ਨਵੀਂ ਦਿੱਲੀ: ਟੋਕੀਓ ਖੇਡਾਂ (Tokyo Olympics) ਵਿੱਚ ਵਿਅਕਤੀਗਤ ਓਲੰਪਿਕ ਸੋਨ ਤਮਗਾ ਜਿੱਤਣ ਵਾਲੇ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਅਤੇ ਚਾਂਦੀ ਦਾ ਤਗ਼ਮਾ ਜੇਤੂ ਪਹਿਲਵਾਨ ਰਵੀ ਦਹੀਆ ਨੂੰ ਮੇਜਰ ਧਿਆਨ ਚੰਦ ਖੇਲ ਰਤਨ (Major Dhyan Chand Khel Ratna Award) ਲਈ ਸਿਫ਼ਾਰਸ਼ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਇਹ ਸਰਵਉੱਚ ਸਨਮਾਨ ਪ੍ਰਾਪਤ ਕਰਨ ਲਈ 11 ਹੋਰ ਅਥਲੀਟਾਂ ਦੀ ਸਿਫ਼ਾਰਸ਼ ਕੀਤੀ ਗਈ ਹੈ।
ਇਹ ਵੀ ਪੜੋ: Harbhajan vs Amir: ਪਾਕਿ ਕ੍ਰਿਕਟਰ ਆਮਿਰ ਲਗਾਤਾਰ ਕਰ ਰਹੇ ਸਨ ਟ੍ਰੋਲ, ਭੱਜੀ ਨੇ ਦਿੱਤਾ ਕਰਾਰਾ ਜਵਾਬ
ਚੋਣ ਕਮੇਟੀ ਨੇ ਟੋਕੀਓ ਓਲੰਪਿਕ (Tokyo Olympics) ਦੀ ਕਾਂਸੀ ਤਮਗਾ ਜੇਤੂ ਮੁੱਕੇਬਾਜ਼ ਲਵਲੀਨਾ ਬੋਰਗੋਹੇਨ, ਅਨੁਭਵੀ ਹਾਕੀ ਗੋਲਕੀਪਰ ਪੀਆਰ ਸ਼੍ਰੀਜੇਸ਼ ਅਤੇ ਮਹਿਲਾ ਕ੍ਰਿਕਟ ਟੈਸਟ ਕਪਤਾਨ ਮਿਤਾਲੀ ਰਾਜ ਨੂੰ ਮੇਜਰ ਧਿਆਨ ਚੰਦ ਖੇਲ ਰਤਨ (Major Dhyan Chand Khel Ratna Award) ਲਈ ਵੀ ਸਿਫਾਰਿਸ਼ ਕੀਤੀ ਹੈ।
ਇਸ ਤੋਂ ਇਲਾਵਾ ਵੱਕਾਰੀ ਸੁਨੀਲ ਛੇਤਰੀ ਇਸ ਸਨਮਾਨ ਲਈ ਚੁਣੇ ਜਾਣ ਵਾਲੇ ਦੇਸ਼ ਦੇ ਪਹਿਲੇ ਫੁੱਟਬਾਲਰ ਬਣ ਗਏ ਹਨ। ਪਿਛਲੇ ਸਾਲ ਇਸ ਪੁਰਸਕਾਰ ਲਈ ਪੰਜ ਐਥਲੀਟਾਂ ਦੀ ਚੋਣ ਕੀਤੀ ਗਈ ਸੀ, ਜਦਕਿ ਚਾਰ ਦੀ ਚੋਣ 2016 ਦੀਆਂ ਰੀਓ ਖੇਡਾਂ ਤੋਂ ਬਾਅਦ ਕੀਤੀ ਗਈ ਸੀ।
