ਨਵੀਂ ਦਿੱਲੀ: ਇੰਫੋਸਿਸ ਦੇ ਚੇਅਰਮੈਨ ਨੰਦਨ ਨੀਲੇਕਣੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਕੰਪਨੀ ਦੀ ਆਡਿਟ ਕਮੇਟੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਸਲਿਲ ਪਾਰੇਖ ਅਤੇ ਮੁੱਖ ਵਿੱਤ ਅਧਿਕਾਰੀ ਨਿਲਾਂਜਨ ਰਾਏ ਵਿਰੁੱਧ ਵਿਹਸਿਲਬਲੋਅਰ ਸਮੂਹ ਦੁਆਰਾ ਲਾਏ ਗਏ ਦੋਸ਼ਾਂ ਦੀ ਸੁਤੰਤਰ ਜਾਂਚ ਹੋਵੇਗੀ।
ਖ਼ੁਦ ਨੂੰ ਨੈਤਿਕ ਕਰਮਚਾਰੀ ਦੱਸਣ ਵਾਲੀ ਕੰਪਨੀ ਦੇ ਇੱਕ ਵਿਸਲਬਲੋਅਰ ਸਮੂਹ ਨੇ ਪਾਰੇਖ ਅਤੇ ਰਾਏ ਵਿਰੁੱਧ ਲਘੂ ਅਵਧੀ ਵਿੱਚ ਆਮਦਨ ਅਤੇ ਲਾਭ ਵਧਾਉਣ ਲਈ ਅਨੈਤਿਕ ਕੰਮਕਾਜ਼ ਵਿੱਚ ਮਿਲੇ ਹੋਣ ਦੇ ਦੋਸ਼ ਲਾਏ ਹਨ। ਉਨ੍ਹਾਂ ਦੀ ਇਸ ਸ਼ਿਕਾਇਤ ਨੂੰ ਕੰਪਨੀ ਦੀ ਵਿਹਸਿਲਬਲੋਅਰ ਨੀਤੀ ਦੇ ਅਨੂਰੂਪ ਸੋਮਵਾਰ ਨੂੰ ਆਡਿਟ ਕਮੇਟੀ ਦੇ ਸਾਹਮਣੇ ਰੱਖਿਆ ਹੈ।
ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਸੂਚਨਾ ਵਿੱਚ ਨੀਲੇਕਣੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਕਮੇਟੀ ਨੇ ਸੁਤੰਤਰ ਅੰਦਰੂਨੀ ਆਡਿਟਰ ਇਕਾਈ ਅਤੇ ਕਾਨੂੰਨੀ ਫ਼ਰਮ ਸ਼ਾਰਦੁਲ ਅਮਰਚੰਦ ਮੰਗਲਦਾਸ ਐਂਡ ਕੰਪਨੀ ਨਾਲ ਸੁਤੰਤਰ ਜਾਂਚ ਲਈ ਗੱਲਬਾਤ ਸ਼ੁਰੂ ਕੀਤੀ ਹੈ।
ਨੀਲੇਕਣੀ ਨੇ ਕਿਹਾ ਕਿ ਕੰਪਨੀ ਦੇ ਨਿਰਦੇਸ਼ਕ ਮੰਡਲ ਦੇ ਮੈਂਬਰਾਂ ਵਿੱਚੋਂ ਇੱਕ ਨੂੰ 20 ਅਤੇ 30 ਦਸੰਬਰ 2019 ਨੂੰ 2 ਅਣਜਾਣ ਸ਼ਿਕਾਇਤਾਂ ਆਈਆਂ ਸਨ। ਕੰਪਨੀ ਨੇ ਸੋਮਵਾਰ ਨੂੰ ਵਿਹਸਿਲਬਲੋਅਰ ਦੀ ਸ਼ਿਕਾਇਤ ਨੂੰ ਆਡਿਟ ਕਮੇਟੀ ਦੇ ਸਾਹਮਣੇ ਪੇਸ਼ ਕਰਨ ਦੀ ਜਾਣਕਾਰੀ ਦਿੱਤੀ ਹੈ।
ਇਹ ਵੀ ਪੜ੍ਹੋ : ਛੇਤੀ ਹੀ ਬਦਲਣਗੇ ਪੀਐਫ ਤੇ ਪੈਨਸ਼ਨ ਦਾ ਪੈਸਾ ਕੱਢਣ ਦੇ ਨਿਯਮ
