ਪਲਵਲ: ਪਲਵਲ ਗੈਂਗਰੇਪ ਕੇਸ ਦੇ ਮੁੱਖ ਮੁਲਜ਼ਮ ਸਾਗਰ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਦੱਸ ਦੇਈਏ ਕਿ ਸਾਗਰ 'ਤੇ ਆਪਣੇ ਨੌਜਵਾਨ ਅਤੇ ਕੁਝ ਦੋਸਤਾਂ ਨਾਲ ਮਿਲਕੇ ਲੜਕੀ ਨਾਲ ਸਮੂਹਿਕ ਜਬਰਜਨਾਹ ਕਰਨ ਦੇ ਇਲਜ਼ਾਮ ਲੱਗੇ ਹਨ।ਦੱਸ ਦਈਏ ਕਿ ਪੀੜਤ ਲੜਕੀ ਨੇ ਇਸ ਮਾਮਲੇ ਚ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਸੀ ਅਤੇ 25 ਲੋਕਾਂ ‘ਤੇ ਸਮੂਹਿਕ ਜਬਰਜਨਾਹ ਦਾ ਇਲਜ਼ਾਮ ਲਾਇਆ ਸੀ।ਇਸ ਦੇ ਨਾਲ ਹੀ ਪੁਲਿਸ ਨੇ ਤਿੰਨ ਨਾਮਜ਼ਦ ਮੁਲਜ਼ਮਾਂ ਦੇ ਨਾਲ 22 ਮੁਲਜ਼ਮਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਸੀ। ਜਿਸ ਤੋਂ ਬਾਅਦ ਹੁਣ ਮੁੱਖ ਮੁਲਜ਼ਮ ਸਾਗਰ ਨੂੰ ਗ੍ਰਿਫਤਾਰ ਕਰ ਲਿਆ ਹੈ, ਜਦਕਿ ਬਾਕੀ ਦੇ ਮੁਲਜ਼ਮ ਅਜੇ ਪੁਲਿਸ ਦੀ ਗ੍ਰਿਫਤ ਤੋਂ ਬਾਹਰ ਹਨ।
ਹਸਨਪੁਰ ਥਾਣੇ ਦੇ ਇੰਚਾਰਜ ਰਾਜੇਸ਼ ਕੁਮਾਰ ਨੇ ਦੱਸਿਆ ਕਿ ਲੜਕੀ ਜੋ ਉੱਤਰਾਖੰਡ ਦੀ ਰਾਜਧਾਨੀ ਦੇਹਰਾਦੂਨ ਦੀ ਰਹਿਣ ਵਾਲੀ ਹੈ ਨੇ ਆਪਣੀ ਸ਼ਿਕਾਇਤ ਵਿਚ ਕਿਹਾ ਹੈ ਕਿ ਉਸ ਦੇ ਦੋਸਤ ਰਾਮਗੜ੍ਹ ਨਿਵਾਸੀ ਸਾਗਰ ਨੇ 3 ਮਈ ਨੂੰ ਉਸ ਨਾਲ ਵਿਆਹ ਕਰਵਾਉਣ ਲੈਕੇ ਆਪਣੇ ਪਰਿਵਾਰ ਨਾਲ ਮਿਲਾਉਣ ਦੇ ਲਈ ਬੁਲਾਇਆ ਸੀ। ਪੁਲਿਸ ਨੇ ਦੱਸਿਆ ਕਿ ਸਾਗਰ ਨੇ ਲੜਕੀ ਨੂੰ ਆਪਣੇ ਘਰ ਲਿਜਾਣ ਦੀ ਬਜਾਏ ਰਾਮਗੜ੍ਹ ਪਿੰਡ ਨੇੜੇ ਇੱਕ ਟਿਊਬਵੈੱਲ 'ਤੇ ਲੈ ਗਿਆ। ਜਿੱਥੇ ਸਾਗਰ ਉਸ ਦਾ ਭਰਾ ਸਮੁੰਦਰਾ ਅਤੇ ਕਈ ਨੌਜਵਾਨਾਂ ਨੇ ਉਸ ਨਾਲ ਸਮੂਹਿਕ ਜਬਰਜਨਾਹ ਕੀਤਾ।
