ਹੈਦਰਾਬਾਦ: 12 ਦਸੰਬਰ ਦੀ ਸ਼ਾਮ ਦੇ ਅਸਮਾਨ ਵਿੱਚ ਇੱਕ ਦੁਰਲੱਭ ਆਕਾਸ਼ੀ ਘਟਨਾ ਦੇਖਣ ਨੂੰ ਮਿਲਣ ਜਾ ਰਹੀ ਹੈ। ਲੋਕ ਸੌਰ ਮੰਡਲ ਦੇ 6 ਗ੍ਰਹਿਆਂ ਨੂੰ ਇੱਕ ਸਿੱਧੀ ਲਾਈਨ ਵਿੱਚ ਦੇਖ ਸਕਣਗੇ। ਚੰਗੀ ਗੱਲ ਇਹ ਹੈ ਕਿ ਸੂਰਜ ਡੁੱਬਣ ਤੋਂ ਬਾਅਦ ਲੋਕ ਇਸ ਨੂੰ ਆਪਣੀਆਂ ਅੱਖਾਂ ਨਾਲ ਜਾਂ ਛੋਟੀ ਟੈਲੀਸਕੋਪ ਨਾਲ ਵੀ ਦੇਖ ਸਕਣਗੇ। ਇਸ ਦੇ ਲਈ ਵੱਡੇ ਟੈਲੀਸਕੋਪ ਦੀ ਲੋੜ ਨਹੀਂ ਪਵੇਗੀ। ਖਗੋਲ ਵਿਗਿਆਨੀ ਨੇ ਇਸ ਦੁਰਲੱਭ ਖਗੋਲੀ ਘਟਨਾ (parade of planets ) ਨੂੰ ਗ੍ਰਹਿਆਂ ਦੀ ਪਰੇਡ ਦੱਸਿਆ ਹੈ।
ਫਾਕਸ-4 ਦੀ ਰਿਪੋਰਟ ਮੁਤਾਬਕ 12 ਦਸੰਬਰ ਐਤਵਾਰ ਦੀ ਸ਼ਾਮ ਨੂੰ ਪਤਲਾ ਚੰਦਰਮਾ ਸ਼ੁੱਕਰ, ਸ਼ਨੀ, ਜੁਪੀਟਰ, ਨੇਪਚਿਊਨ ਅਤੇ ਯੂਰੇਨਸ ਨਾਲ ਸਿੱਧੀ ਰੇਖਾ 'ਚ ਹੋਵੇਗਾ। ਪੂਰਨਮਾਸ਼ੀ ਨਾ ਹੋਣ ਕਾਰਨ ਲੋਕ ਇਸ ਖਗੋਲੀ ਘਟਨਾ ਨੂੰ ਸਾਫ਼ ਦੇਖ ਸਕਣਗੇ। ਖਗੋਲ ਵਿਗਿਆਨੀਆਂ ਮੁਤਾਬਕ ਗ੍ਰਹਿਆਂ ਦੀ ਪਰੇਡ (parade of planets) ਲਈ 6 ਦਸੰਬਰ ਤੋਂ ਗ੍ਰਹਿਆਂ ਦੀ ਰਫ਼ਤਾਰ ਬਦਲਣੀ ਸ਼ੁਰੂ ਹੋ ਗਈ ਸੀ। ਚੰਦਰਮਾ ਪਹਿਲੀ ਵਾਰ ਸ਼ੁਕਰ ਦੇ ਨੇੜੇ ਪ੍ਰਗਟ ਹੋਇਆ ਸੀ। ਇਸ ਤੋਂ ਬਾਅਦ ਸਾਰੇ ਗ੍ਰਹਿ ਵਾਰੀ-ਵਾਰੀ ਲਾਈਨ ਵਿਚ ਆਉਂਦੇ ਰਹੇ। 10 ਦਸੰਬਰ ਨੂੰ ਚੰਦਰਮਾ, ਜੁਪੀਟਰ ਅਤੇ ਸ਼ਨੀ ਨੂੰ ਇੱਕ ਲਾਈਨ ਵਿੱਚ ਦੇਖਿਆ ਗਿਆ। ਪਿਛਲੇ ਸਾਲ ਵੀ 19 ਜੁਲਾਈ ਨੂੰ ਪੰਜ ਗ੍ਰਹਿ ਇੱਕ ਸਿੱਧੀ ਰੇਖਾ ਵਿੱਚ ਦੇਖੇ ਗਏ ਸੀ। ਫਿਰ ਬੁਧ, ਸ਼ੁੱਕਰ, ਮੰਗਲ, ਜੁਪੀਟਰ ਅਤੇ ਸ਼ਨੀ ਨੂੰ ਦੂਰਬੀਨ ਤੋਂ ਬਿਨਾਂ ਦੇਖਿਆ ਗਿਆ ਸੀ
ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਦਸੰਬਰ ਦੇ ਮਹੀਨੇ ਚੰਦਰਮਾ ਤੋਂ ਇਲਾਵਾ ਜੁਪੀਟਰ, ਸ਼ਨੀ ਅਤੇ ਸ਼ੁੱਕਰ ਵੀ ਚਮਕਦਾਰ ਨਜ਼ਰ ਆਉਣਗੇ। ਇਹ ਗ੍ਰਹਿ 28 ਦਸੰਬਰ ਤੋਂ 6 ਜਨਵਰੀ ਤੱਕ ਵੀ ਨਜ਼ਰ ਆਉਣਗੇ। 28 ਦਸੰਬਰ ਨੂੰ, ਬੁਧ ਅਤੇ ਸ਼ੁੱਕਰ ਸੂਰਜ ਡੁੱਬਣ ਤੋਂ 40 ਮਿੰਟ ਬਾਅਦ ਦੱਖਣ-ਪੱਛਮੀ ਦੂਰੀ ਤੋਂ ਉੱਪਰ ਹੋਣਗੇ। ਇਸ ਦੌਰਾਨ ਸੂਰਜੀ ਮੰਡਲ ਦੇ ਗ੍ਰਹਿ ਅਸਮਾਨ ਵਿੱਚ ਸਾਫ਼ ਨਜ਼ਰ ਆਉਣਗੇ।
ਇਹ ਵੀ ਪੜੋ: ਓਮੀਕਰੋਨ ਦਾ ਖ਼ਤਰਾ: ਮੁੰਬਈ ’ਚ ਧਾਰਾ 144 ਲਗਾਈ, ਇਕੱਠ ਕਰਨ 'ਤੇ ਰੋਕ
