰ ਗਿਰਵੀ ਰੱਖਣਾ ਪਿਆ ਸੀ ਜੋ ਅੱਜ ਵੀ ਨਹੀਂ ਛੁਡਵਾ ਸਕਿਆ।
ਗੈਡਲ ਜਿੱਤਣ ਤੋਂ ਬਾਅਦ ਪਿੰਡ ਪਰਤਣ 'ਤੇ ਹੋਇਆ ਭਰਵਾਂ ਸੁਅਗਤ
ਇੰਦਰਜੀਤ ਕਹਿੰਦਾ ਕਿ ਜਦੋਂ ਦੇਸ਼ ਲਈ ਉਹ ਗੋਲਡ ਮੈਡਲ ਲੈ ਕੇ ਆਇਆ ਸੀ ਤਾਂ ਪ੍ਰਸ਼ਾਸਨ ਵੱਲੋਂ ਉਸ ਦਾ ਸਵਾਗਤ ਜ਼ੋਰਾਂ ਸ਼ੋਰਾਂ ਨਾਲ ਕੀਤਾ ਗਿਆ ਸੀ ਪਰ ਅੱਜ ਜਦੋਂ ਉਹ ਸਰਕਾਰ ਕੋਲੋਂ ਨੌਕਰੀ ਦੀ ਮੰਗ ਕਰਦਾ ਹੈ ਤਾਂ ਉਸ ਨੂੰ ਸਿਰਫ਼ ਲਾਰੇ ਹੀ ਲਗਾਏ ਜਾ ਰਹੇ ਹਨ।
ਚਾਹ ਦੇ ਖੋਖੇ ਤੇ ਮੈਡਲ ਮੋਮੈਂਟੋ ਅਤੇ ਸਰਟੀਫਿਕੇਟ ਰੱਖ ਸਰਕਾਰ ਖ਼ਿਲਾਫ਼ ਰੋਸ ਵਿਅਕਤ ਕਰਦਿਆਂ ਖਿਡਾਰੀ ਇੰਦਰਜੀਤ ਨੇ ਕਿਹਾ ਕਿ ਦੋ ਕਮਰਿਆਂ ਦੇ ਘਰ ਨੂੰ ਛੁਡਵਾਉਣ ਲਈ ਸਰਕਾਰ ਨੇ ਭਾਵੇਂ ਉਸ ਦੀ ਕੋਈ ਮਾਲੀ ਇਮਦਾਦ ਨਾ ਕਰੇ ਪਰ ਉਸਦੇ ਮਾਤਾ ਪਿਤਾ ਸਿਰ ਦੀ ਛੱਤ ਜੋ ਕਿ ਕਰਜ਼ੇ ਦੇ ਭਾਰ ਥੱਲੇ ਦੱਬੀ ਹੋਈ ਹੈ ਨੂੰ ਮੁਕਤ ਕਰਵਾ ਕੇ ਦੇਵੇ।
ਮੁੱਖ ਮੰਤਰੀ ਦੇ ਪਿੰਡ ਪੁਰਖਿਆਂ ਦਾ 'ਏਸ਼ੀਅਨ ਗੋਲਡ ਮੈਡਲਿਸਟ' ਦਾ ਘਰ ਵੀ ਹੋਇਆ ਗਿਰਵੀ
ਇੰਦਰਜੀਤ ਨੇ ਕਿਹਾ ਕਿ ਭਾਵੇਂ ਮੁੱਖ ਮੰਤਰੀ ਦੇ ਲਾਗਲੇ ਪੁਰਖਿਆਂ ਦੇ ਪਿੰਡ ਦਾ ਰਹਿਣ ਵਾਲਾ ਹੈ ਪਰ ਹਾਲੇ ਤੱਕ ਸਰਕਾਰ ਵੱਲੋਂ ਉਸ ਦੀ ਕੋਈ ਵੀ ਸੁਣਵਾਈ ਨਹੀਂ ਹੋਈ। ਉਸ ਵੱਲੋਂ ਹੁਣ ਤਕ ਦੱਸ ਤੋਂ ਬਾਰਾਂ ਬੱਚਿਆਂ ਨੂੰ ਵੇਟਲਿਫਟਿੰਗ ਦੀ ਟ੍ਰੇਨਿੰਗ ਦਿੱਤੀ ਜਾ ਰਹੀ ਸੀ ਪਰ ਚਾਹ ਦੇ ਖੋਖੇ ਤੇ ਕੰਮ ਕਰਨ ਕਰ ਕੇ ਉਹ ਬੱਚਿਆਂ ਨੂੰ ਸਮਾਂ ਨਹੀਂ ਦੇ ਸਕਿਆ ਜਿਸ ਕਾਰਨ ਅੱਜ ਉਹ ਬੱਚੇ ਟ੍ਰੇਨਿੰਗ ਤੋਂ ਵਾਂਝੇ ਹਨ। ਇੰਦਰ ਜੀਤ ਨੇ ਦੱਸਿਆ ਕਿ ਉਸ ਦੀ ਖੁਰਾਕ ਵੀ ਐਨਆਰਆਈ ਭਰਾ ਮੁਹੱਈਆ ਕਰਵਾਉਂਦੇ ਹਨ।
ਕਦੇ ਕਦੇ ਉਦਾਸ ਹੋ ਜਾਂਦਾ ਹੈ ਇੰਦਰਜੀਤ: ਬਲਵੰਤ ਸਿੰਘ
ਇਹ ਵੀ ਪੜ੍ਹੋ : ਸਬਜ਼ੀ ਵੇਚਣ ਲਈ ਮਜਬੂਰ ਸੋਨ ਤਗਮੇ ਜਿੱਤਣ ਵਾਲਾ ਖਿਡਾਰੀ
