ਹੈਦਰਾਬਾਦ: ਕ੍ਰਿਕਟ ਦੇ ਮੈਦਾਨ 'ਤੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਮਸ਼ਹੂਰ 29 ਸਾਲਾਂ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੇ ਹਾਲ ਹੀ 'ਚ ਨਾ ਸਿਰਫ਼ ਆਪਣੇ ਕ੍ਰਿਕਟ ਕਾਰਨਾਮੇ ਸਗੋਂ ਆਪਣੀ ਨਿੱਜੀ ਜ਼ਿੰਦਗੀ ਲਈ ਵੀ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ।
ਜੀ ਹਾਂ...ਪਿਛਲੇ ਕੁਝ ਦਿਨਾਂ ਤੋਂ ਮੁਹੰਮਦ ਸਿਰਾਜ ਡੇਟਿੰਗ ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰ ਰਹੇ ਹਨ। ਅਫ਼ਵਾਹਾਂ ਸਨ ਕਿ ਉਹ ਆਸ਼ਾ ਭੌਂਸਲੇ ਦੀ ਪੋਤੀ ਜਾਨਈ ਭੌਂਸਲੇ ਨੂੰ ਡੇਟ ਕਰ ਰਿਹਾ ਸੀ। ਪਰ ਦੋਵਾਂ ਨੇ ਇੱਕ ਪੋਸਟ ਰਾਹੀਂ ਇਨ੍ਹਾਂ ਅਫ਼ਵਾਹਾਂ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ। ਜੇਕਰ ਮੁਹੰਮਦ ਸਿਰਾਜ ਜਾਨਈ ਭੌਂਸਲੇ ਨੂੰ ਡੇਟ ਨਹੀਂ ਕਰ ਰਹੇ ਹਨ ਤਾਂ ਉਹ ਕਿਸ ਨੂੰ ਡੇਟ ਕਰ ਰਹੇ ਹਨ? ਆਓ ਜਾਣਦੇ ਹਾਂ ਇਹ ਸਟਾਰ ਕ੍ਰਿਕਟਰ ਕਿਸ ਨੂੰ ਡੇਟ ਕਰ ਰਿਹਾ ਹੈ?
ਮੁਹੰਮਦ ਸਿਰਾਜ ਭਾਰਤੀ ਕ੍ਰਿਕਟ ਟੀਮ ਦਾ ਸੱਜੇ ਹੱਥ ਦਾ ਤੇਜ਼ ਗੇਂਦਬਾਜ਼ ਹੈ, ਜੋ ਰਾਸ਼ਟਰੀ ਪੱਧਰ 'ਤੇ ਕ੍ਰਿਕਟ ਖੇਡਦਾ ਹੈ। ਉਹ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਪਹਿਲਾਂ ਬੰਗਲੌਰ ਲਈ ਅਤੇ ਇਸ ਵਾਰ ਗੁਜਰਾਤ ਟਾਇਟਨਸ ਲਈ ਖੇਡਦਾ ਨਜ਼ਰ ਆਵੇਗਾ ਅਤੇ ਘਰੇਲੂ ਕ੍ਰਿਕਟ ਵਿੱਚ ਹੈਦਰਾਬਾਦ ਲਈ ਖੇਡਦਾ ਹੈ।
ਮੁਹੰਮਦ ਸਿਰਾਜ-ਜਾਨਈ ਭੌਂਸਲੇ ਦਾ ਰਿਸ਼ਤਾ
ਹਾਲ ਹੀ 'ਚ ਮੁਹੰਮਦ ਸਿਰਾਜ ਦਾ ਨਾਂਅ ਆਸ਼ਾ ਭੌਂਸਲੇ ਦੀ ਪੋਤੀ ਜਾਨਈ ਭੌਂਸਲੇ ਨਾਲ ਜੁੜਿਆ ਸੀ, ਜਿਸ ਤੋਂ ਬਾਅਦ ਡੇਟਿੰਗ ਦੀਆਂ ਅਫ਼ਵਾਹਾਂ ਫੈਲਣ ਲੱਗੀਆਂ ਸਨ। ਇਹ ਅਫ਼ਵਾਹਾਂ ਉਦੋਂ ਸ਼ੁਰੂ ਹੋਈਆਂ ਜਦੋਂ ਜਾਨਈ ਨੇ ਆਪਣੇ 23ਵੇਂ ਜਨਮ ਦਿਨ ਦੀ ਪਾਰਟੀ ਮਨਾਉਂਦੇ ਹੋਏ ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰ ਪੋਸਟ ਕੀਤੀ, ਜਿਸ 'ਚ ਉਹ ਕ੍ਰਿਕਟਰ ਨਾਲ ਨਜ਼ਰ ਆ ਰਹੀ ਸੀ। ਹਾਲਾਂਕਿ, ਜਾਨਈ ਨੇ ਤੁਰੰਤ ਸਿਰਾਜ ਨਾਲ ਆਪਣੇ ਰਿਸ਼ਤੇ ਬਾਰੇ ਸਪੱਸ਼ਟੀਕਰਨ ਦਿੱਤਾ।
ਜਾਨਈ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਸਿਰਾਜ ਨਾਲ ਇੱਕ ਤਸਵੀਰ ਪੋਸਟ ਕੀਤੀ ਅਤੇ ਉਸ ਨੂੰ 'ਪਿਆਰਾ ਭਰਾ' ਕਹਿ ਕੇ ਅਫ਼ਵਾਹਾਂ 'ਤੇ ਰੋਕ ਲਗਾ ਦਿੱਤੀ। ਇਸ ਦੇ ਨਾਲ ਹੀ ਮੁਹੰਮਦ ਸਿਰਾਜ ਨੇ ਵੀ ਉਸ ਨੂੰ 'ਭੈਣ' ਕਹਿ ਕੇ ਅਫ਼ਵਾਹਾਂ ਫੈਲਾਉਣ ਵਾਲਿਆਂ ਨੂੰ ਜਵਾਬ ਦਿੱਤਾ।
ਆਖਿਰ ਕਿਸ ਨੂੰ ਡੇਟ ਕਰ ਰਿਹਾ ਹੈ ਮੁਹੰਮਦ ਸਿਰਾਜ?
