ਨਵੀਂ ਦਿੱਲੀ: ਦਿੱਲੀ ਦੇ ਇੱਕ ਸੈਸ਼ਨ ਕੋਰਟ ਨੇ ਜਾਮੀਆ ਮਿਲੀਆ ਇਸਲਾਮੀਆ ਦੇ ਵਿਦਿਆਰਥੀ ਆਸਿਫ ਇਕਬਾਲ ਤਨਹਾ ਦੀ ਜ਼ਮਾਨਤ ਪਟੀਸ਼ਨ ਨੂੰ ਖਾਰਜ ਕਰ ਦਿੱਤਾ ਹੈ, ਜਿਸ ਨੂੰ ਫਰਵਰੀ ਵਿੱਚ ਉੱਤਰ-ਪੂਰਬੀ ਦਿੱਲੀ ਵਿੱਚ ਹਿੰਸਾ ਦੀ ਸਾਜਿਸ਼ ਰਚਣ ਦੇ ਦੋਸ਼ 'ਚ ਯੂਏਪੀਏ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
ਉਨ੍ਹਾਂ ਦੇ ਵਕੀਲ ਨੇ ਅਦਾਲਤ ਨੂੰ ਦੱਸਿਆ ਕਿ ਪਟੀਸ਼ਨਰ ਸਖ਼ਤ ਗੈਰਕਾਨੂੰਨੀ ਗਤੀਵਿਧੀ (ਰੋਕਥਾਮ) ਐਕਟ ਤਹਿਤ ਕਿਸੇ ਵੀ ਚਾਲ-ਚਲਣ ਵਿੱਚ ਸ਼ਾਮਲ ਨਹੀਂ ਸੀ ਜਾਂ ਸਜਾ ਯੋਗ ਕੰਮ ਨਹੀਂ ਕਰ ਰਿਹਾ ਸੀ ਜਦੋਂਕਿ ਸਰਕਾਰੀ ਵਕੀਲ ਨੇ ਦਾਅਵਾ ਕੀਤਾ ਕਿ ਯੂਏਪੀਏ ਦੀ ਵਿਵਸਥਾ ਲਾਗੂ ਸੀ ਅਤੇ ਉਸ ਦੇ ਵਿਰੁੱਧ ਮੁੱਕਦਮਾ ਕੇਸ ਬਣਾਇਆ ਗਿਆ ਸੀ।
ਇਸ ਪਟੀਸ਼ਨ ਨੂੰ ਖਾਰਜ ਕਰਦਿਆਂ ਵਧੀਕ ਜ਼ਿਲ੍ਹਾ ਤੇ ਸੈਸ਼ਨ ਜੱਜ ਅਮਿਤਾਭ ਰਾਵਤ ਨੇ ਕਿਹਾ ਕਿ ਇਹ ਮੰਨਣ ਦੇ ਵਾਜਬ ਆਧਾਰ ਹਨ ਕਿ ਤਨਹਾ 'ਤੇ ਲੱਗੇ 'ਮੁੱਢਲੇ ਦੋਸ਼ ਸੱਚ ਹਨ '।
ਤਨਹਾ ਦੇ ਵਕੀਲ ਸਿਧਾਰਥ ਅਗਰਵਾਲ ਨੇ ਅਦਾਲਤ ਨੂੰ ਦੱਸਿਆ ਕਿ ਦੰਗਿਆਂ ਵਿੱਚ ਤਨਹਾ ਦੀ ਭੂਮਿਕਾ ਬਾਰੇ ਤਿੰਨ ਗਵਾਹਾਂ ਦੇ ਬਿਆਨ ਝੂਠੇ ਸਨ, ਪਰ ਅਦਾਲਤ ਨੇ ਕਿਹਾ ਕਿ ਬਿਆਨਾਂ ਨੂੰ ਉਨ੍ਹਾਂ ਦੇ ਫੇਸ ਵੈਲਊ 'ਤੇ ਲਿਆ ਜਾਣਾ ਸੀ, ਹਾਲਾਂਕਿ ਉਨ੍ਹਾਂ ਦੇ ਸੱਚ ਦੀ ਜਾਂਚ ਮੁਕਦਮੇ ਦੇ ਬਾਅਦ ਦੇ ਪੜਾਅ 'ਚ ਕੀਤਾ ਜਾਵੇਗਾ।
