ਇੰਡੀਗੋ ਦੀਆਂ 130 ਨਹੀ 30 ਉਡਾਣਾਂ ਹੋਣਗੀਆਂ ਰੱਦ

ਨਵੀਂ ਦਿੱਲੀ : ਇੰਡੀਗੋ ਏਅਰਲਾਈਨਜ਼ ਨੇ ਕਿਹਾ ਕਿ 31 ਮਾਰਚ ਤਕ ਰੋਜ਼ਾਨਾ ਉਸ ਦੀਆਂ 30 ਉਡਾਣਾਂ ਰੱਦ ਹੁੰਦੀਆਂ ਰਹਿਣਗੀਆਂ। ਏਅਰਲਾਈਨਜ਼ ਨੇ ਇਸ ਗੱਲ ਨੂੰ ਗ਼ਲਤ ਦੱਸਿਆ ਕਿ ਨੂੰ ਉਸ ਦੀਆਂ 130 ਉਡਾਣਾਂ ਰੱਦ ਹੋਈਆਂ। ਏਅਰਲਾਈਨਜ਼ ਦਾ ਇਹ ਬਿਆਨ ਉਸ ਮੀਡੀਆ ਰਿਪੋਰਟ ਦੇ ਇਕ ਦਿਨ ਬਾਅਦ ਆਇਆ, ਜਿਸ ਵਿਚ ਕਿਹਾ ਗਿਆ ਸੀ ਕਿ ਸ਼ੁੱਕਰਵਾਰ ਨੂੰ ਉਸ ਦੀਆਂ 130 ਉਡਾਣਾਂ ਰੱਦ ਹੋਣਗੀਆਂ।

ਏਅਰਲਾਈਨਜ਼ ਨੇ ਇਹ ਵੀ ਕਿਹਾ ਹੈ ਕਿ ਸੂਚੀਬੱਧ 130 'ਚੋਂ 120 ਉਡਾਣਾਂ ਸੰਚਾਲਿਤ ਹੋ ਰਹੀਆਂ ਹਨ ਜਿਸ ਵਿਚੋਂ 20,000 ਤੋਂ ਜ਼ਿਆਦਾ ਯਾਤਰੀ ਸਫ਼ਰ ਕਰ ਰਹੇ ਹਨ। ਇੰਡੀਗੋ ਨੇ ਬਿਆਨ ਵਿਚ ਕਿਹਾ ਹੈ ਕਿ ਉਹ 31 ਮਾਰਚ ਤਕ ਰੋਜ਼ਾਨਾ 30 ਉਡਾਣਾਂ ਰੱਦ ਕਰਨਾ ਜਾਰੀ ਰੱਖੇਗੀ।