ਸੰਯੁਕਤ ਰਾਸ਼ਟਰ: ਕੋਵਿਡ-19 ਮਹਾਂਮਾਰੀ ਦੇ ਕਾਰਨ, ਸੰਯੁਕਤ ਰਾਸ਼ਟਰ ਆਪਣੀ 75 ਵੀਂ ਵਰ੍ਹੇਗੰਢ ਸਾਦਗੀ ਨਾਲ ਮਨਾਏਗਾ। ਸੰਯੁਕਤ ਰਾਸ਼ਟਰ ਦੇ ਜਨਰਲ ਸੱਕਤਰ ਐਂਟੋਨੀਓ ਗੁਤਾਰੇਸ ਨੇ ਕਿਹਾ ਕਿ ਕੋਵਿਡ-19 ਤੋਂ ਇਲਾਵਾ ਇਸ ਵਿਸ਼ਵ ਸੰਗਠਨ ਨੇ ਗਰੀਬੀ, ਅਸਮਾਨਤਾ, ਵਿਤਕਰੇ ਅਤੇ ਨਾ ਖ਼ਤਮ ਹੋਣ ਵਾਲੀਆਂ ਲੜਾਈਆਂ ਨਾਲ ਡੂੰਘੀ ਤਰ੍ਹਾਂ ਵੰਡੀ ਹੋਈ ਦੁਨੀਆਂ ਨੂੰ ਸੰਭਾਲਣ ਦੀ ਚੁਣੌਤੀਆਂ ਨਾਲ ਨਜਿੱਠਣਾ ਹੈ।
ਗੁਤਾਰੇਸ ਨੇ ਸ਼ੁੱਕਰਵਾਰ ਨੂੰ ਸੰਯੁਕਤ ਰਾਸ਼ਟਰ ਦੇ ਚਾਰਟਰ ‘ਤੇ ਦਸਤਖ਼ਤ ਕਰਨ ਦੌਰਾਨ ਕਿਹਾ ਵਿਸ਼ਵਵਿਆਪੀ ਦਬਾਅ ਵੱਧ ਰਿਹਾ ਹੈ, ਅੱਜ ਦੀ ਅਸਲੀਅਤ ਪਹਿਲਾਂ ਦੀ ਤਰ੍ਹਾਂ ਹੀ ਡਰਾਉਣੀ ਹੈ।
ਉਨ੍ਹਾਂ ਕਿਹਾ ਕਿ ਰਾਜਨੀਤਿਕ ਅਦਾਰਿਆਂ ‘ਤੇ ਲੋਕਾਂ ਦਾ ਭਰੋਸਾ ਖ਼ਤਮ ਹੋ ਰਿਹਾ ਹੈ। ਉਨ੍ਹਾਂ ਨੇ ਜਾਤੀਵਾਦ ਅਤੇ ਅਸ਼ਹਿਣਸ਼ੀਲਤਾ ਦੀ ਨਿੰਦਾ ਕੀਤੀ।
ਵੀਡੀਓ ਦੇ ਜ਼ਰੀਏ ਆਪਣੇ ਸੰਬੋਧਨ ਵਿੱਚ ਉਨ੍ਹਾਂ ਕਿਹਾ ਕਿ ਨਸਲਵਾਦ, ਅਸਮਾਨਤਾ, ਵਿਤਕਰੇ, ਭ੍ਰਿਸ਼ਟਾਚਾਰ ਅਤੇ ਮੌਕਿਆਂ ਦੀ ਘਾਟ ਦਾ ਵਿਆਪਕ ਵਿਰੋਧ ਪਹਿਲਾਂ ਹੀ ਵਿਸ਼ਵ ਭਰ ਵਿੱਚ ਸੀ।
ਇਸ ਦੌਰਾਨ ਇਕ ਹੋਰ ਬੁਨਿਆਦੀ ਕਮਜ਼ੋਰੀ ਵਧੀ ਹੈ, ਮੌਸਮ ਦਾ ਸੰਕਟ, ਵਾਤਾਵਰਣ ਦੀ ਗਿਰਾਵਟ, ਸਾਈਬਰ ਹਮਲੇ, ਪ੍ਰਮਾਣੂ ਪ੍ਰਸਾਰ, ਮਨੁੱਖੀ ਅਧਿਕਾਰਾਂ ਦਾ ਦਮਨ ਅਤੇ ਇਕ ਹੋਰ ਮਹਾਂਮਾਰੀ ਦਾ ਖ਼ਤਰਾ। ਉਨ੍ਹਾਂ ਵਿਸ਼ਵਵਿਆਪੀ ਸਹਿਯੋਗ ਦੀ ਫੌਰੀ ਲੋੜ 'ਤੇ ਜ਼ੋਰ ਦਿੱਤਾ।