ਪੀੜਤਾ ਨੇ ਇਲਜ਼ਾਮ ਲਗਾਇਆ ਹੈ ਕਿ ਉਸ ਨਾਲ ਰਾਤ ਭਰ ਸਮੂਹਿਕ ਬਲਾਤਕਾਰ ਹੋਇਆ। ਜਿਸ ਤੋਂ ਬਾਅਦ ਸਵੇਰੇ ਮੁਲਜ਼ਮ ਉਸ ਨੂੰ ਪਿੰਡ ਨੇੜੇ ਆਕਾਸ਼ ਨਾਮ ਦੀ ਕਬਾੜੀ ਕੋਲ ਲੈ ਗਏ। ਜਿਥੇ ਆਕਾਸ਼ ਅਤੇ ਉਸਦੇ 5 ਤੋਂ 6 ਦੋਸਤਾਂ ਨੇ ਉਸ ਨਾਲ ਸਮੂਹਿਕ ਬਲਾਤਕਾਰ ਕੀਤਾ।ਇਸ ਤੋਂ ਬਾਅਦ ਸਾਗਰ ਅਤੇ ਉਸ ਦੇ ਤਿੰਨ ਦੋਸਤ ਉਸ ਨੂੰ ਬਹਾਦਰਪੁਰ ਸਰਹੱਦ 'ਤੇ ਕਾਰ' ਚ ਛੱਡ ਕੇ ਫਰਾਰ ਹੋ ਗਏ।
ਦੇਹਰਾਦੂਨ ਦੀ ਰਹਿਣ ਵਾਲੀ ਹੈ ਲੜਕੀ
ਜਾਣਕਾਰੀ ਦੇ ਮੁਤਾਬਿਕ ਲੜਕੀ ਉਤਰਾਖੰਡ ਦੀ ਰਾਜਧਾਨੀ ਦੇਹਰਾਦੂਨ ਦੀ ਰਹਿਣ ਵਾਲੀ ਹੈ ਅਤੇ ਪਰਿਵਾਰ ਦੇ ਨਾਲ ਹੋਈ ਅਣਬਣ ਦੇ ਕਾਰਨ ਉਹ ਦਿੱਲੀ ਰਹਿ ਰਹੀ ਹੈ। ਇਸ ਦੌਰਾਨ ਉਸ ਦੀ ਫੇਸਬੁੱਕ ਰਾਹੀਂ ਮੁਲਜ਼ਮ ਸਾਗਰ ਨਾਲ ਦੋਸਤੀ ਹੋਈ।ਜਦੋਂ ਲੜਕੀ ਨੇ ਵਿਆਹ ਲਈ ਮਜਬੂਰ ਕੀਤਾ ਤਾਂ ਮੁਲਜ਼ਮ ਸਾਗਰ ਨੇ ਉਸ ਨੂੰ ਆਪਣੇ ਪਰਿਵਾਰ ਵਿੱਚ ਸ਼ਾਮਲ ਹੋਣ ਦੇ ਬਹਾਨੇ ਹੋਡਲ ਬੁਲਾਇਆ। ਜਿਥੇ ਉਸ ਨਾਲ ਇਹ ਘਿਨਾਉਣੀ ਹਰਕਤ ਕੀਤੀ ਗਈ । ਫਿਲਹਾਲ 12 ਮਈ ਦੀ ਦੇਰ ਰਾਤ ਨੂੰ ਹਸਨਪੁਰ ਪੁਲਿਸ ਨੇ ਸਾਗਰ, ਸਮੁੰਦਰ ਅਤੇ ਅਕਾਸ਼ ਸਮੇਤ 22 ਹੋਰ ਨੌਜਵਾਨਾਂ ਖਿਲਾਫ਼ ਅਗਵਾ ਕਰਨ ਅਤੇ ਸਮੂਹਕ ਬਲਾਤਕਾਰ ਦਾ ਕੇਸ ਦਰਜ ਕੀਤਾ ਸੀ ਅਤੇ ਹੁਣ ਇਸ ਕੇਸ ਦੇ ਮੁੱਖ ਮੁਲਜ਼ਮ ਸਾਗਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਇਹ ਵੀ ਪੜੋ:ਖੌਫ਼ਨਾਕ! ਖੇਡ-ਖੇਡ ’ਚ ਬੱਚੇ ਦੇ ਮੂੰਹ ’ਤੇ ਸੈਨੀਟਾਈਜ਼ਰ ਲਗਾ ਕੇ ਲਾਈ ਅੱਗ
