ਨਵੀਂ ਦਿੱਲੀ: ਮਾਈਕਰੋਸੌਫਟ ਆਪਣੇ ਮਸ਼ਹੂਰ ਇੰਟਰਨੈੱਟ ਐਕਸਪਲੋਰਰ ਨੂੰ ਬੰਦ ਕਰਨ ਦੀ ਤਿਆਰੀ ਕਰ ਲਈ ਹੈ। ਮਾਈਕ੍ਰੋਸਾੱਫਟ ਚਾਹੁੰਦਾ ਹੈ ਕਿ ਉਸ ਦੇ ਉਪਭੋਗਤਾ ਐਜ ਬਰਾਉਜ਼ਰ ਦੀ ਵਰਤੋਂ ਕਰਨ, ਜਿਸ ਨੂੰ ਕੰਪਨੀ ਨੇ ਹਾਲ ਦੇ ਦਿਨਾਂ ਵਿੱਚ ਨਵਾਂ ਰੂਪ ਦਿੱਤਾ ਹੈ।
ਵਿਸ਼ਵਵਿਆਪੀ ਤੌਰ 'ਤੇ, ਇੰਟਰਨੈੱਟ ਐਕਸਪਲੋਰਰ ਦਾ ਮਾਰਕੀਟ ਸ਼ੇਅਰ ਸਿਰਫ਼ ਪੰਜ ਪ੍ਰਤੀਸ਼ਤ ਦਾ ਰਹਿ ਗਿਆ ਹੈ। ਹੁਣ ਜੇ ਤੁਸੀਂ ਐਕਸਪਲੋਰਰ ਦੀ ਵਰਤੋਂ ਕਰਦੇ ਹੋਏ ਕਿਸੇ ਸਾਈਟ 'ਤੇ ਜਾਣ ਦੀ ਕੋਸ਼ਿਸ਼ ਕਰੋਗੇ ਤਾਂ ਤੁਹਾਨੂੰ ਸਿੱਧਾ ਮਾਈਕਰੋਸੌਫਟ ਐਜ 'ਤੇ ਰੀਡਾਇਰੈਕਟ ਕਰ ਦਿੱਤਾ ਜਾਵੇਗਾ।
ਇਹ ਰੀਡਾਇਰੈਕਸ਼ਨ ਇੱਕ ਇੰਟਰਨੈੱਟ ਐਕਸਪਲੋਰਰ ਬਰਾਉਜ਼ਰ ਹੈਲਪ ਆਬਜੈਕਟ ਦੀ ਮਦਦ ਨਾਲ ਕੀਤਾ ਜਾਂਦਾ ਹੈ। ਇਹ ਵਿਸ਼ੇਸ਼ਤਾ ਅਜੇ 1156 ਵੈਬਸਾਈਟਾਂ 'ਤੇ ਕੰਮ ਕਰ ਰਹੀ ਹੈ। ਜਿਸ ਵਿੱਚ ਟਵਿੱਟਰ, ਫੇਸਬੁੱਕ, ਇੰਸਟਾਗ੍ਰਾਮ ਅਤੇ ਗੂਗਲ ਡਰਾਈਵ ਸ਼ਾਮਲ ਹੈ।
ਮਾਈਕ੍ਰੋਸਾੱਫਟ ਨੇ ਪੰਜ ਸਾਲ ਪਹਿਲਾਂ ਐਜ ਲਾਂਚ ਕੀਤਾ ਸੀ ਕਿਉਂਕਿ ਗੂਗਲ ਕਰੋਮ ਅਤੇ ਮੋਜ਼ੀਲਾ ਫਾਇਰਫਾਕਸ ਤੋਂ ਪਹਿਲਾਂ ਉਸ ਦੇ ਇੰਟਰਨੈੱਟ ਐਕਸਪਲੋਰਰ ਦੀ ਹੋਂਦ ਖ਼ਤਮ ਹੋ ਗਈ ਸੀ।