ਇਸ ਵਾਰ ਇਨ੍ਹਾਂ ਪੁਰਸਕਾਰਾਂ ਦੇ ਐਲਾਨ 'ਚ ਦੇਰੀ ਦਾ ਕਾਰਨ ਟੋਕੀਓ ਪੈਰਾਲੰਪਿਕਸ (24 ਅਗਸਤ ਤੋਂ 5 ਸਤੰਬਰ) ਸੀ, ਜਿਸ 'ਚ ਕਮੇਟੀ ਨੇ ਪੈਰਾ-ਐਥਲੀਟਾਂ ਦੇ ਪ੍ਰਦਰਸ਼ਨ 'ਤੇ ਵਿਚਾਰ ਕਰਨ ਲਈ ਕੁਝ ਸਮੇਂ ਲਈ ਰੁਕਣ ਦਾ ਫੈਸਲਾ ਕੀਤਾ ਸੀ।
ਇਹ ਵੀ ਪੜੋ: ਪੁਰਸ਼ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ‘ਚ ਸ਼ਿਵ ਥਾਪਾ ਨੇ ਜਿੱਤਿਆ ਪਹਿਲਾ ਮੈਚ
ਇਸ ਲਈ ਇਸ ਵਾਰ ਨਿਸ਼ਾਨੇਬਾਜ਼ ਅਵਨੀ ਲੇਖਰਾ ਅਤੇ ਮਨੀਸ਼ ਨਰਵਾਲ, ਜੈਵਲਿਨ ਥ੍ਰੋਅਰ ਸੁਮਿਤ ਅੰਤਿਲ, ਸ਼ਟਲਰ ਪ੍ਰਮੋਦ ਭਗਤ ਅਤੇ ਕ੍ਰਿਸ਼ਨਾ ਨਾਗਰ (ਜਿਨ੍ਹਾਂ ਨੇ ਟੋਕੀਓ ਪੈਰਾਲੰਪਿਕ ਵਿੱਚ ਇੱਕ-ਇੱਕ ਸੋਨ ਤਮਗਾ ਜਿੱਤਿਆ ਹੈ) ਨੂੰ ਖੇਡ ਰਤਨ ਲਈ ਸਿਫ਼ਾਰਸ਼ ਕੀਤਾ ਗਿਆ ਹੈ।
ਕਮੇਟੀ ਨੇ ਅਰਜੁਨ ਪੁਰਸਕਾਰ ਲਈ 35 ਐਥਲੀਟਾਂ ਨੂੰ ਸ਼ਾਰਟਲਿਸਟ ਕੀਤਾ, ਜੋ ਪਿਛਲੇ ਸਾਲ ਪੁਰਸਕਾਰ ਜੇਤੂਆਂ ਦੀ ਗਿਣਤੀ ਨਾਲੋਂ ਅੱਠ ਵੱਧ ਹੈ।
ਇਹ ਵੀ ਪੜੋ: ਤਾਮਿਲਨਾਡੂ ‘ਚ ਪੁਰਸ਼ਾਂ ਅਤੇ ਮਹਿਲਾਵਾਂ ਲਈ ਰਾਸ਼ਟਰੀ ਨੇਤਰਹੀਨ ਫੁੱਟਬਾਲ ਟੂਰਨਾਮੈਂਟ ਦਾ ਆਯੋਜਨ
ਇਸ ਵਿੱਚ ਕ੍ਰਿਕਟਰ ਸ਼ਿਖਰ ਧਵਨ, ਪੈਰਾ ਟੀਟੀ ਖਿਡਾਰੀ ਭਾਵਨਾ ਪਟੇਲ, ਪੈਰਾ ਸ਼ਟਲਰ ਸੁਹਾਸ ਯਤੀਰਾਜ ਅਤੇ ਹਾਈ ਜੰਪਰ ਨਿਸ਼ਾਦ ਕੁਮਾਰ ਨੂੰ ਅਰਜੁਨ ਪੁਰਸਕਾਰ ਲਈ ਚੁਣਿਆ ਗਿਆ ਹੈ।
ਇਸ ਤੋਂ ਇਲਾਵਾ ਓਲੰਪਿਕ ਵਿੱਚ ਇਤਿਹਾਸਕ ਕਾਂਸੀ ਦਾ ਤਗਮਾ ਜਿੱਤਣ ਵਾਲੀ ਪੁਰਸ਼ ਹਾਕੀ ਟੀਮ ਦੇ ਮੈਂਬਰਾਂ ਨੂੰ ਵੀ ਅਰਜੁਨ ਐਵਾਰਡ ਦਿੱਤਾ ਜਾਵੇਗਾ।
