ਹੈਦਰਾਬਾਦ: ਬੀ-ਟਾਊਨ ਤੋਂ ਸੋਮਵਾਰ (27 ਜੂਨ) ਨੂੰ ਸਭ ਤੋਂ ਵੱਡੀ ਖ਼ਬਰ ਜਾਂ ਕਹਿਲੋ ਖੁਸ਼ਖਬਰੀ ਆਈ ਹੈ ਕਿ ਬਾਲੀਵੁੱਡ ਦੀ 'ਗੰਗੂਬਾਈ' ਆਲੀਆ ਭੱਟ ਗਰਭਵਤੀ ਹੈ। ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੇ ਸੋਸ਼ਲ ਮੀਡੀਆ 'ਤੇ ਆ ਕੇ ਇਸ ਦਾ ਐਲਾਨ ਕੀਤਾ। ਇਸ ਖੁਸ਼ਖਬਰੀ ਨਾਲ ਪ੍ਰਸ਼ੰਸਕਾਂ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ ਅਤੇ ਉਹ ਜੋੜੀ ਉਨ੍ਹਾਂ ਨੂੰ ਬਹੁਤ-ਬਹੁਤ ਵਧਾਈਆਂ ਦੇ ਰਹੇ ਹਨ। ਇਸ ਦੌਰਾਨ ਰਣਬੀਰ ਕਪੂਰ ਦੀ ਭੈਣ ਰਿਧੀਮਾ ਕਪੂਰ ਨੇ ਸੋਸ਼ਲ ਮੀਡੀਆ 'ਤੇ ਭਰਜਾਈ ਨੂੰ ਵਧਾਈ ਦਿੱਤੀ ਹੈ।
ਆਲੀਆ ਅਤੇ ਰਣਬੀਰ ਦੇ ਮਾਤਾ-ਪਿਤਾ ਬਣਨ ਦੀ ਖਬਰ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ 'ਚ ਅੱਗ ਨਾਲੋਂ ਤੇਜ਼ੀ ਨਾਲ ਫੈਲ ਗਈ ਹੈ। ਇਸ ਦੌਰਾਨ ਅਦਾਕਾਰ ਦੀ ਭੈਣ ਰਿਧੀਮਾ ਜੋ ਰਣਬੀਰ-ਆਲੀਆ ਦੇ ਬੱਚੇ ਦੀ ਭੂਆ ਬਣਨ ਜਾ ਰਹੀ ਹੈ, ਨੇ ਖੁਸ਼ੀ ਜ਼ਾਹਰ ਕਰਦੇ ਹੋਏ ਭਰਜਾਈ ਦੇ ਨਾਂ ਪੋਸਟ ਸਾਂਝੀ ਕੀਤੀ ਹੈ। ਰਿਧੀਮਾ ਨੇ ਲਿਖਿਆ 'ਮੇਰੀ ਬੇਬੀ ਨੂੰ ਹੁਣ ਬੱਚਾ ਹੋਣ ਵਾਲਾ ਹੈ... ਮੈਂ ਤੁਹਾਨੂੰ ਦੋਵਾਂ ਨੂੰ ਬਹੁਤ ਪਿਆਰ ਕਰਦੀ ਹਾਂ'।
ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਨੇ ਸੋਮਵਾਰ (27 ਜੂਨ) ਨੂੰ ਸੋਸ਼ਲ ਮੀਡੀਆ 'ਤੇ ਗਰਭਵਤੀ ਹੋਣ ਦਾ ਐਲਾਨ ਕੀਤਾ। ਇਸ ਸਬੰਧੀ ਆਲੀਆ ਨੇ ਹਸਪਤਾਲ ਤੋਂ ਦੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ ਅਤੇ ਦੱਸਿਆ ਹੈ ਕਿ ਉਸ ਦਾ ਬੱਚਾ ਆਉਣ ਵਾਲਾ ਹੈ। ਇਸ ਖਬਰ ਨਾਲ ਆਲੀਆ-ਰਣਬੀਰ ਦੇ ਪ੍ਰਸ਼ੰਸਕਾਂ 'ਚ ਖੁਸ਼ੀ ਦੀ ਲਹਿਰ ਦੌੜ ਗਈ ਹੈ। ਦੱਸ ਦੇਈਏ ਕਿ ਆਲੀਆ ਅਤੇ ਰਣਬੀਰ ਦਾ ਵਿਆਹ ਇਸ ਸਾਲ 14 ਅਪ੍ਰੈਲ ਨੂੰ ਹੋਇਆ ਸੀ।
ਆਲੀਆ ਅਤੇ ਰਣਬੀਰ ਪਹਿਲੀ ਵਾਰ ਫਿਲਮ 'ਬ੍ਰਹਮਾਸਤਰ' 'ਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਫਿਲਮ 'ਬ੍ਰਹਮਾਸਤਰ' ਇਸ ਸਾਲ 9 ਸਤੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਰਣਬੀਰ ਕਪੂਰ ਦੀ ਫਿਲਮ ਸ਼ਮਸ਼ੇਰਾ ਜੁਲਾਈ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਸ਼ਮਸ਼ੇਰਾ ਦੇ ਟ੍ਰੇਲਰ ਤੋਂ ਰਣਬੀਰ ਕਪੂਰ ਨੇ ਆਪਣੇ ਲੁੱਕ ਅਤੇ ਐਕਟਿੰਗ ਲਈ ਕਾਫੀ ਤਾਰੀਫਾਂ ਹਾਸਲ ਕੀਤੀਆਂ ਹਨ।
ਇਹ ਵੀ ਪੜ੍ਹੋ:ਜਾਣੋ!...ਦਾਦੀ ਬਣਨ ਵਾਲੀ ਗੱਲ 'ਤੇ ਕੀ ਬੋਲੀ ਨੀਤੂ ਕਪੂਰ...ਵੀਡੀਓ
