ਚੰਡੀਗੜ੍ਹ: ਹਰਿਆਣਾ ਕਲਰਕ ਭਰਤੀ ਦੀ ਜਵਾਬ ਕੀ (Answer Key) ਗੜਬੜੀ ਮਾਮਲੇ ਚ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਨੇ ਸਰਕਾਰ ਅਤੇ ਕਰਮਚਾਰੀ ਚੋਣ ਕਮਿਸ਼ਨ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਇਸ ਨੋਟਿਸ ਰਾਹੀ ਹਰਿਆਣਾ ਕਲਰਕ ਭਰਤੀ ਪ੍ਰੀਖਿਆ ਚ ਗਲਤ ਜਵਾਬ (Answer Key) ਨੂੰ ਤਿਆਰ ਕਰਨ ਅਤੇ ਯੋਗ ਉਮੀਦਵਾਰਾਂ ਨੂੰ ਨਿਯੁਕਤੀ ਨਾ ਦੇਣ ਦੇ ਇਲਜ਼ਾਮ ਨਾਲ ਜੁੜੀ ਪਟਿਸ਼ਨ ’ਤੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਹਰਿਆਣਾ ਸਰਕਾਰ ਅਤੇ ਕਰਮਚਾਰੀ ਚੋਣ ਕਮਿਸ਼ਨ ਤੋਂ ਜਵਾਬ ਮੰਗਿਆ ਹੈ।
ਦੱਸ ਦਈਏ ਕਿ ਇਸ ਮਾਮਲੇ ਚ ਕਰਨਾਲ ਦੇ ਰਹਿਣ ਵਾਲੇ ਅਨੁਜ ਕੁਮਾਰ ਅਤੇ ਕੁਝ ਹੋਰ ਵਿਅਕਤੀਆਂ ਨੇ ਹਰਿਆਣਾ ਚ ਕਲਰਕ ਭਰਤੀ ਪ੍ਰੀਖਿਆ ਦੇ ਸੰਤਬਰ 2020 ’ਚ ਜਾਰੀ ਨਤੀਜੇ ਨੂੰ ਠੀਕ ਕਰ ਮੁੜ ਤੋਂ ਜਾਰੀ ਕਰਨ ਦੀ ਮੰਗ ਕੀਤੀ ਹੈ। ਪਟੀਸ਼ਨਕਰਤਾ ਦੇ ਵਕੀਲ ਜਸਵੀਰ ਮੋਰ ਨੇ ਬੇਂਚ ਨੂੰ ਦੱਸਿਆ ਹੈ ਕਿ ਭਰਤੀ ਪ੍ਰੀਖਿਆ ਦੇ ਲਈ ਗੰਭੀਰਤਾ ਨਹੀਂ ਵਰਤੀ ਗਈ ਹੈ। ਮੋਰ ਨੇ ਬੇਂਚ ਨੂੰ ਕਲਰਕ ਭਰਤੀ ਚ ਤਿੰਨ ਅਜਿਹੇ ਸਵਾਲ ਅਤੇ ਉਨ੍ਹਾਂ ਦੇ ਉੱਤਰ ਦਿਖਾਏ ਜਿਸ ਚ ਕਮਿਸ਼ਨ ਇੱਕ ਹੀ ਸਵਾਲ ਦੇ ਵੱਖ-ਵੱਖ ਪੇਪਰ ਚ ਵੱਖ-ਵੱਖ ਉੱਤਰ ਮੰਨ ਰਿਹਾ ਹੈ।
ਕੋਰਟ ਨੂੰ ਇਹ ਵੀ ਦੱਸਿਆ ਗਿਆ ਹੈ ਕਿ ਪ੍ਰੀਖਿਆ ’ਚ ਇੱਕ ਸਵਾਲ ਪੁੱਛਿਆ ਗਿਆ ਹੈ ਕਿ ਯਮੂਨਾ ਨਦੀ ਹਰਿਆਣਾ ਦੀ ਕਿਸ ਦਿਸ਼ਾ ’ਚ ਵਹਿੰਦੀ ਹੈ। ਇਹ ਸੈੱਟ ਪੇਪਰ ਚ ਇਸਦਾ ਉੱਤਰ ਪੂਰਬ ਮੰਨ ਕੇ ਅੰਕ ਜਾਰੀ ਕਰ ਦਿੱਤੇ ਗਏ ਹਨ ਜੋ ਕਿ ਸਹੀ ਉੱਤਰ ਵੀ ਹੈ। ਪਰ ਹੋਰ ਪੇਪਰ ਸੈੱਟ ’ਚ ਨਦੀ ਨੂੰ ਉੱਤਰ ਦਿਸ਼ਾ ਚ ਬਿਹਤਰ ਦੱਸਿਆ ਜਾ ਰਿਹਾ ਹੈ। ਹੋਰ ਪੇਪਰ ਕੋਡ ਚ ਇਸ ਨੂੰ ਦੱਖਣ ਚ ਮੰਨਿਆ ਗਿਆ ਹੈ। ਇਸ ਤਰ੍ਹਾਂ ਕਈ ਹੋਰ ਸਵਾਲ ਅਤੇ ਜਵਾਬ ’ਤੇ ਪਟੀਸ਼ਨਕਰਤਾ ਨੇ ਸਵਾਲ ਚੁੱਕੇ ਹਨ।
ਇਸ ਤੋਂ ਇਲਾਵਾ ਕੋਰਟ ਨੂੰ ਇਹ ਵੀ ਦੱਸਿਆ ਗਿਆ ਹੈ ਕਿ ਹਾਈਕੋਰਟ ਨੇ ਇੱਕ ਮਾਮਲੇ ਚ ਕਰਮਚਾਰੀ ਚੋਣ ਕਮਿਸ਼ਨ ਨੂੰ ਆਦੇਸ਼ ਦਿੱਤਾ ਗਿਆ ਸੀ ਕਿ ਪੇਪਰ ਸੈੱਟ ਕਰਨ ਵਾਲੇ ਨੂੰ ਤੁਰੰਤ ਹਟਾਇਆ ਜਾਵੇ। ਪਰ ਹਾਈਕੋਰਟ ਦੇ ਆਦੇਸ਼ ਤੋਂ ਬਾਅਦ ਵੀ ਗਲਤੀ ਹੋ ਰਹੀ ਹੈ। ਪਟੀਸ਼ਨਕਰਤਾ ਦੇ ਵਕੀਲ ਨੇ ਇਨ੍ਹਾਂ ਤਿੰਨ ਸਵਾਲ ਦੇ ਅੰਕ ਸਹੀ ਕਰ ਮੁੜ ਤੋਂ ਮੈਰਿਟ ਲਿਸਟ ਬਣਾਉਣ ਦੀ ਅਪੀਲ ਕੀਤੀ ਹੈ। ਇਸ ਤਰ੍ਹਾਂ ਦੀ ਲਾਪਰਵਾਹੀ ਨਾਲ ਸਹੀ ਉੱਤਰ ਦੇਣ ਵਾਲੇ ਉਮੀਦਵਾਰ ਬਾਹਰ ਹੋ ਰਹੇ ਹਨ ਅਤੇ ਅਯੋਗ ਨੌਕਰੀ ਪਾ ਰਹੇ ਹਨ।
