ਮੁੰਬਈ (ਬਿਊਰੋ): ਬਾਲੀਵੁੱਡ ਅਦਾਕਾਰ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ ਪਹਿਲੀ ਵਾਰ ਕਿਸੇ ਫਿਲਮ 'ਚ ਇਕੱਠੇ ਆ ਰਹੇ ਹਨ। ਇਸ ਤਾਜ਼ਾ ਜੋੜੀ ਨਾਲ ਪਹਿਲੀ ਫਿਲਮ 'ਬਵਾਲ' ਆ ਰਹੀ ਹੈ। ਇਹ ਫਿਲਮ ਸਿਨੇਮਾਘਰਾਂ 'ਚ ਆਉਣ ਤੋਂ ਬਿਨਾਂ ਸਿੱਧੇ OTT 'ਤੇ ਰਿਲੀਜ਼ ਹੋਵੇਗੀ। ਫਿਲਮ 'ਬਵਾਲ' ਦੁਨੀਆ ਦੇ 200 ਤੋਂ ਵੱਧ ਦੇਸ਼ਾਂ 'ਚ OTT ਪਲੇਟਫਾਰਮ 'ਤੇ ਸਟ੍ਰੀਮ ਕੀਤੀ ਜਾਵੇਗੀ। ਇਸ ਤੋਂ ਪਹਿਲਾਂ ਫਿਲਮ ਦਾ ਪਹਿਲਾਂ ਟੀਜ਼ਰ ਤਿਆਰ ਹੈ ਅਤੇ ਅਸੀਂ ਤੁਹਾਨੂੰ ਇਹ ਦੱਸਣ ਜਾ ਰਹੇ ਹਾਂ ਕਿ ਇਹ ਕਦੋਂ ਰਿਲੀਜ਼ ਹੋਵੇਗਾ। ਫਿਲਮ ਨਿਰਮਾਤਾਵਾਂ ਅਤੇ ਵਰੁਣ ਧਵਨ ਨੇ ਦੱਸਿਆ ਹੈ ਕਿ ਫਿਲਮ ਦਾ ਪਹਿਲਾਂ ਟੀਜ਼ਰ ਕਦੋਂ ਅਤੇ ਕਿਸ ਸਮੇਂ ਰਿਲੀਜ਼ ਹੋਣ ਵਾਲਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਫਿਲਮ ਦੇ ਡਾਇਲਾਗ ਵੀ ਵਿਵਾਦਿਤ ਫਿਲਮ ਆਦਿਪੁਰਸ਼ ਦੇ ਡਾਇਲਾਗ ਰਾਈਟਰ ਮਨੋਜ ਮੁਨਤਾਸ਼ੀਰ ਨੇ ਲਿਖੇ ਹਨ।
- RRPK Trailer OUT: 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' ਦਾ ਟ੍ਰੇਲਰ ਰਿਲੀਜ਼, ਰਣਵੀਰ ਸਿੰਘ ਅਤੇ ਆਲੀਆ ਭੱਟ ਨੇ ਕੀਤਾ ਕਮਾਲ
- SPKK Collection Day 5: ਕਾਰਤਿਕ ਅਤੇ ਕਿਆਰਾ ਦੀ ਜੋੜੀ ਹਿੱਟ, ਕਲੈਕਸ਼ਨ ਪਹੁੰਚਿਆ 50 ਕਰੋੜ ਦੇ ਨੇੜੇ
- Shah Rukh Khan Surgery: OMG!...ਸੈੱਟ 'ਤੇ ਜ਼ਖਮੀ ਹੋਏ ਸ਼ਾਹਰੁਖ ਖਾਨ, ਨੱਕ 'ਚੋਂ ਵਹਿ ਰਿਹਾ ਸੀ ਖੂਨ ਤਾਂ ਕਰਨੀ ਪਈ ਸਰਜਰੀ
