ਹੈਦਰਾਬਾਦ: ਬਾਲੀਵੁੱਡ ਦੀ ਸਟਾਰ ਅਤੇ ਖੂਬਸੂਰਤ ਅਦਾਕਾਰਾ ਰਾਣੀ ਮੁਖਰਜੀ ਉਨ੍ਹਾਂ ਸਭ ਤੋਂ ਪਿਆਰੀਆਂ ਅਦਾਕਾਰਾਂ ਵਿੱਚੋਂ ਇੱਕ ਹੈ, ਜਿਸ ਨੇ ਆਪਣੇ ਢਾਈ ਦਹਾਕਿਆਂ ਦੇ ਫਿਲਮੀ ਕਰੀਅਰ ਦੌਰਾਨ ਆਪਣੀਆਂ ਸ਼ਾਨਦਾਰ ਫਿਲਮਾਂ ਨਾਲ ਫਿਲਮ ਇੰਡਸਟਰੀ ਨੂੰ ਪ੍ਰਭਾਵਿਤ ਕੀਤਾ ਹੈ ਅਤੇ ਪ੍ਰਸ਼ੰਸਕਾਂ ਨੂੰ ਖੁਸ਼ ਕੀਤਾ ਹੈ।
'ਕੁਛ ਕੁਛ ਹੋਤਾ ਹੈ', 'ਵੀਰ ਜ਼ਾਰਾ', 'ਬਲੈਕ' ਅਤੇ 'ਮਰਦਾਨੀ' ਆਦਿ ਵਿੱਚ ਉਸ ਦੇ ਅਸਾਧਾਰਨ ਪ੍ਰਦਰਸ਼ਨਾਂ ਨੇ ਦਰਸ਼ਕਾਂ ਦੇ ਦਿਲਾਂ ਵਿੱਚ ਖਾਸ ਥਾਂ ਬਣਾਈ ਹੋਈ ਹੈ। ਉਸਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਨਵੀਂ ਫਿਲਮ 'ਸ਼੍ਰੀਮਤੀ ਚੈਟਰਜੀ ਬਨਾਮ ਨਾਰਵੇ' ਨੂੰ ਬਹੁਤ ਪਸੰਦ ਕੀਤਾ ਗਿਆ ਅਤੇ ਕਾਫੀ ਪ੍ਰਸ਼ੰਸਾਂ ਵੀ ਕੀਤੀ ਗਈ ਹੈ। ਆਪਣੇ ਕੰਮ ਤੋਂ ਬਿਨ੍ਹਾਂ ਹੁਣ ਰਾਣੀ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਚਰਚਾ ਵਿੱਚ ਹੈ। ਉਸਨੇ ਹਾਲ ਹੀ ਵਿੱਚ ਆਦਿਤਿਆ ਚੋਪੜਾ ਨਾਲ ਆਪਣੇ ਵਿਆਹ 'ਤੇ ਪਹਿਨੇ ਹੋਏ ਪਹਿਰਾਵੇ ਬਾਰੇ ਇੱਕ ਇੰਟਰਵਿਊ ਵਿੱਚ ਦੱਸਿਆ।
ਰਾਣੀ ਅਤੇ ਫਿਲਮ ਨਿਰਮਾਤਾ ਆਦਿਤਿਆ ਚੋਪੜਾ ਦਾ 2014 ਵਿੱਚ ਇਟਲੀ ਵਿੱਚ ਵਿਆਹ ਹੋਇਆ ਸੀ। ਰਾਣੀ ਨੇ ਵਿਆਹ ਤੋਂ ਬਾਅਦ ਆਪਣੇ ਸੋਸ਼ਲ ਮੀਡੀਆ ਪ੍ਰੋਫਾਈਲਾਂ ਨੂੰ ਵੀ ਜਿਆਦਾ ਨਾ ਵਰਤਿਆ। ਇਸ ਲਈ ਉਨ੍ਹਾਂ ਦੇ ਵਿਆਹ ਸਮਾਗਮ ਦੀਆਂ ਤਸਵੀਰਾਂ ਕਦੇ ਵੀ ਸੋਸ਼ਲ ਮੀਡੀਆ 'ਤੇ ਨਹੀਂ ਆਈਆਂ। ਪਰ ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ ਅਦਾਕਾਰਾ ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕਰਨ ਦੀ ਇੱਛਾ ਜ਼ਾਹਰ ਕੀਤੀ। ਅਦਾਕਾਰਾ ਨੇ ਕਿਹਾ "ਬਹੁਤ ਜਲਦੀ ਮੈਂ ਆਪਣੇ ਵਿਆਹ ਦੀਆਂ ਤਸਵੀਰਾਂ ਲੈ ਕੇ ਤੁਹਾਡੇ ਸਨਮੁੱਖ ਹੋਵਾਂਗੀ ਅਤੇ ਸਭ ਤੋਂ ਪਹਿਲਾਂ ਸਭਿਆਸਾਚੀ ਦੁਲਹਨ।"
- Mastaney Box Office Collection Day 4: ਸਿਨੇਮਾਘਰਾਂ ਦਾ ਸ਼ਿੰਗਾਰ ਬਣੀ ਫਿਲਮ 'ਮਸਤਾਨੇ', ਚੌਥੇ ਦਿਨ ਕੀਤੀ ਇੰਨੀ ਕਮਾਈ
- Happy Raikoti YouTube Channel Hacked: 'ਮੈਂ ਤਾਂ ਵੀ ਪਿਆਰ ਕਰਦਾ' ਫੇਮ ਗਾਇਕ ਹੈਪੀ ਰਾਏਕੋਟੀ ਦਾ ਯੂਟਿਊਬ ਚੈਨਲ ਹੋਇਆ ਹੈਕ, ਗਾਇਕ ਨੇ ਖੁਦ ਸਾਂਝੀ ਕੀਤੀ ਪੋਸਟ
- Dream Girl 2 Box Office Collection Day 4: ਪ੍ਰਸ਼ੰਸਕਾਂ ਨੂੰ ਸਿਨੇਮਾਘਰਾਂ ਵੱਲ ਖਿੱਚ ਰਹੀ ਹੈ ਆਯੁਸ਼ਮਾਨ ਖੁਰਾਨਾ ਦੀ 'ਡ੍ਰੀਮ ਗਰਲ 2', ਚੌਥੇ ਦਿਨ ਕੀਤੀ ਇੰਨੀ ਕਮਾਈ
ਇੱਕ ਹੋਰ ਇੰਟਰਵਿਊ ਵਿੱਚ ਰਾਣੀ ਨੇ ਆਪਣੀ ਪੇਸ਼ੇਵਰ ਜ਼ਿੰਦਗੀ ਬਾਰੇ ਗੱਲ ਕੀਤੀ ਅਤੇ 'ਮਰਦਾਨੀ 3' ਬਾਰੇ ਖੁਲਾਸਾ ਕੀਤਾ। ਜਦੋਂ ਇਹ ਪੁੱਛਿਆ ਗਿਆ ਕਿ ਕੀ 'ਮਰਦਾਨੀ 3' ਹੋਵੇਗਾ ਤਾਂ ਅਦਾਕਾਰ ਨੇ ਜਵਾਬ ਦਿੱਤਾ, "ਹਾਂ, ਮੈਂ ਅਸਲ ਵਿੱਚ ਵਾਪਸ ਆ ਕੇ ਸ਼ਿਵਾਨੀ ਸ਼ਿਵਾਜੀ ਰਾਏ ਦੇ ਜੁੱਤੇ ਪਹਿਨਣਾ ਪਸੰਦ ਕਰਾਂਗੀ।"
ਹਾਲਾਂਕਿ ਰਾਣੀ ਨੇ ਕਿਹਾ ਕਿ ਇਹ ਸਭ ਸਕ੍ਰਿਪਟ ਅਤੇ ਕਹਾਣੀ 'ਤੇ ਨਿਰਭਰ ਕਰਦਾ ਹੈ ਅਤੇ ਜੇਕਰ ਉਸਨੂੰ ਤੀਜੀ ਫਿਲਮ ਲਈ ਇੱਕ ਵਧੀਆ ਕਹਾਣੀ ਮਿਲਦੀ ਹੈ, ਤਾਂ ਇਹ ਉਸਦੇ ਲਈ ਸ਼ਿਵਾਨੀ ਸ਼ਿਵਾਜੀ ਰਾਏ ਦੇ ਰੂਪ ਵਿੱਚ ਆਪਣੇ ਕਿਰਦਾਰ ਵਿੱਚ ਵਾਪਸ ਆਉਣਾ ਦਿਲਚਸਪ ਹੋਵੇਗਾ।
