ਚੰਡੀਗੜ੍ਹ: ਕੁਝ ਦਿਨ ਪਹਿਲਾਂ ਸੈਕਟਰ 16-17 ਦੇ ਡਿਵਾਇਡਿੰਗ ਰੋਡ ਉੱਤੇ ਪੁਲਿਸ ਨੇ ਨਾਕਾਬੰਦੀ ਕਰਕੇ 150 ਦੀ ਸਪੀਡ ਉੱਤੇ ਜਾ ਰਹੀ ਲੈਂਬਰਗਿਨੀ ਨੂੰ ਜ਼ਬਤ ਕਰ ਲਿਆ ਸੀ ਜਿਸ ਤੋਂ ਬਾਅਦ ਲੈਂਬਰਗਿਨੀ ਸੈਕਟਰ 28 ਦੇ ਆਈਟੀਆਈ ਵਿਖੇ ਖੜ੍ਹੀ ਹੈ।
150 ਦੀ ਸਪੀਡ ਉੱਤੇ ਜਾ ਰਹੀ ਲੈਂਬਰਗਿਨੀ ਨੂੰ ਪੁਲਿਸ ਨੇ ਕੀਤਾ ਜਪਤ
ਦੱਸ ਦੇਈਏ ਕਿ ਜਦੋਂ ਚੰਡੀਗੜ੍ਹ ਪੁਲਿਸ ਨੇ ਲੈਂਬਰਗਿਨੀ ਨੂੰ ਰੋਕ ਕੇ ਮਾਲਕ ਨੂੰ ਗੱਡੀ ਦੇ ਕਾਗਜ਼ਾਤ ਦਿਖਾਉਣ ਲਈ ਕਿਹਾ ਤਾਂ ਮਾਲਕ ਕਾਰ ਦੇ ਕਾਗਜ਼ ਦਿਖਾ ਨਾ ਸਕਿਆ ਜਿਸ ਤੋਂ ਬਾਅਦ ਪੁਲਿਸ ਨੇ ਕਾਰ ਦਾ ਚਲਾਨ ਕਰ ਦਿੱਤਾ। ਪੁਲਿਸ ਨੇ ਲੈਂਬਰਗਿਨੀ ਦਾ ਚਲਾਨ 19 ਹਜ਼ਾਰ ਰੁਪਏ ਦਾ ਕੀਤਾ।
ਲੈਂਬਰਗਿਨੀ ਦਾ ਰੰਗ ਸਫ਼ੇਦ ਹੈ ਤੇ ਇਸ ਦਾ ਨੰਬਰ ਦਿੱਲੀ ਦਾ ਹੈ। ਲੈਂਬਰਗਿਨੀ ਦੀ ਕੀਮਤ 3 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਲੈਂਬਰਗਿਨੀ ਕਾਰ ਦਿੱਲੀ ਦੇ ਇੱਕ ਨਿੱਜੀ ਕੰਪਨੀ ਦੇ ਨਾਮ ਉੱਤੇ ਰਜਿਸਟਰ ਹੈ। ਇਸ ਕਾਰ ਨੂੰ ਜ਼ਬਤ ਕੀਤੇ ਕਈ ਦਿਨ ਬੀਤ ਗਏ ਹਨ ਪਰ ਕਾਰ ਮਾਲਕ ਲੈਂਬਰਗਿਨੀ ਕਾਰ ਨੂੰ ਛੁਡਾਉਣ ਲਈ ਨਹੀਂ ਆਇਆ।
ਇਹ ਵੀ ਪੜ੍ਹੋ:ਮਜਬੂਰ ਮਾਂ ਨੇ ਗੜ੍ਹਸ਼ੰਕਰ 'ਚ ਦਿਵਿਆਂਗ ਬੱਚਿਆਂ ਲਈ ਸਕੂਲ ਬਣਾਉਣ ਦੀ ਕੀਤੀ ਮੰਗ
