ਅੰਬਾਲਾ (ਹਰਿਆਣਾ): ਸਰਬਜੋਤ ਸਿੰਘ ਨੇ ਆਪਣੀ ਸਾਥੀ ਮਨੂ ਭਾਕਰ ਨਾਲ ਮਿਲ ਕੇ ਪੈਰਿਸ ਓਲੰਪਿਕ 2024 'ਚ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਦਾ ਕਾਂਸੀ ਦਾ ਤਗਮਾ ਜਿੱਤ ਕੇ ਦੇਸ਼ ਲਈ ਤੀਜਾ ਓਲੰਪਿਕ ਤਮਗਾ ਜਿੱਤਿਆ ਹੈ। ਸਰਬਜੋਤ ਦਾ ਇਹ ਪਹਿਲਾਂ ਓਲੰਪਿਕ ਤਮਗਾ ਸੀ। ਹੁਣ ਉਸਦਾ ਅਗਲਾ ਨਿਸ਼ਾਨਾ ਲਾਸ ਏਂਜਲਸ 2028 ਵਿੱਚ ਦੇਸ਼ ਲਈ ਸੋਨ ਤਮਗਾ ਜਿੱਤਣਾ ਹੈ।
ਮੈਡਲ ਜਿੱਤਣ ਤੋਂ ਬਾਅਦ ਸਰਬਜੋਤ ਸਿੰਘ ਆਪਣੇ ਪਿੰਡ ਪਹੁੰਚਿਆ, ਜਿੱਥੇ ਪਿੰਡ ਵਾਸੀਆਂ ਨੇ ਫੁੱਲਾਂ ਦੇ ਹਾਰ ਪਾ ਕੇ ਉਸ ਦਾ ਸ਼ਾਨਦਾਰ ਸਵਾਗਤ ਕੀਤਾ। ਸਰਬਜੋਤ ਨੇ ਅੰਬਾਲਾ ਸਥਿਤ ਆਪਣੇ ਘਰ ਪਹੁੰਚਣ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਸ ਨੇ ਖੇਡ ਵਿੱਚ ਦਬਾਅ ਨਹੀਂ ਲਿਆ ਅਤੇ ਬਿਨਾਂ ਦਬਾਅ ਦੇ ਖੇਡਿਆ। ਹੁਣ ਉਸ ਦਾ ਟੀਚਾ ਅਗਲੇ ਓਲੰਪਿਕ 'ਚ ਸੋਨ ਤਮਗਾ ਲਿਆਉਣ ਦਾ ਹੈ। ਉਹ ਹੋਰ ਖਿਡਾਰੀਆਂ ਨੂੰ ਪ੍ਰੇਰਿਤ ਅਤੇ ਸਮਰਥਨ ਕਰੇਗਾ ਤਾਂ ਜੋ ਉਹ ਭਵਿੱਖ ਵਿੱਚ ਦੇਸ਼ ਲਈ ਤਗਮੇ ਜਿੱਤ ਸਕਣ।
𝗔𝗡𝗢𝗧𝗛𝗘𝗥 𝗕𝗥𝗢𝗡𝗭𝗘 𝗙𝗢𝗥 𝗜𝗡𝗗𝗜𝗔! 🥹🥉🙌🏻
— JioCinema (@JioCinema) July 30, 2024
India secures its second medal at Paris, and Manu Bhaker clinches her second medal too! 💙💙https://t.co/iUm7ClTL2s#OlympicsOnJioCinema #OlympicsOnSports18 #JioCinemaSports #Cheer4Bharat #Paris2024 pic.twitter.com/fi31LjD1ww
ਸਰਬਜੋਤ ਦੇ ਕੋਚ ਅਭਿਸ਼ੇਕ ਰਾਣਾ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸਰਬਜੋਤ ਦਾ ਸਫ਼ਰ ਮੁਸ਼ਕਲਾਂ ਭਰਿਆ ਰਿਹਾ ਹੈ। ਉਸ ਨੇ ਬਹੁਤ ਮਿਹਨਤ ਕੀਤੀ ਹੈ। ਸਰਕਾਰ ਨੇ ਵੀ ਪੂਰਾ ਸਹਿਯੋਗ ਦਿੱਤਾ ਹੈ। ਸਾਈ ਅਤੇ ਸਾਡੀ ਫੈਡਰੇਸ਼ਨ ਨੇ ਉਸਦੀਆਂ ਸਾਰੀਆਂ ਲੋੜਾਂ ਪੂਰੀਆਂ ਕੀਤੀਆਂ। ਜੋ ਚੀਜ਼ਾਂ ਮੈਂ ਇੱਕ ਖਿਡਾਰੀ ਦੇ ਤੌਰ 'ਤੇ ਹਾਸਲ ਨਹੀਂ ਕੀਤੀਆਂ ਸਨ, ਉਹ ਮੈਂ ਸਰਬਜੋਤ ਰਾਹੀਂ ਹਾਸਲ ਕਰਨਾ ਚਾਹੁੰਦਾ ਹਾਂ ਕਿਉਂਕਿ ਕਿਤੇ ਨਾ ਕਿਤੇ ਮੈਨੂੰ ਉਸ ਵਿੱਚ ਆਪਣਾ ਪ੍ਰਤੀਬਿੰਬ ਨਜ਼ਰ ਆਉਂਦਾ ਹੈ। ਸਰਕਾਰ ਨੂੰ ਹਰਿਆਣਾ ਵਿੱਚ ਵਧੀਆ ਸ਼ੂਟਿੰਗ ਰੇਂਜ ਬਣਾਉਣੀ ਚਾਹੀਦੀ ਹੈ, ਕਿਉਂਕਿ ਬਹੁਤ ਸਾਰੇ ਖਿਡਾਰੀਆਂ ਨੂੰ ਸਿਖਲਾਈ ਲਈ ਹੋਰ ਥਾਵਾਂ 'ਤੇ ਜਾਣਾ ਪੈਂਦਾ ਹੈ।
Our shooters continue to make us proud!
— Narendra Modi (@narendramodi) July 30, 2024
Congratulations to @realmanubhaker and Sarabjot Singh for winning the Bronze medal in the 10m Air Pistol Mixed Team event at the #Olympics. Both of them have shown great skills and teamwork. India is incredibly delighted.
For Manu, this… pic.twitter.com/loUsQjnLbN
ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਕਾਂਸੀ ਦਾ ਤਗਮਾ ਜਿੱਤਣ ਤੋਂ ਬਾਅਦ 22 ਸਾਲਾਂ ਸਰਬਜੋਤ ਸਿੰਘ ਨੇ ਪੈਰਿਸ ਵਿੱਚ ਆਈਏਐਨਐਸ ਟੀਮ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਦੱਸਿਆ ਕਿ ਪੈਰਿਸ ਓਲੰਪਿਕ ਵਿੱਚ ਤਮਗਾ ਜਿੱਤ ਕੇ ਉਸ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ। ਉਸ ਨੇ ਤਮਗਾ ਜਿੱਤਿਆ, ਹਾਲਾਂਕਿ ਉਹ ਆਪਣੇ ਮੈਚ ਤੋਂ ਬਹੁਤ ਸੰਤੁਸ਼ਟ ਨਹੀਂ ਹੈ।
BREAKING: India WIN Bronze medal 🔥🔥🔥
— India_AllSports (@India_AllSports) July 30, 2024
Manu Bhaker & Sarabjot Singh beat Korean pair 16-10 in 10m Air Pistol Mixed team event to win India's 2nd medal in Paris. #Paris2024 #Paris2024withIAS pic.twitter.com/G2XcZRgpoN
ਸਰਬਜੋਤ ਨੇ ਕਿਹਾ, 'ਇਸ ਮੈਡਲ ਲਈ ਮੇਰਾ ਸਫ਼ਰ 8 ਸਾਲਾਂ ਤੋਂ ਚੱਲ ਰਿਹਾ ਸੀ। ਤਮਗਾ ਜਿੱਤਣਾ ਮੇਰੇ ਲਈ ਚੰਗਾ ਰਿਹਾ, ਪਰ ਮੈਂ ਮੈਚ ਤੋਂ ਸੰਤੁਸ਼ਟ ਨਹੀਂ ਹਾਂ ਕਿਉਂਕਿ ਮੈਨੂੰ ਤਕਨੀਕੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ। ਮੈਂ 2028 ਓਲੰਪਿਕ ਵਿੱਚ ਇਸ ਤੋਂ ਬਿਹਤਰ ਪ੍ਰਦਰਸ਼ਨ ਕਰਾਂਗਾ। ਗਗਨ ਨਾਰੰਗ ਦਾ ਕਾਂਸੀ ਦਾ ਤਗਮਾ ਵੀ ਇਸ ਦਿਨ ਆਇਆ ਸੀ ਅਤੇ ਮੈਂ ਵੀ ਇਸ ਦਿਨ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਮੈਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ, ਜਿਵੇਂ ਕਿ ਮਾਨਸਿਕ ਤੌਰ 'ਤੇ ਦਬਾਅ ਨੂੰ ਕਿਵੇਂ ਸੰਭਾਲਣਾ ਹੈ।'
