ਨਵੀਂ ਦਿੱਲੀ: ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਬੁਨਿਆਦੀ ਢਾਂਚਾ ਕੰਪਨੀ ਈਰਾ ਇੰਫਰਾ ਇੰਜੀਨੀਅਰਿੰਗ ਲਿਮਟਿਡ ਖਿਲਾਫ ਕਥਿਤ ਬੈਂਕ ਧੋਖਾਧੜੀ ਨਾਲ ਸਬੰਧਿਤ ਮਨੀ ਲਾਂਡਰਿੰਗ ਦੀ ਜਾਂਚ ਦੇ ਤਹਿਤ ਦਿੱਲੀ ਦੇ ਡੀਐਮਆਰਸੀ ਦੇ ਅਹਾਤੇ ਵਿੱਚ ਰੱਖੀਆਂ ਸੁਰੰਗ ਬਣਾਉਣ ਵਾਲੀਆਂ 2 ਮਸ਼ੀਨਾਂ ਜ਼ਬਤ ਕੀਤੀਆਂ ਹਨ।
ਕੇਂਦਰੀ ਜਾਂਚ ਏਜੰਸੀ ਨੇ ਬੁੱਧਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਈਰਾ ਇੰਫਰਾ ਇੰਜੀਨੀਅਰਿੰਗ ਲਿਮਟਿਡ 33.71 ਕਰੋੜ ਰੁਪਏ ਦੀ ਜਾਇਦਾਦ ਦੀ ਕੁਰਕੀ ਲਈ ਅਸਥਾਈ ਆਰਡਰ, ਮਨੀ ਲਾਂਡਰਿੰਗ ਰੋਕੂ ਐਕਟ (ਪੀਐਮਐਲਏ) ਤਹਿਤ ਜਾਰੀ ਕੀਤਾ ਗਿਆ।
ਈਡੀ ਨੇ ਕਿਹਾ, "ਜ਼ਬਤ ਜਾਇਦਾਦਾਂ ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ ਦੇ ਮੁੰਡਕਾ ਕੈਂਪਸ ਵਿੱਚ ਰੱਖੀਆਂ ਗਈਆਂ 2 ਟਨਲ ਮਸ਼ੀਨਾਂ ਹਨ। ਇਨ੍ਹਾਂ ਦੀ ਕੀਮਤ ਕ੍ਰਮਵਾਰ 18.31 ਕਰੋੜ ਰੁਪਏ ਅਤੇ 15.40 ਕਰੋੜ ਰੁਪਏ ਹੈ। ਇਹ ਦੋਵੇਂ ਮਸ਼ੀਨਾਂ ਈਰਾ ਇੰਫਰਾ ਇੰਜੀਨੀਅਰਿੰਗ ਲਿਮਟਿਡ ਦੀਆਂ ਹਨ।"
ਜਾਂਚ ਏਜੰਸੀ ਨੇ ਕੰਪਨੀ ਅਤੇ ਇਸ ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਰਦੇਸ਼ਕ ਹੇਮ ਸਿੰਘ ਭੜਾਨਾ, ਅਣਪਛਾਤੇ ਬੈਂਕ ਅਧਿਕਾਰੀਆਂ, ਕੁਝ ਹੋਰਾਂ ਖਿਲਾਫ ਮਨੀ ਲਾਂਡਰਿੰਗ ਦਾ ਕੇਸ ਦਰਜ ਕੀਤਾ ਹੈ। ਇਹ ਕੇਸ ਅਪ੍ਰੈਲ 2018 ਵਿਚ ਦਰਜ ਸੀਬੀਆਈ ਦੀ ਐਫਆਈਆਰ ਨੂੰ ਵੇਖਣ ਤੋਂ ਬਾਅਦ ਦਰਜ ਕੀਤਾ ਗਿਆ।
ਦੋ ਕੇਂਦਰੀ ਜਾਂਚ ਏਜੰਸੀਆਂ ਕਰਜ਼ਾ ਪ੍ਰਵਾਨਗੀ, ਵੰਡ ਅਤੇ ਯੂਕੋ ਬੈਂਕ ਦੁਆਰਾ ਜਾਰੀ ਕੀਤੇ 650 ਕਰੋੜ ਰੁਪਏ ਦੇ ਦੋ ਕਰਜ਼ਿਆਂ ਦੇ ਮਾਮਲੇ ਨੂੰ ਭੜਾਨਾ ਅਤੇ 2 ਹੋਰਨਾਂ ਵੱਲੋਂ ਅਪਰਾਧਿਕ ਸਾਜ਼ਿਸ਼, ਧੋਖਾਧੜੀ, ਜਾਲਸਾਜ਼ੀ ਅਤੇ ਜਾਅਲੀ ਦਸਤਾਵੇਜ਼ਾਂ ਦੀ ਵਰਤੋਂ ਅਤੇ ਵਿਵਹਾਰ ਨੂੰ ਲੈ ਕੇ ਕੰਪਨੀ ਉਸ ਦੇ ਪ੍ਰਮੋਟਰ ਅਤੇ ਹੋਰਾਂ ਖਿਲਾਫ ਜਾਂਚ ਕਰ ਰਹੀ ਹੈ।
ਇਨਫੋਰਸਮੈਂਟ ਡਾਇਰੈਕਟੋਰੇਟ ਦੇ ਅਨੁਸਾਰ, ਜਿਸ ਅਧਾਰ 'ਤੇ ਕਰਜ਼ਾ ਪ੍ਰਵਾਨ ਕੀਤਾ ਗਿਆ ਸੀ, ਉਸ ਉਦੇਸ਼ ਲਈ ਰਕਮ ਦੀ ਵਰਤੋਂ ਨਹੀਂ ਕੀਤੀ ਗਈ ਸੀ। ਕੰਪਨੀ ਦਾ ਦੋਸ਼ ਹੈ ਕਿ 650 ਕਰੋੜ ਰੁਪਏ ਦੇ ਕੁੱਲ ਕਰਜ਼ੇ ਵਿਚੋਂ 250.7 ਕਰੋੜ ਰੁਪਏ ਦੀ ਵਰਤੋਂ ਕੀਤੀ ਹੈ। ਇਸ ਤੋਂ ਪਹਿਲਾਂ ਈਡੀ ਨੇ ਕੰਪਨੀ ਦੀ 5.72 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ ਸੀ।
