ਚੰਡੀਗੜ੍ਹ: ਅਦਾਕਾਰ ਤੇ ਖਿਡਾਰੀ ਯੋਗਰਾਜ ਸਿੰਘ ਵੱਲੋਂ ਕਿਸਾਨ ਮੋਰਚੇ 'ਚ ਹਿੰਦੂ ਧਰਮ ਬਾਰੇ ਗਲਤ ਸ਼ਬਦਾਵਲੀ ਵਰਤ ਇੱਕ ਟਿੱਪਣੀ ਕੀਤੀ ਗਈ ਸੀ, ਜਿਸ ਦੀ ਹਰ ਕੋਈ ਨਿੰਦਾ ਕਰ ਰਿਹਾ ਹੈ। ਇਸ ਨੂੰ ਲੈ ਕੇ ਆਪ ਪਾਰਟੀ ਦੀ ਆਗੂ ਤੇ ਕਲਾਕਾਰ ਅਨਮੋਲ ਗਗਨ ਮਾਨ ਨੇ ਵੀ ਇਸ ਦੀ ਕਰੜੇ ਸ਼ਬਦਾਂ 'ਚ ਨਿੰਦਾ ਕੀਤੀ ਹੈ।
ਧਾਰਮਿਕ ਟਿੱਪਣੀ ਕਰਨਾ ਗਲਤ
ਜਿੱਥੇ ਕਿਸਾਨ ਅੰਦੋਲਨ ਆਪਣੇ ਭਾਈਚਾਰਕ ਸਾਂਝ ਲਈ ਸੁਰਖਿਆਂ 'ਚ ਹੈ ਉੱਥੇ ਯੋਗਰਾਜ ਸਿੰਘ ਦੀ ਟਿੱਪਣੀ ਨੇ ਹਿੰਦੂ ਲੋਕਾਂ ਦੇ ਮਨਾਂ 'ਚ ਗੁੱਸਾ ਭਰ ਦਿੱਤਾ ਹੈ। ਭਾਵੇਂ ਉਨ੍ਹਾਂ ਨੇ ਇਸ ਲਈ ਮਾਫ਼ੀ ਮੰਗ ਲਈ ਹੈ ਪਰ ਲੋਕ ਲਗਾਤਾਰ ਉਨ੍ਹਾਂ ਦੀ ਗ੍ਰਿਫਤਾਰੀ ਦੀ ਮੰਗ ਕਰ ਰਹੇ ਹਨ। ਇਸ ਬਾਰੇ ਮਾਨ ਨੇ ਕਿਹਾ ਕਿ ਕੋਈ ਖ਼ਾਸ ਵਿਅਕਤੀ ਹੀ ਖ਼ਾਸ ਟਿੱਪਣੀ ਕਰ ਸਕਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਧਰਮ ਇੱਕ ਨਿਜੀ ਮੁੱਦਾ ਹੈ ਤੇ ਇਸ ਬਾਰੇ ਸਟੇਜਾਂ 'ਤੇ ਖੜ੍ਹੇ ਹੋ ਕੇ ਟਿੱਪਣੀ ਨਹੀਂ ਕਰਨੀ ਚਾਹੀਦੀ।
ਕਿਸੇ ਕਲਾਕਾਰ ਨੇ ਧਾਰਮਿਕ ਟਿੱਪਣੀ ਨਹੀਂ ਕੀਤੀ
ਮਾਨ ਨੇ ਕਿਹਾ ਕਿ ਕਿਸੇ ਵੀ ਕਲਾਕਾਰ ਜਾਂ ਗਾਇਕ ਨੇ ਧਰਮ ਬਾਰੇ ਜਾਂ ਵੰਡ ਬਾਰੇ ਕੋਈ ਟਿੱਪਣੀ ਨਹੀਂ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਵਿਦੇਸ਼ਾਂ 'ਚ ਵੱਸਦੇ ਪੰਜਾਬੀ ਵੀਰ ਵੀ ਪੰਜਾਬ ਦੀ ਤਰੱਕੀ ਚਾਹੁੰਦੇ ਹਨ। ਇਸ ਕਈ ਅਨਸਰਾਂ ਵੱਲੋਂ ਅਫ਼ਵਾਹਾਂ ਫੈਲਾਈਆਂ ਜਾ ਰਹੀਆਂ ਹਨ।
