ਨਵੀਂ ਦਿੱਲੀ : ਭਾਰਤ ਦੀ ਚੋਟੀ ਦੀ ਮਹਿਲਾ ਬੈਡਮਿੰਟਨ ਖਿਡਾਰੀ ਪੀਵੀ ਸਿੰਧੂ ਨੂੰ ਇੰਡੋਨੇਸ਼ੀਆ ਓਪਨ ਬੈਡਮਿੰਟਨ ਟੂਰਨਾਮੈਂਟ ਦੇ ਫ਼ਾਇਨਲ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਰਿਓ ਓਲੰਪਿਕ ਦੀ ਚਾਂਦੀ ਤਮਗ਼ਾ ਜੇਤੂ ਸਿੰਧੂ ਨੂੰ ਐਤਵਾਰ ਨੂੰ ਖੇਡੇ ਗਏ ਮਹਿਲਾ ਸਿੰਗਲ ਵਰਗ ਦੇ ਫ਼ਾਇਨਲ ਮੈਚ ਵਿੱਚ ਜਾਪਾਨ ਦੀ ਓਕਾਨੇ ਯਾਗਾਮੂਚੀ ਨੇ 21-15, 21-16 ਨਾਲ ਮਾਤ ਦਿੱਤੀ।
ਦੋਵੇਂ ਖਿਡਾਰੀਆਂ ਵਿਚਕਾਰ ਇਹ ਸਖ਼ਤ ਮੁਕਾਬਲਾ 51 ਮਿੰਟ ਤੱਕ ਚੱਲਿਆ ਅਤੇ ਸਿੰਧੂ ਨੂੰ ਚਾਂਦੀ ਤਮਗ਼ੇ ਨਾਲ ਹੀ ਗੁਜ਼ਾਰਾ ਕਰਨਾ ਪਿਆ। ਪਹਿਲਾਂ ਗੇਮ ਵਿੱਚ ਭਾਰਤੀ ਖਿਡਾਰੀ ਦੀ ਸ਼ੁਰੂਆਤ ਦਮਦਾਰ ਰਹੀ ਅਤੇ ਇੱਕ ਸਮੇਂ ਸਕੋਰ 8-8 ਨਾਲ ਬਰਾਬਰ ਸੀ। ਇਸ ਤੋਂ ਬਾਅਦ ਸਿੰਧੂ 11-8 ਨਾਲ ਅੱਗੇ ਹੋ ਗਈ।
ਚੌਥੀ ਸੀਡ ਜਾਪਾਨੀ ਖਿਡਾਰੀ ਨੇ ਹਾਲਾਂਕਿ, ਦਮਦਾਰ ਵਾਪਸੀ ਕੀਤੀ ਅਤੇ ਸਿੰਧੂ ਨੂੰ ਮੌਕਾ ਨਾ ਦਿੰਦੇ ਹੋਏ 21-15 ਨਾਲ ਗੇਮ ਜਿੱਤ ਲਈ। ਦੂਸਰੀ ਗੇਮ ਵਿੱਚ ਵੀ ਸਿੰਧੂ ਨੇ ਯਾਗਾਮੂਚੀ ਨੂੰ ਟੱਕਰ ਦਿੱਤੀ, ਪਰ ਜਿੱਤ ਦਰਜ ਨਹੀਂ ਕਰ ਸੀ।
ਇਹ ਵੀ ਪੜ੍ਹੋ : ਵਿਡਿੰਜ਼ ਦੌਰੇ ਲਈ ਧੋਨੀ ਦੀ ਥਾਂ ਰਿਸ਼ਭ ਨੂੰ ਵੱਡਾ ਮੌਕਾ
ਸੈਮੀਫ਼ਾਇਨਲ ਵਿੱਚ ਭਾਰਤੀ ਖਿਡਾਰੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਵਿਸ਼ਵ ਦੀ ਨੰਬਰ 3 ਚੀਨ ਦੀ ਚੇਨ ਯੂ ਫੇਈ ਨੂੰ 21-19,21-10 ਨਾਲ ਹਰਾਇਆ ਸੀ। ਸਿੰਧੂ ਨੇ 46 ਮਿੰਟ ਵਿੱਚ ਇਹ ਮੈਚ ਆਪਣੇ ਨਾਂ ਕੀਤਾ ਸੀ।
