ਮੁੰਬਈ: ਖੇਡ ਮੰਤਰੀ ਕਿਰਨ ਰਿਜੀਜੂ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਹ 2028 ਦੇ ਲਾਸ ਏਂਜਲਸ ਓਲੰਪਿਕ ਦੇ ਮੈਡਲ ਟੇਬਲ ਵਿੱਚ ਭਾਰਤ ਨੂੰ ਪਹਿਲੇ 10 ਵਿੱਚ ਵੇਖਣਾ ਚਾਹੁੰਦੇ ਹਨ। ਰਿਜੀਜੂ ਨੇ ਆਉਣ ਵਾਲੇ ਟੈਨਿਸ ਖਿਡਾਰੀ ਮੁਦਿਤ ਦਾਨੀ ਦੇ ਇੰਸਟਾਗ੍ਰਾਮ ਪ੍ਰੋਗਰਾਮ ‘ਇਨ ਸਪੋਰਟਲਾਈਟ’ ਵਿੱਚ ਕਿਹਾ, “ਆਉਣ ਵਾਲੇ ਦਿਨਾਂ ਵਿੱਚ, ਮੈਂ ਇਹ ਯਕੀਨੀ ਬਣਾਉਣਾ ਚਾਹੁੰਦਾ ਹਾਂ ਕਿ ਸਮਾਗਮਾਂ ਵਿੱਚ ਸਾਡੀ (ਭਾਰਤ ਦੀ) ਭਾਗੀਦਾਰੀ ਵਧੇ ਅਤੇ ਸਾਡੀ ਸਫਲਤਾ ਦਰ (ਓਲੰਪਿਕ ਖੇਡਾਂ ਵਿੱਚ) ਕਾਫ਼ੀ ਵੱਧ ਹੋਣੀ ਚਾਹੀਦਾ ਹੈ।"
ਰਿਜਿਜੂ ਨੇ ਕਿਹਾ, “ਸਾਡਾ ਟੀਚਾ 2028 ਤੱਕ ਭਾਰਤ ਨੂੰ ਚੋਟੀ ਦੇ 10 ਓਲੰਪਿਕ ਦੇਸ਼ਾਂ ਵਿੱਚੋਂ ਇੱਕ ਬਣਾਉਣਾ ਹੈ। ਮੈਂ ਇਹ ਟੀਚਾ ਭਾਰਤੀ ਓਲੰਪਿਕ ਐਸੋਸੀਏਸ਼ਨ ਅਤੇ ਸਾਰੀਆਂ ਕੌਮੀ ਖੇਡ ਫੈਡਰੇਸ਼ਨਾਂ ਨਾਲ ਮਿਲ ਕੇ ਤਹਿ ਕੀਤਾ ਹੈ। ਇਸ ਦੇ ਲਈ ਅਸੀਂ ਕੁੱਝ ਯੋਜਨਾਵਾਂ ਅਤੇ ਰਣਨੀਤੀਆਂ ਉੱਤੇ ਕੰਮ ਕੀਤਾ ਹੈ।"
ਇਹ ਵੀ ਪੜ੍ਹੋ: ਬਾਹਰ ਟ੍ਰੇਨਿੰਗ ਕਰਨ ਤੋਂ ਪਹਿਲਾਂ BCCI ਦੇ ਫ਼ੈਸਲੇ ਦਾ ਇੰਤਜ਼ਾਰ ਕਰਾਂਗੇ ਭਾਰਤੀ ਟੀਮ ਦੇ ਖਿਡਾਰੀ
2020 ਟੋਕਿਓ ਓਲੰਪਿਕਸ ਕੋਵਿਡ-19 ਮਹਾਂਮਾਰੀ ਦੇ ਕਾਰਨ 2021 ਤੱਕ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਬਾਅਦ, ਪੈਰਿਸ 2024 ਓਲੰਪਿਕ ਦੀ ਮੇਜ਼ਬਾਨੀ ਕਰੇਗਾ, ਜਦੋਂ ਕਿ 2028 ਵਿੱਚ ਲਾਸ ਏਂਜਲਸ ਨੂੰ ਮੇਜਬਾਨੀ ਦਾ ਸਨਮਾਨ ਮਿਲਿਆ ਹੈ।
ਰਿਜੀਜੂ ਨੇ ਵਿਸ਼ਵਾਸ ਜ਼ਾਹਿਰ ਕੀਤਾ ਕਿ ਭਾਰਤ 2024 ਖੇਡਾਂ ਵਿੱਚ ਬਿਹਤਰ ਪ੍ਰਦਰਸ਼ਨ ਕਰੇਗਾ, ਪਰ ਵਧੇਰੇ ਧਿਆਨ 2028 ਦੇ ਓਲੰਪਿਕ ‘ਤੇ ਹੀ ਰਹੇਗਾ।
ਉਨ੍ਹਾਂ ਕਿਹਾ, "ਮੇਰੇ ਮਨ ਵਿੱਚ ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ 2028 ਤੱਕ ਅਸੀਂ ਓਲੰਪਿਕ ਦੇ ਚੋਟੀ ਦੇ 10 ਦੇਸ਼ਾਂ ਵਿੱਚੋਂ ਇੱਕ ਬਣ ਜਾਵਾਂਗੇ ਅਤੇ 2024 ਤੱਕ ਅਸੀਂ ਬਿਹਤਰ ਪ੍ਰਦਰਸ਼ਨ ਕਰਾਂਗੇ। ਚੋਟੀ ਦੇ 10 ਦਾ ਟੀਚਾ ਕੁੱਝ ਅਜਿਹਾ ਹੈ ਜੋ ਸਾਨੂੰ 2028 ਓਲੰਪਿਕ ਵਿੱਚ ਪ੍ਰਾਪਤ ਕਰਨਾ ਹੈ।"
