ਹੈਦਰਾਬਾਦ: ਮਸ਼ਹੂਰ ਫਿਲਮ ਨਿਰਮਾਤਾ ਕਰਨ ਜੌਹਰ ਨੇ ਮਸ਼ਹੂਰ ਟਾਕ ਸ਼ੋਅ ਕੌਫੀ ਵਿਦ ਕਰਨ ਦੇ ਸੀਜ਼ਨ 8 ਦੇ ਪਹਿਲੇ ਐਪੀਸੋਡ ਨਾਲ ਹਲਚਲ ਮਚਾ ਦਿੱਤੀ ਹੈ। ਇਸ ਸ਼ੋਅ 'ਚ ਬਾਲੀਵੁੱਡ ਸਟਾਰ ਜੋੜਾ ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੂਕੋਣ ਮਹਿਮਾਨ ਵਜੋਂ ਨਜ਼ਰ ਆਏ। ਦੀਪਿਕਾ ਪਾਦੂਕੋਣ ਨੇ ਆਪਣੇ ਰਿਸ਼ਤੇ ਬਾਰੇ ਅਜਿਹੀਆਂ ਨਿੱਜੀ ਗੱਲਾਂ ਕਹੀਆਂ ਕਿ ਇਹ ਸਭ ਸੁਣ ਕੇ ਰਣਵੀਰ ਸਿੰਘ ਹੱਕੇ-ਬੱਕੇ ਰਹਿ ਗਏ।
ਹੁਣ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਕਰਨ ਜੌਹਰ ਆਪਣੇ ਸ਼ੋਅ 'ਚ ਕਿਹੜੀਆਂ ਮਸ਼ਹੂਰ ਹਸਤੀਆਂ ਨੂੰ ਬੁਲਾਉਣ ਤੋਂ ਡਰਦੇ ਹਨ, ਕਰਨ ਚਾਹੁੰਦੇ ਕਿ ਉਹ ਸ਼ੋਅ ਵਿੱਚ ਆਉਣ ਪਰ ਉਨ੍ਹਾਂ 'ਚ ਹਿੰਮਤ ਨਹੀਂ ਹੈ।
ਦਰਅਸਲ ਕਰਨ ਜੌਹਰ ਨੇ ਖੁਦ ਖੁਲਾਸਾ ਕੀਤਾ ਹੈ ਕਿ ਉਹ ਟੀਮ ਇੰਡੀਆ ਦੇ ਸਟਾਰ ਕ੍ਰਿਕਟਰ ਹਾਰਦਿਕ ਪਾਂਡਿਆ ਅਤੇ ਕੇਐੱਲ ਰਾਹੁਲ ਨੂੰ ਸ਼ੋਅ 'ਤੇ ਬੁਲਾਉਣ ਤੋਂ ਬਾਅਦ ਵਿਵਾਦਾਂ ਤੋਂ ਡਰੇ ਹੋਏ ਹਨ ਅਤੇ ਹੁਣ ਉਨ੍ਹਾਂ 'ਚ ਕਿਸੇ ਵੀ ਕ੍ਰਿਕਟਰ ਨੂੰ ਬੁਲਾਉਣ ਦੀ ਹਿੰਮਤ ਨਹੀਂ ਹੈ। ਕਰਨ ਨੇ ਸੋਸ਼ਲ ਮੀਡੀਆ 'ਤੇ ਲਾਈਵ ਆਉਣ 'ਤੇ ਇਸ ਗੱਲ ਦਾ ਖੁਲਾਸਾ ਕੀਤਾ। ਸ਼ੋਅ ਦੇ ਇੱਕ ਪ੍ਰਸ਼ੰਸਕ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਕੀ ਇਸ ਵਾਰ ਸ਼ੋਅ ਵਿੱਚ ਕ੍ਰਿਕਟਰ ਨਜ਼ਰ ਆਉਣਗੇ। ਇੱਥੇ ਜਾਣੋ ਯੂਜ਼ਰ ਦੇ ਇਸ ਸਵਾਲ ਦਾ ਕਰਨ ਨੇ ਕੀ ਜਵਾਬ ਦਿੱਤਾ।
