ਮੁੰਬਈ: ਦਿੱਲੀ ਕੈਪੀਟਲਜ਼ ਦੇ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ ਦੇ ਆਈਪੀਐਲ 2022 ਦੇ ਆਖ਼ਰੀ ਦੋ ਲੀਗ ਮੈਚਾਂ ਵਿੱਚ ਖੇਡਣ ਦੀਆਂ ਸੰਭਾਵਨਾਵਾਂ ਬਹੁਤ ਘੱਟ ਹਨ। ਸਹਾਇਕ ਕੋਚ ਸ਼ੇਨ ਵਾਟਸਨ ਨੇ ਸੰਕੇਤ ਦਿੱਤਾ ਹੈ ਕਿ ਇਸ ਨੌਜਵਾਨ ਦੇ ਪੰਜਾਬ ਕਿੰਗਜ਼ ਅਤੇ ਮੁੰਬਈ ਇੰਡੀਅਨਜ਼ ਦੇ ਖਿਲਾਫ ਮੈਚਾਂ 'ਚ ਖੇਡਣ ਦੀ ਸੰਭਾਵਨਾ ਨਹੀਂ ਹੈ।
ਪ੍ਰਿਥਵੀ 1 ਮਈ ਨੂੰ ਲਖਨਊ ਸੁਪਰ ਜਾਇੰਟਸ ਦੇ ਖਿਲਾਫ ਖੇਡਣ ਤੋਂ ਬਾਅਦ ਸਨਰਾਈਜ਼ਰਸ ਹੈਦਰਾਬਾਦ, ਚੇਨਈ ਸੁਪਰ ਕਿੰਗਜ਼ ਅਤੇ ਰਾਜਸਥਾਨ ਰਾਇਲਸ ਦੇ ਖਿਲਾਫ ਡੀਸੀ ਦੇ ਆਖਰੀ ਤਿੰਨ ਲੀਗ ਮੈਚਾਂ ਤੋਂ ਖੁੰਝ ਗਿਆ ਸੀ। 8 ਮਈ ਨੂੰ ਸ਼ਾਅ ਦੇ ਇੱਕ ਇੰਸਟਾਗ੍ਰਾਮ ਅਕਾਊਂਟ ਨੇ ਖੁਲਾਸਾ ਕੀਤਾ ਕਿ ਓਪਨਰ ਨੂੰ ਬੁਖਾਰ ਕਾਰਨ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ।
ਉਸ ਨੇ ਅੱਗੇ ਕਿਹਾ, ਮੈਨੂੰ ਉਸ ਦੀ ਬੀਮਾਰੀ ਬਾਰੇ ਠੀਕ ਤਰ੍ਹਾਂ ਪਤਾ ਨਹੀਂ ਹੈ। ਪਰ ਉਸ ਨੂੰ ਇਹ ਬੁਖਾਰ ਪਿਛਲੇ ਕੁਝ ਹਫਤਿਆਂ ਤੋਂ ਹੈ, ਜਿਸ ਦਾ ਅਸਲ ਵਿਚ ਪਤਾ ਲਗਾਇਆ ਜਾ ਰਿਹਾ ਹੈ। ਵਾਟਸਨ ਨੇ ਕਿਹਾ, ਪਿਛਲੇ ਕੁਝ ਮੈਚਾਂ 'ਚ ਉਪਲਬਧ ਨਾ ਹੋਣਾ ਉਸ ਲਈ ਚੰਗਾ ਨਹੀਂ ਰਿਹਾ, ਜੋ ਕਿ ਦੁਖਦਾਈ ਗੱਲ ਹੈ। ਉਹ ਇੱਕ ਸ਼ਾਨਦਾਰ ਹੁਨਰਮੰਦ ਨੌਜਵਾਨ ਬੱਲੇਬਾਜ਼ ਹੈ ਜੋ ਦੁਨੀਆ ਦੇ ਸਭ ਤੋਂ ਵਧੀਆ ਗੇਂਦਬਾਜ਼ਾਂ ਦੇ ਖਿਲਾਫ ਵਧੀਆ ਖੇਡਦਾ ਹੈ। ਸ਼ਾਅ ਨੇ ਨੌਂ ਮੈਚਾਂ ਵਿੱਚ 28.78 ਦੀ ਔਸਤ ਅਤੇ 159.87 ਦੀ ਸਟ੍ਰਾਈਕ ਰੇਟ ਨਾਲ 259 ਦੌੜਾਂ ਬਣਾਈਆਂ, ਜਿਸ ਵਿੱਚ ਦੋ ਅਰਧ ਸੈਂਕੜੇ ਸ਼ਾਮਲ ਸਨ।