ਕਦੋਂ ਅਤੇ ਕਿਸ ਸਮੇਂ ਰਿਲੀਜ਼ ਹੋਵੇਗਾ ਟੀਜ਼ਰ?: ਤੁਹਾਨੂੰ ਦੱਸ ਦੇਈਏ ਕਿ ਵਰੁਣ ਧਵਨ ਨੇ ਇੱਕ ਪੋਸਟ ਵਿੱਚ ਦੱਸਿਆ ਹੈ ਕਿ ਫਿਲਮ ਦਾ ਪਹਿਲਾ ਟੀਜ਼ਰ ਕੱਲ੍ਹ (5 ਜੁਲਾਈ) ਦੁਪਹਿਰ 12 ਵਜੇ ਰਿਲੀਜ਼ ਹੋਣ ਜਾ ਰਿਹਾ ਹੈ। ਇਸ ਪੋਸਟ ਦੇ ਨਾਲ ਵਰੁਣ ਨੇ ਫਿਲਮ 'ਬਵਾਲ' 'ਚ ਆਪਣੀ ਸਹਿ-ਅਦਾਕਾਰਾ ਜਾਹਨਵੀ ਕਪੂਰ ਦੇ ਨਾਲ ਇਕ ਖੂਬਸੂਰਤ ਤਸਵੀਰ ਵੀ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ 'ਚ ਜਾਹਨਵੀ ਅਦਾਕਾਰ ਵਰੁਣ ਦੀਆਂ ਬਾਹਾਂ 'ਚ ਘਿਰੀ ਨਜ਼ਰ ਆ ਰਹੀ ਹੈ। ਇਸ ਤਸਵੀਰ ਦੇ ਕੈਪਸ਼ਨ 'ਚ ਵਰੁਣ ਨੇ ਲਿਖਿਆ ਹੈ, 'ਜੇ ਤੁਸੀਂ ਮੈਨੂੰ ਪਿਆਰ ਕਰਨ ਦਿੱਤਾ ਹੁੰਦਾ, ਤਾਂ ਮੈਂ ਤੁਹਾਨੂੰ ਕਿੰਨਾ ਪਿਆਰ ਕਰਦਾ'।
ਮਨੋਜ ਮੁਨਤਾਸ਼ੀਰ ਨੇ ਇਹ ਲਾਈਨ ਲਿਖੀ ਹੈ: ਤੁਹਾਨੂੰ ਦੱਸ ਦਈਏ ਕਿ ਫਿਲਮ ਆਦਿਪੁਰਸ਼ ਦੇ ਸੰਵਾਦਾਂ ਨੂੰ ਦੇਸ਼ ਭਰ ਵਿੱਚ ਮਸ਼ਹੂਰ ਕਰਨ ਵਾਲੇ ਗੀਤ ਅਤੇ ਸੰਵਾਦ ਲੇਖਕ ਮਨੋਜ ਮੁਨਤਾਸ਼ੀਰ ਨੇ ਇਹ ਲਾਈਨ (ਤੁਮ ਪਿਆਰ ਕਰਨੇ ਦੇਤੇ ਤੋ ਤੁਮਹੇ ਕਿਤਨਾ ਪਿਆਰ ਕਰਤੇ) ਲਿਖੀ ਹੈ। ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਫਿਲਮ 'ਚ ਉਨ੍ਹਾਂ ਦੇ ਲਿਖੇ ਗੀਤ ਅਤੇ ਡਾਇਲਾਗ ਸੁਣਨ ਨੂੰ ਮਿਲਣਗੇ।
'ਦੰਗਲ' ਅਤੇ 'ਛੀਛੋਰੇ' ਵਰਗੀਆਂ ਮਹਾਨ ਫਿਲਮਾਂ ਦੇ ਨਿਰਦੇਸ਼ਕ ਨਿਤੇਸ਼ ਤਿਵਾਰੀ ਨੇ ਇਹ ਫਿਲਮ ਬਣਾਈ ਹੈ। ਇਹ ਫਿਲਮ ਪੈਰਿਸ ਦੇ ਆਈਫਲ ਟਾਵਰ 'ਤੇ ਪ੍ਰੀਮੀਅਰ ਹੋਣ ਵਾਲੀ ਪਹਿਲੀ ਭਾਰਤੀ ਫਿਲਮ ਹੋਵੇਗੀ। ਇਹ ਫਿਲਮ ਜੁਲਾਈ 'ਚ ਰਿਲੀਜ਼ ਹੋਵੇਗੀ ਪਰ ਰਿਲੀਜ਼ ਡੇਟ ਦਾ ਅਜੇ ਤੱਕ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।
