ਵਾਰਾਣਸੀ : ਧਰਮਨਗਰੀ ਕਾਸ਼ੀ 'ਚ ਇਨ੍ਹੀਂ ਦਿਨੀਂ ਕਚੌੜੀ ਗਲੀ ਭਾਵ ਪ੍ਰਕਾਸ਼ ਬਾਜ਼ਾਰ ਦੀ ਗਲੀ ਦੇ ਕਾਰੋਬਾਰੀ ਕਾਫੀ ਵਿਅਸਤ ਹਨ। ਇਸ ਦਾ ਕਾਰਨ ਲਾਊਡਸਪੀਕਰ ਵਿਵਾਦ ਹੈ। ਭਾਵੇਂ ਇਹ ਵਿਵਾਦ ਹੁਣ ਖ਼ਤਮ ਹੋ ਗਿਆ ਹੈ ਪਰ ਇਸ ਕਾਰਨ ਇੱਥੇ ਕਾਰੋਬਾਰ ਜ਼ੋਰ ਫੜ ਗਿਆ ਹੈ। ਪੂਰਵਾਂਚਲ ਦਾ ਇਹ ਸਭ ਤੋਂ ਵੱਡਾ ਪ੍ਰਕਾਸ਼ਨ ਬਾਜ਼ਾਰ ਧਾਰਮਿਕ ਪੁਸਤਕਾਂ ਲਈ ਮਸ਼ਹੂਰ ਹੈ। ਜੇ ਇੱਥੋਂ ਦੇ ਕਾਰੋਬਾਰੀਆਂ ਦੀ ਮੰਨੀਏ ਤਾਂ ਅੱਜਕਲ ਉਨ੍ਹਾਂ ਦੀਆਂ ਦੁਕਾਨਾਂ 'ਤੇ ਹਨੂੰਮਾਨ ਚਾਲੀਸਾ ਦੀ ਕਾਫੀ ਮੰਗ ਹੈ। ਇਸ ਮੰਗ ਵਿਚ ਹੈਰਾਨੀਜਨਕ ਵਾਧਾ ਹੋਇਆ ਹੈ। ਇਸ ਥੋਕ ਬਾਜ਼ਾਰ 'ਚ ਆਉਣ ਵਾਲੇ ਗਾਹਕ ਹੁਣ ਵੱਡੀ ਗਿਣਤੀ 'ਚ ਹਨੂੰਮਾਨ ਚਾਲੀਸਾ ਖਰੀਦ ਰਹੇ ਹਨ। ਇੱਕ ਮਹੀਨੇ ਵਿੱਚ ਇਸਦੀ ਮੰਗ ਲਗਪਗ ਦੁੱਗਣੀ ਹੋ ਗਈ ਹੈ।
ਵਾਰਾਣਸੀ ਦੇ ਚੌਕ ਇਲਾਕੇ ਦੀ ਕਚੌੜੀ ਗਲੀ, ਜਿਸ ਨੂੰ ਪ੍ਰਕਾਸ਼ ਬਾਜ਼ਾਰ ਦੀ ਮੰਡੀ ਵੀ ਕਿਹਾ ਜਾਂਦਾ ਹੈ, ਵਿਚ ਵੱਖ-ਵੱਖ ਪ੍ਰਕਾਸ਼ਨਾਂ ਦੀਆਂ ਧਾਰਮਿਕ ਪੁਸਤਕਾਂ ਮੌਜੂਦ ਹਨ। ਇਹ ਕਿਤਾਬਾਂ ਪੂਰਵਾਂਚਲ ਦੇ ਬਾਜ਼ਾਰਾਂ ਵਿੱਚ ਸਪਲਾਈ ਕੀਤੀਆਂ ਜਾਂਦੀਆਂ ਹਨ। ਵਪਾਰੀਆਂ ਅਨੁਸਾਰ ਆਮ ਦਿਨਾਂ 'ਚ ਜਿੱਥੇ ਹਨੂੰਮਾਨ ਚਾਲੀਸਾ 20 ਤੋਂ 25 ਹਜ਼ਾਰ ਤੱਕ ਬਾਜ਼ਾਰ 'ਚ ਵਿਕਦੀ ਸੀ, ਉੱਥੇ ਹੀ ਪਿਛਲੇ ਮਹੀਨੇ ਤੋਂ ਇਹ ਅੰਕੜਾ ਦੁੱਗਣਾ ਹੋ ਕੇ 50 ਹਜ਼ਾਰ ਤੱਕ ਪਹੁੰਚ ਗਿਆ ਹੈ| ਇਸ ਹੋਲਸੇਲ ਬਜ਼ਾਰ ਤੋਂ ਇੱਕ ਵਾਰ 600-700 ਹਨੂੰਮਾਨ ਚਾਲੀਸਾ ਖਰੀਦਣ ਵਾਲੇ ਗਾਹਕ ਹੁਣ ਪੰਜ ਹਜ਼ਾਰ ਹਨੂੰਮਾਨ ਚਾਲੀਸਾ ਮੰਗਵਾ ਰਹੇ ਹਨ। ਇੰਨੀ ਵੱਡੀ ਗਿਣਤੀ 'ਚ ਹਨੂੰਮਾਨ ਚਾਲੀਸਾ ਦੀ ਖਰੀਦ ਦੇ ਪਿੱਛੇ ਕਈ ਕਾਰਨ ਦੱਸੇ ਜਾ ਰਹੇ ਹਨ। ਕੁਝ ਇਨ੍ਹਾਂ ਨੂੰ ਮੰਦਰਾਂ ਵਿਚ ਰੱਖਣ ਲਈ ਖਰੀਦ ਰਹੇ ਹਨ ਅਤੇ ਕੁਝ ਵੰਡਣ ਲਈ।
ਜੌਨਪੁਰ ਤੋਂ ਖਰੀਦਦਾਰੀ ਕਰਨ ਆਏ ਗਾਹਕ ਨੇ ਦੱਸਿਆ ਕਿ ਪਹਿਲਾਂ ਉਹ ਪੰਜ ਸੌ ਹਨੂੰਮਾਨ ਚਾਲੀਸਾ ਖਰੀਦਦਾ ਸੀ ਪਰ ਹੁਣ 3000 ਕਾਪੀਆਂ ਖਰੀਦਣ ਆਇਆ ਹੈ। ਇੱਕ ਮਹੀਨੇ ਵਿੱਚ ਮੰਗ ਬਹੁਤ ਵਧ ਗਈ ਹੈ। ਹੁਣ ਹਰ 10-12 ਦਿਨਾਂ ਬਾਅਦ ਇਸ ਮੰਡੀ ਦਾ ਚੱਕਰ ਲਗਾਉਣਾ ਪੈਂਦਾ ਹੈ।
ਚਾਹੇ ਲਾਊਡਸਪੀਕਰ ਦਾ ਵਿਵਾਦ ਭਾਵੇਂ ਹੁਣ ਠੰਢਾ ਪੈ ਗਿਆ ਹੈ ਪਰ ਇਸ ਕਾਰਨ ਹਨੂੰਮਾਨ ਚਾਲੀਸਾ ਦੀ ਵੱਧਦੀ ਮੰਗ ਨੇ ਇੱਥੋਂ ਦੇ ਕਾਰੋਬਾਰੀਆਂ ਦੇ ਚਿਹਰਿਆਂ ਉੱਤੇ ਖੁਸ਼ੀ ਦਾ ਰੰਗ ਚੜ੍ਹਾ ਦਿੱਤਾ ਹੈ। ਇਸ ਵਿਵਾਦ ਦਾ ਇੱਥੋਂ ਦੇ ਕਾਰੋਬਾਰ 'ਤੇ ਹਾਂ-ਪੱਖੀ ਅਸਰ ਪਿਆ ਹੈ।
ਇਹ ਵੀ ਪੜ੍ਹੋ : ਦੀਵਾਨਗੀ ਐਸੀ ਕਿ ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਦਾ ਜਨਮਦਿਨ ਹਰ ਸਾਲ ਮਨਾ ਰਿਹੈ ਚੰਨਾ ਚੂੜੇਵਾਲਾ