ਵਾਟਸਨ ਨੇ ਕਿਹਾ, ਇਹ ਸਾਡੇ ਲਈ ਵੱਡਾ ਨੁਕਸਾਨ ਹੈ ਕਿ ਉਹ ਟੀਮ ਦੇ ਨਾਲ ਨਹੀਂ ਹੈ। ਉਨ੍ਹਾਂ ਦੀ ਸਿਹਤ ਪਿਛਲੇ ਕੁਝ ਹਫ਼ਤਿਆਂ ਤੋਂ ਵਿਗੜ ਰਹੀ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ ਜਲਦੀ ਹੀ ਪੂਰੀ ਤਰ੍ਹਾਂ ਠੀਕ ਹੋ ਜਾਵੇਗਾ, ਪਰ ਬਦਕਿਸਮਤੀ ਨਾਲ ਉਹ ਆਖਰੀ ਦੋ ਮੈਚਾਂ ਵਿਚ ਸ਼ਾਮਲ ਨਹੀਂ ਹੋ ਸਕੇਗਾ।
ਇਸ ਤੋਂ ਪਹਿਲਾਂ ਦਿੱਲੀ ਦੀ ਰਾਜਸਥਾਨ ਰਾਇਲਜ਼ 'ਤੇ ਅੱਠ ਵਿਕਟਾਂ ਦੀ ਜਿੱਤ ਦੌਰਾਨ ਇਕ ਇੰਟਰਵਿਊ ਦੌਰਾਨ ਮੁੱਖ ਕੋਚ ਰਿਕੀ ਪੋਂਟਿੰਗ ਨੂੰ ਇਹ ਕਹਿੰਦੇ ਸੁਣਿਆ ਗਿਆ ਸੀ ਕਿ ਪ੍ਰਿਥਵੀ ਟੂਰਨਾਮੈਂਟ ਤੋਂ ਬਾਹਰ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਮੈਚ ਤੋਂ ਬਾਅਦ ਕਪਤਾਨ ਰਿਸ਼ਭ ਪੰਤ ਨੇ ਲੀਗ ਪੜਾਅ 'ਚ ਸ਼ਾਅ ਦੀ ਉਪਲਬਧਤਾ 'ਤੇ ਜ਼ਿਆਦਾ ਕੁਝ ਨਹੀਂ ਕਿਹਾ।
ਦਿੱਲੀ ਇਸ ਸਮੇਂ 12 ਮੈਚਾਂ ਵਿੱਚ 12 ਅੰਕਾਂ ਨਾਲ ਤਾਲਿਕਾ ਵਿੱਚ ਪੰਜਵੇਂ ਸਥਾਨ ’ਤੇ ਹੈ। ਉਹ ਸੋਮਵਾਰ ਨੂੰ ਡੀਵਾਈ ਪਾਟਿਲ ਸਟੇਡੀਅਮ 'ਚ ਪੰਜਾਬ ਨਾਲ ਭਿੜੇਗਾ ਤਾਂ ਕਿ ਪਲੇਆਫ 'ਚ ਪ੍ਰਵੇਸ਼ ਕਰਨ ਦੀਆਂ ਸੰਭਾਵਨਾਵਾਂ ਨੂੰ ਮਜ਼ਬੂਤ ਕੀਤਾ ਜਾ ਸਕੇ।
ਇਹ ਵੀ ਪੜ੍ਹੋ:- IPL 2022 Playoffs: MI & CSK ਦਾ ਬੇੜਾ ਗਰਗ, ਹੁਣ ਅਜਿਹੀ ਹੋਵੇਗੀ ਪਲੇਆਫ ਦੀ ਫੋਟੋ