ਲਾਈਵ ਚੈਟ ਸੈਸ਼ਨ ਦੌਰਾਨ ਕਰਨ ਨੇ ਹਿੰਟ ਦਿੱਤਾ ਸੀ ਕਿ ਇਸ ਵਾਰ ਸ਼ੋਅ 'ਚ ਭਰਾ-ਭੈਣ ਦੀ ਜੋੜੀ ਵੀ ਨਜ਼ਰ ਆਵੇਗੀ। ਇਸ ਸਵਾਲ 'ਤੇ ਕਿ ਕ੍ਰਿਕਟਰ ਸ਼ੋਅ 'ਚ ਆਉਣਗੇ ਜਾਂ ਨਹੀਂ, ਕਰਨ ਨੇ ਜਵਾਬ ਦਿੱਤਾ ਕਿ ਮੈਨੂੰ ਨਹੀਂ ਪਤਾ, ਪਰ ਮੈਂ ਚਾਹੁੰਦਾ ਹਾਂ ਕਿ ਉਹ ਆਉਣ, ਕਿਉਂਕਿ ਉਹ ਸਾਡੇ ਦੇਸ਼ ਦੀ ਸ਼ਾਨ ਹਨ।
ਕਰਨ ਕਿਉਂ ਡਰਦੇ ਹਨ ਕ੍ਰਿਕਟਰ ਨੂੰ ਬੁਲਾਉਣ ਤੋਂ?: ਕਰਨ ਨੇ ਇਸ ਕਾਰਨ ਦਾ ਵੀ ਖੁਲਾਸਾ ਕੀਤਾ ਕਿ ਉਹ ਕ੍ਰਿਕਟਰ ਨੂੰ ਬੁਲਾਉਣ ਤੋਂ ਕਿਉਂ ਡਰਦੇ ਹਨ। ਕਰਨ ਨੇ ਕਿਹਾ, ਮੈਨੂੰ ਨਹੀਂ ਲੱਗਦਾ ਕਿ ਹਾਰਦਿਕ ਅਤੇ ਕੇਐੱਲ ਰਾਹੁਲ ਦੇ ਵਿਵਾਦ ਤੋਂ ਬਾਅਦ ਕੋਈ ਮੇਰੇ ਸ਼ੋਅ 'ਚ ਆਉਣਾ ਚਾਹੇਗਾ, ਹੁਣ ਕੋਈ ਕ੍ਰਿਕਟਰ ਮੇਰਾ ਫੋਨ ਵੀ ਨਹੀਂ ਚੁੱਕੇਗਾ, ਮੈਂ ਉਨ੍ਹਾਂ ਨੂੰ ਕਾਲ ਕਰਨ ਤੋਂ ਡਰਦਾ ਹਾਂ, ਮੈਨੂੰ ਇਹ ਪਸੰਦ ਨਹੀਂ ਹੈ। ਮੈਂ ਕਾਲ ਕਰਦਾ ਹਾਂ ਅਤੇ ਉਹ ਇਨਕਾਰ ਕਰਦਾ ਹੈ, ਕਿਉਂਕਿ ਮੈਂ ਰੱਦ ਹੋ ਜਾਣਾ ਪਸੰਦ ਨਹੀਂ ਕਰਦਾ।
- " class="align-text-top noRightClick twitterSection" data="">
ਕੀ ਹੈ ਹਾਰਦਿਕ-ਕੇਐਲ ਰਾਹੁਲ ਵਿਵਾਦ?: ਤੁਹਾਨੂੰ ਦੱਸ ਦੇਈਏ ਕਰਨ ਜੌਹਰ ਨੇ ਹਾਰਦਿਕ ਪਾਂਡਿਆ ਅਤੇ ਕੇਐਲ ਰਾਹੁਲ ਨੂੰ ਕੌਫੀ ਵਿਦ ਕਰਨ 'ਤੇ ਸੱਦਾ ਦਿੱਤਾ ਸੀ। ਇਸ ਐਪੀਸੋਡ 'ਚ ਦੋਵਾਂ ਸਟਾਰ ਕ੍ਰਿਕਟਰਾਂ ਨੇ ਆਪਣੇ ਰਿਸ਼ਤੇ ਨੂੰ ਲੈ ਕੇ ਅਜਿਹੇ ਇਤਰਾਜ਼ਯੋਗ ਖੁਲਾਸੇ ਕੀਤੇ ਸਨ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਇੱਕ ਮੈਚ ਲਈ ਸਸਪੈਂਡ ਕਰ ਦਿੱਤਾ ਗਿਆ ਸੀ ਅਤੇ ਇਸ ਐਪੀਸੋਡ 'ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈ ਸੀ।
