ਮੁੰਬਈ: ਸੋਸ਼ਲ ਮੀਡੀਆ ਦਾ ਜ਼ਮਾਨਾ ਹੈ, ਇਸ ਲਈ ਲੋਕ ਅਕਸਰ ਇੰਸਟਾਗ੍ਰਾਮ ਸਮੇਤ ਕਈ ਪਲੇਟਫਾਰਮ 'ਤੇ ਰੀਲਾਂ, ਵੀਡੀਓ ਅਤੇ ਫੋਟੋਆਂ ਸ਼ੇਅਰ ਕਰਦੇ ਹਨ। ਮਨੋਰੰਜਨ ਦੇ ਇਸ ਸਿਲਸਿਲੇ 'ਚ ਫਿਲਮੀ ਸਿਤਾਰੇ ਵੀ ਪਿੱਛੇ ਨਹੀਂ ਹਨ ਅਤੇ ਹਰ ਰੋਜ਼ ਮਜ਼ਾਕੀਆ ਪੋਸਟਾਂ ਪੋਸਟ ਕਰਦੇ ਰਹਿੰਦੇ ਹਨ। ਇਸ ਸਿਲਸਿਲੇ 'ਚ ਅਦਾਕਾਰਾ ਵਿਦਿਆ ਬਾਲਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਫਨੀ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਸ ਨੇ ਗੂਗਲ ਨੂੰ ਆਪਣੀ ਪਸੰਦ ਦੇ ਗੀਤ ਦੀ ਸਿਫਾਰਿਸ਼ ਕੀਤੀ ਹੈ, ਇਸ 'ਤੇ ਗੂਗਲ ਦਾ ਜਵਾਬ ਦੇਖਣ ਯੋਗ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇੰਸਟਾਗ੍ਰਾਮ 'ਤੇ ਇਕ ਮਜ਼ਾਕੀਆ ਵੀਡੀਓ ਸ਼ੇਅਰ ਕਰਦੇ ਹੋਏ ਵਿਦਿਆ ਨੇ ਕੈਪਸ਼ਨ 'ਚ ਲਿਖਿਆ- 'ਹੈਲੋ ਗੂਗਲ'। ਫਨੀ ਵੀਡੀਓ ਦੇਖ ਕੇ ਤੁਸੀਂ ਆਪਣਾ ਹਾਸਾ ਨਹੀਂ ਰੋਕ ਸਕੋਗੇ। ਵੀਡੀਓ ਵਿੱਚ ਅਦਾਕਾਰਾ ਹੱਥ ਵਿੱਚ ਮੋਬਾਈਲ ਫੋਨ ਲੈ ਕੇ ਬਹੁਤ ਹੀ ਮਜ਼ਾਕੀਆ ਢੰਗ ਨਾਲ ਗੂਗਲ ਨੂੰ 1995 ਵਿੱਚ ਰਿਲੀਜ਼ ਹੋਈ ਫਿਲਮ 'ਨਾਜਾਇਜ' ਦਾ ਮਸ਼ਹੂਰ ਗੀਤ 'ਅਭੀ ਜ਼ਿੰਦਾ ਹੂੰ ਤੋ ਜੀ ਲੇਨੇ ਦੋ' ਗਾਉਣ ਲਈ ਕਹਿੰਦੀ ਹੈ। ਇਸ 'ਤੇ ਗੂਗਲ ਦਾ ਜਵਾਬ ਆਉਂਦਾ ਹੈ ਕਿ 'ਬਸ ਦੋ ਲਾਈਨਾਂ ਬਾਕੀ ਹਨ, ਉਹ ਵੀ ਤੂ ਹੀ ਗਾ ਦੇ', ਇਸ ਤੋਂ ਬਾਅਦ ਵਿਦਿਆ ਦਾ ਰਿਐਕਸ਼ਨ ਦੇਖਣ ਯੋਗ ਹੈ।
- " class="align-text-top noRightClick twitterSection" data="
">
ਅਦਾਕਾਰਾ ਦੇ ਇਸ ਮਜ਼ਾਕੀਆ ਵੀਡੀਓ ਨੂੰ ਪ੍ਰਸ਼ੰਸਕ ਕਾਫੀ ਪਸੰਦ ਕਰ ਰਹੇ ਹਨ, ਇਸ ਲਈ ਲੋਕਾਂ ਨੇ ਸਮਾਈਲੀ ਇਮੋਜੀ ਅਤੇ ਮਜ਼ਾਕੀਆ ਟਿੱਪਣੀਆਂ ਨਾਲ ਕਮੈਂਟ ਬਾਕਸ ਭਰ ਦਿੱਤਾ। ਇਸ ਦੇ ਨਾਲ ਹੀ ਕਈ ਫਿਲਮੀ ਸਿਤਾਰਿਆਂ ਨੇ ਵੀ ਉਸ ਦੀ ਫਨੀ ਪੋਸਟ 'ਤੇ ਕਮੈਂਟ ਕੀਤੇ ਹਨ। ਮ੍ਰਿਣਾਲ ਠਾਕੁਰ ਨੇ 'ਹਾਹਾਹਾਹਾਹਾ' ਲਿਖਿਆ ਜਦੋਂਕਿ ਰਕੁਲ ਪ੍ਰੀਤ ਸਿੰਘ ਨੇ ਸਮਾਈਲੀ ਪੋਸਟ ਕੀਤੀ। ਇਸ ਸਿਲਸਿਲੇ 'ਚ ਇਕ ਫੈਨ ਨੇ ਲਿਖਿਆ 'ਤੁਸੀਂ ਬਹੁਤ ਪਿਆਰੇ ਹੋ', ਦੂਜੇ ਫੈਨ ਨੇ ਮਜ਼ਾਕੀਆ ਅੰਦਾਜ਼ 'ਚ ਲਿਖਿਆ 'ਗੂਗਲ ਨੇ ਤੁਹਾਨੂੰ ਇਹ ਕਿਵੇਂ ਦੱਸਿਆ'।
ਇਹ ਵੀ ਪੜ੍ਹੋ:'ਦਿ ਕਸ਼ਮੀਰ ਫਾਈਲ' ਤੋਂ ਬਾਅਦ 'ਦਿ ਵੈਕਸੀਨ ਵਾਰ' ਲੈ ਕੇ ਆ ਰਹੇ ਨੇ ਵਿਵੇਕ ਰੰਜਨ ਅਗਨੀਹੋਤਰੀ
