ਨਵੀਂ ਦਿੱਲੀ: ਐਪਲ ਦੇ ਆਈਫੋਨ 14 (iPhone 14 Pro Max) ਦੀ ਡਮੀ ਸੋਸ਼ਲ ਮੀਡੀਆ (Dummy social media) 'ਤੇ ਪਹਿਲਾਂ ਹੀ ਧੂਮ ਮਚਾ ਰਹੀ ਹੈ। ਇਸ ਦੇ ਨਾਲ ਹੀ ਇਸ ਸਾਲ ਸਤੰਬਰ 'ਚ ਕੰਪਨੀ ਦੇ ਸਪੈਸ਼ਲ ਸਾਲਾਨਾ ਈਵੈਂਟ 'ਚ ਇਸ ਨੂੰ ਲਾਂਚ ਕਰਨ ਜਾ ਰਹੀ ਹੈ। GSM Arena ਅਤੇ 91 Mobiles ਦੇ ਅਨੁਸਾਰ, ਲਾਈਨਅੱਪ ਵਿੱਚ ਚਾਰ ਮਾਡਲ ਸ਼ਾਮਲ ਹੋ ਸਕਦੇ ਹਨ, ਜਿਸ ਵਿੱਚ ਬੇਸ iPhone 14, iPhone 14 Pro, iPhone 14 Pro Max ਅਤੇ ਇੱਕ ਨਵਾਂ iPhone 14 Max ਵੇਰੀਐਂਟ ਸ਼ਾਮਲ ਹੈ।
ਅਜਿਹੀਆਂ ਖਬਰਾਂ ਆਈਆਂ ਹਨ ਕਿ ਐਪਲ ਆਖਿਰਕਾਰ ਪ੍ਰੋ ਮਾਡਲ ਦੇ ਡਿਜ਼ਾਈਨ ਨੂੰ ਅਪਡੇਟ ਕਰਨ ਜਾ ਰਿਹਾ ਹੈ। ਆਈਫੋਨ 14 ਪ੍ਰੋ ਮੈਕਸ (iPhone 14 Pro Max) ਦੀ ਇੱਕ ਡਮੀ ਯੂਨਿਟ ਡੁਆਨ ਰੁਈ ਦੁਆਰਾ ਇੱਕ ਵਾਇਰਲ ਟਵੀਟ ਵਿੱਚ ਸਾਹਮਣੇ ਆਈ ਹੈ। ਤੁਹਾਨੂੰ ਦੱਸ ਦਈਏ ਕਿ ਆਮ ਤੌਰ 'ਤੇ ਥਰਡ ਪਾਰਟੀ ਕੇਸ ਮੇਕਰਸ ਦੁਆਰਾ ਲਾਂਚ ਤੋਂ ਪਹਿਲਾਂ ਸਟਾਕ ਨੂੰ ਰਿਜ਼ਰਵ ਵਿੱਚ ਰੱਖਣ ਲਈ ਡਮੀ ਯੂਨਿਟ ਬਣਾਏ ਜਾਂਦੇ ਹਨ। ਆਈਫੋਨ 14 ਪ੍ਰੋ ਮੈਕਸ ਦੀ ਇੱਕ ਅਜਿਹੀ ਹੀ ਡਮੀ ਯੂਨਿਟ ਨੇ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਅਤੇ ਪਿਛਲੇ ਪੈਨਲ ਦੇ ਡਿਜ਼ਾਈਨ ਅਤੇ ਇਸ ਵਿੱਚ ਕੀ ਬਦਲਾਅ ਕੀਤੇ ਗਏ ਹਨ, ਬਾਰੇ ਖੁਲਾਸਾ ਕੀਤਾ ਹੈ।
ਆਈਫੋਨ ਮਾਡਲ ਦੇ ਮੈਟਲਿਕ ਡਮੀ ਮਾਡਲ ਦੀਆਂ ਦੋ ਤਸਵੀਰਾਂ ਸ਼ੇਅਰ ਕੀਤੀਆਂ ਗਈਆਂ ਹਨ। ਇਸ ਦੇ ਫਰੰਟ ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ ਆਈਫੋਨ 14 ਪ੍ਰੋ ਮੈਕਸ ਮਾਡਲ ਦੇ ਫਰੰਟ 'ਤੇ ਪੰਚ ਹੋਲ ਕੱਟਆਊਟ ਦੇ ਨਾਲ ਸੇਟਰ 'ਚ ਪਿਲ ਸ਼ੇਪ ਕੱਟਆਊਟ ਹੈ। ਦੋ ਕੱਟਆਉਟ ਜ਼ਾਹਰ ਤੌਰ 'ਤੇ ਸਾਹਮਣੇ ਵਾਲੇ ਕੈਮਰੇ ਦੇ ਨਾਲ-ਨਾਲ ਇਸਦੀ ਫੇਸ ਆਈਡੀ ਤਕਨਾਲੋਜੀ ਲਈ ਲੋੜੀਂਦੇ ਸੈਂਸਰ ਲਈ ਹਨ।
ਬੈਕ ਪੈਨਲ ਡਿਜ਼ਾਈਨ ਵਿੱਚ ਡਮੀ ਮਾਡਲ ਦੇ ਉੱਪਰਲੇ ਖੱਬੇ ਕੋਨੇ 'ਤੇ ਇੱਕ ਵੱਡੇ ਕੈਮਰਾ ਮੋਡੀਊਲ ਦਾ ਸਮਰਥਨ ਕਰਦਾ ਹੈ। ਇਨ੍ਹਾਂ ਤਸਵੀਰਾਂ ਤੋਂ ਅਸੀਂ ਦੱਸ ਸਕਦੇ ਹਾਂ ਕਿ ਕੈਮਰਾ ਮੋਡਿਊਲ ਪਿਛਲੀ ਪੀੜ੍ਹੀ ਦੇ ਆਈਫੋਨ 13 ਪ੍ਰੋ ਮੈਕਸ ਤੋਂ ਵੱਡਾ ਹੈ, ਜੋ ਸਾਡੀ ਪਿਛਲੀ ਰਿਪੋਰਟ ਦੇ ਮੁਤਾਬਕ ਹੈ। ਇਸ ਤੋਂ ਇਲਾਵਾ, ਕੈਮਰਾ ਮੋਡਿਊਲ ਵਿੱਚ ਤਿੰਨ ਮੁੱਖ ਚਿੱਤਰ ਸੈਂਸਰ ਅਤੇ ਇੱਕ LED ਫਲੈਸ਼ ਹੈ। ਹਾਲਾਂਕਿ, ਇਸ ਮੋਡੀਊਲ ਦੇ ਇੱਕ ToF 3D LiDAR ਸੈਂਸਰ ਨਾਲ ਲੈਸ ਹੋਣ ਦੀ ਵੀ ਉਮੀਦ ਹੈ।
ਇਹ ਵੀ ਪੜ੍ਹੋ:ਪੂਰਬੀ ਲੱਦਾਖ ਵਿਵਾਦ: ਭਾਰਤ-ਚੀਨ ਫੌਜੀ ਵਾਰਤਾ ਦਾ 16ਵਾਂ ਦੌਰ ਸ਼ੁਰੂ ਹੋਇਆ