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਮੁਹੰਮਦ ਸਿਰਾਜ ਰਣਜੀਤ ਬਾਵਾ ਦੀ ਪੰਜਾਬੀ ਫਿਲਮ 'ਲੈਂਬਰਗਿੰਨੀ' ਵਿੱਚ ਡੈਬਿਊ ਕਰਨ ਵਾਲੀ ਅਤੇ ਬਿੱਗ ਬੌਸ 13 ਦੀ ਫਾਈਨਲਿਸਟ-ਅਦਾਕਾਰਾ ਮਾਹਿਰਾ ਸ਼ਰਮਾ ਨੂੰ ਡੇਟ ਕਰ ਰਹੇ ਹਨ, ਭਾਰਤੀ ਕ੍ਰਿਕਟਰ ਮੁਹੰਮਦ ਸਿਰਾਜ ਮਾਹਿਰਾ ਸ਼ਰਮਾ ਨਾਲ ਰੁਮਾਂਟਿਕ ਰਿਸ਼ਤੇ ਵਿੱਚ ਹਨ। ਇਸ ਰਿਊਮਰ ਜੋੜੇ ਦੇ ਕਰੀਬੀ ਸੂਤਰ ਨੇ ਦੱਸਿਆ ਕਿ ਮਾਹਿਰਾ ਅਤੇ ਸਿਰਾਜ ਰਿਲੇਸ਼ਨਸ਼ਿਪ ਵਿੱਚ ਹਨ ਅਤੇ ਇੱਕ ਦੂਜੇ ਨੂੰ ਸਮਝਣ ਵਿੱਚ ਸਮਾਂ ਲੈ ਰਹੇ ਹਨ। ਹਾਲਾਂਕਿ, ਇਸ ਸਮੇਂ ਨਾ ਤਾਂ ਮਾਹਿਰਾ ਅਤੇ ਨਾ ਹੀ ਸਿਰਾਜ ਨੇ ਡੇਟਿੰਗ ਦੀਆਂ ਅਫਵਾਹਾਂ ਦੀ ਜਨਤਕ ਤੌਰ 'ਤੇ ਪੁਸ਼ਟੀ ਜਾਂ ਖੰਡਨ ਕੀਤਾ ਹੈ।
ਮਾਹਿਰਾ ਅਤੇ ਸਿਰਾਜ ਵਿਚਕਾਰ ਡੇਟਿੰਗ ਦੀਆਂ ਅਫ਼ਵਾਹਾਂ
ਮਾਹਿਰਾ ਅਤੇ ਸਿਰਾਜ ਵਿਚਕਾਰ ਡੇਟਿੰਗ ਦੀਆਂ ਅਫ਼ਵਾਹਾਂ ਨੇ ਪਹਿਲੀ ਵਾਰ ਨਵੰਬਰ 2024 ਵਿੱਚ ਧਿਆਨ ਖਿੱਚਿਆ ਸੀ। ਮਾਹਿਰਾ ਸ਼ਰਮਾ ਅਤੇ ਮੁਹੰਮਦ ਸਿਰਾਜ ਵਿਚਕਾਰ ਡੇਟਿੰਗ ਦੀਆਂ ਅਫ਼ਵਾਹਾਂ ਉਦੋਂ ਸਾਹਮਣੇ ਆਈਆਂ ਜਦੋਂ ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਨੇ ਦੇਖਿਆ ਕਿ ਭਾਰਤੀ ਟੀਮ ਦੇ ਤੇਜ਼ ਗੇਂਦਬਾਜ਼ ਨੇ ਇੰਸਟਾਗ੍ਰਾਮ 'ਤੇ ਬਿੱਗ ਬੌਸ 13 ਦੀ ਫਾਈਨਲਿਸਟ ਮਾਹਿਰਾ ਸ਼ਰਮਾ ਦੀਆਂ ਕਈ ਤਸਵੀਰਾਂ ਨੂੰ ਪਸੰਦ ਕੀਤਾ ਹੈ। ਇਸ ਦੌਰਾਨ ਜੇਕਰ ਮਾਹਿਰਾ ਸ਼ਰਮਾ ਬਾਰੇ ਗੱਲ ਕਰੀਏ ਤਾਂ ਉਹ ਪੰਜਾਬੀ ਗੀਤਾਂ ਅਤੇ ਫਿਲਮਾਂ ਦਾ ਇੱਕ ਖਾਸ ਚਿਹਰਾ ਹੈ।
ਇਹ ਵੀ ਪੜ੍ਹੋ:
