ਨਵੀਂ ਦਿੱਲੀ: ਇੰਡੀਅਨ ਪ੍ਰੀਮੀਅਰ ਲੀਗ (IPL) 2025 ਦੀ ਮੈਗਾ ਨਿਲਾਮੀ ਨੂੰ ਲੈ ਕੇ ਕ੍ਰਿਕਟ ਪ੍ਰਸ਼ੰਸਕਾਂ ਵਿੱਚ ਚਰਚਾ ਤੇਜ਼ ਹੋ ਗਈ ਹੈ। ਇਨ੍ਹੀਂ ਦਿਨੀਂ ਸਾਰੇ ਪ੍ਰਸ਼ੰਸਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਉਨ੍ਹਾਂ ਦੇ ਪਸੰਦੀਦਾ ਕ੍ਰਿਕਟਰ ਨੂੰ ਕਿਹੜੀ ਟੀਮ ਕਿੰਨੇ ਪੈਸਿਆਂ 'ਤੇ ਖਰੀਦੇਗੀ। ਅਜਿਹੇ ਵਿੱਚ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। ਆਈਪੀਐਲ ਵਿੱਚ ਸਭ ਤੋਂ ਵੱਧ 2 ਕਰੋੜ ਰੁਪਏ ਦੀ ਬੇਸ ਪ੍ਰਾਈਸ ਵਾਲੇ ਭਾਰਤੀ ਅਤੇ ਵਿਦੇਸ਼ੀ ਖਿਡਾਰੀਆਂ ਦੀ ਸੂਚੀ ਸਾਹਮਣੇ ਆਈ ਹੈ।
ਭਾਰਤੀ ਖਿਡਾਰੀ ਜਿਨ੍ਹਾਂ ਦਾ ਬੇਸ ਪ੍ਰਾਈਸ 2 ਕਰੋੜ
ਈਐਸਪੀਐਨ ਕ੍ਰਿਕਇੰਫੋ ਦੀ ਰਿਪੋਰਟ ਮੁਤਾਬਕ ਭਾਰਤੀ ਖਿਡਾਰੀ ਜਿਨ੍ਹਾਂ ਦੀ ਕੀਮਤ 2 ਕਰੋੜ ਰੁਪਏ ਹੈ। ਇਨ੍ਹਾਂ ਵਿੱਚ ਕੇਐਲ ਰਾਹੁਲ, ਰਿਸ਼ਭ ਪੰਤ, ਸ਼੍ਰੇਅਸ ਅਈਅਰ, ਈਸ਼ਾਨ ਕਿਸ਼ਨ, ਦੇਵਦੱਤ ਪਡਿਕਲ, ਟੀ. ਨਟਰਾਜਨ, ਕਰੁਣਾਲ ਪੰਡਯਾ, ਹਰਸ਼ਲ ਪਟੇਲ, ਅਰਸ਼ਦੀਪ ਸਿੰਘ, ਵਾਸ਼ਿੰਗਟਨ ਸੁੰਦਰ, ਸ਼ਾਰਦੁਲ ਠਾਕੁਰ, ਮੁਹੰਮਦ ਸਿਰਾਜ, ਮੁਹੰਮਦ ਸ਼ਮੀ, ਦੀਪਕ ਚਾਹਰ, ਖਲੀਲ ਅਹਿਮਦ, ਉਮੇਸ਼ ਯਾਦਵ, ਵੈਂਕਟੇਸ਼ ਅਈਅਰ, ਅਵੇਸ਼ ਖਾਨ, ਭੁਵਨੇਸ਼ਵਰ ਕੁਮਾਰ, ਮੁਕੇਸ਼ ਕੁਮਾਰ, ਪ੍ਰਸਿਧ ਕ੍ਰਿਸ਼ਨ ਦੇ ਨਾਂ ਸ਼ਾਮਲ ਹਨ।
ਵਿਦੇਸ਼ੀ ਖਿਡਾਰੀ ਜਿੰਨ੍ਹਾਂ ਦਾ ਬੇਸ ਪ੍ਰਾਈਸ 2 ਕਰੋੜ
ਇਸ ਤੋਂ ਇਲਾਵਾ ਜੇਕਰ 2 ਕਰੋੜ ਰੁਪਏ ਦੇ ਵਿਦੇਸ਼ੀ ਖਿਡਾਰੀਆਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ 'ਚ ਮਿਸ਼ੇਲ ਸਟਾਰਕ, ਸਟੀਵ ਸਮਿਥ, ਜੋਫਰਾ ਆਰਚਰ, ਮਾਰਕਸ ਸਟੋਇਨਿਸ, ਗਲੇਨ ਮੈਕਸਵੈੱਲ, ਨਾਥਨ ਲਿਓਨ, ਮਿਸ਼ੇਲ ਮਾਰਸ਼, ਜੋਸ ਬਟਲਰ, ਜੌਨੀ ਬੇਅਰਸਟੋ, ਐਡਮ ਜ਼ਾਂਪਾ, ਮੋਇਨ ਅਲੀ, ਹੈਰੀ ਬਰੂਕ, ਸੈਮ ਕੁਰਾਨ, ਮੈਟ ਹੈਨਰੀ, ਕੇਨ ਵਿਲੀਅਮਸਨ, ਕੈਗਿਸੋ ਰਬਾਡਾ, ਡੇਵਿਡ ਵਾਰਨਰ ਦੇ ਨਾਂ ਮੌਜੂਦ ਹਨ।
INDIAN PLAYERS WITH 2 CR BASE PRICE IN IPL 2025 AUCTION: (ESPNcricinfo)
— Tanuj Singh (@ImTanujSingh) November 5, 2024
KL Rahul, Pant, Shreyas, Ishan Kishan, Padikkal, Natarajan, Krunal, Harshal, Arshdeep, Sundar, Shardul, Siraj, Shami, Deepak Chahar, Khaleel, Umesh, Venkatesh, Avesh, Bhuvneshwar, Mukesh, Krishna. pic.twitter.com/Zb7VPc5MAV
ਇਨ੍ਹਾਂ ਭਾਰਤੀ ਅਤੇ ਵਿਦੇਸ਼ੀ ਖਿਡਾਰੀਆਂ 'ਤੇ ਪੈਸਿਆਂ ਦੀ ਹੋਵੇਗੀ ਬਰਸਾਤ
ਆਈਪੀਐਲ ਦੀ ਮੈਗਾ ਨਿਲਾਮੀ ਹਰ 4 ਸਾਲ ਬਾਅਦ ਹੁੰਦੀ ਹੈ, ਇਸ ਲਈ ਪ੍ਰਸ਼ੰਸਕਾਂ ਨੂੰ ਇਸ ਨਿਲਾਮੀ ਵਿੱਚ ਬਹੁਤ ਮਜ਼ਾ ਆਉਣ ਵਾਲਾ ਹੈ। ਭਾਰਤੀ ਖਿਡਾਰੀਆਂ ਦੀ ਗੱਲ ਕਰੀਏ ਤਾਂ ਰਿਸ਼ਭ ਪੰਤ, ਈਸ਼ਾਨ ਕਿਸ਼ਨ, ਕੇਐੱਲ ਰਾਹੁਲ, ਸ਼੍ਰੇਅਸ ਅਈਅਰ, ਮੁਹੰਮਦ ਸਿਰਾਜ, ਮੁਹੰਮਦ ਸ਼ਮੀ, ਵਾਸ਼ਿੰਗਟਨ ਸੁੰਦਰ ਅਤੇ ਸ਼ਾਰਦੁਲ ਠਾਕੁਰ 'ਤੇ ਕਈ ਟੀਮਾਂ ਵੱਡੀਆਂ ਬੋਲੀ ਲਗਾ ਸਕਦੀਆਂ ਹਨ। ਉਥੈ ਹੀ ਵਿਦੇਸ਼ੀ ਖਿਡਾਰੀਆਂ ਵਿਚ ਜੋਸ ਬਟਲਰ, ਗਲੇਨ ਮੈਕਸਵੈੱਲ, ਮਿਸ਼ੇਲ ਸਟਾਰਕ, ਟ੍ਰੈਂਡ ਬੋਲਟ, ਕਾਗਿਸੋ ਰਬਾਡਾ, ਸੈਮ ਕੁਰਾਨ, ਮਾਰਕਸ ਸਟੋਇਨਿਸ ਅਤੇ ਐਡਮ ਜ਼ੈਂਪਾ ਵਰਗੇ ਖਿਡਾਰੀਆਂ 'ਤੇ ਫ੍ਰੈਂਚਾਇਜ਼ੀ ਜ਼ੋਰਦਾਰ ਬੋਲੀ ਲਗਾ ਸਕਦੀਆਂ ਹਨ।
IPL 2025 ਦੀ ਮੈਗਾ ਨਿਲਾਮੀ ਕਦੋਂ ਹੋਵੇਗੀ
ਤੁਹਾਨੂੰ ਦੱਸ ਦਈਏ ਕਿ IPL 2025 ਦੀ ਨਿਲਾਮੀ 24 ਅਤੇ 25 ਨਵੰਬਰ ਨੂੰ ਹੋਣ ਜਾ ਰਹੀ ਹੈ। ਇਸ ਨਿਲਾਮੀ ਲਈ 1,574 ਖਿਡਾਰੀਆਂ ਨੇ ਰਜਿਸਟਰੇਸ਼ਨ ਕਰਵਾਈ ਹੈ। ਜਿਸ ਵਿੱਚ 320 ਕੈਪਡ ਖਿਡਾਰੀ, 1,224 ਅਨਕੈਪਡ ਖਿਡਾਰੀ ਅਤੇ ਐਸੋਸੀਏਟ ਨੇਸ਼ਨਜ਼ ਦੇ 30 ਖਿਡਾਰੀ ਸ਼ਾਮਲ ਹਨ, ਜਦਕਿ ਸਿਰਫ 204 ਸਲਾਟ ਖਾਲੀ ਹਨ।
ਇਹ ਨਿਲਾਮੀ ਸਾਊਦੀ ਅਰਬ ਦੇ ਜੇਦਾਹ 'ਚ ਹੋਵੇਗੀ। ਜਿੱਥੇ ਇਨ੍ਹਾਂ ਖਿਡਾਰੀਆਂ ਦੀ ਕਿਸਮਤ ਦਾ ਫੈਸਲਾ ਹੋਵੇਗਾ। ਇਹ ਨਿਲਾਮੀ ਬਹੁਤ ਦਿਲਚਸਪ ਹੋਣ ਵਾਲੀ ਹੈ, ਕਿਉਂਕਿ ਪੰਜਾਬ ਕਿੰਗਜ਼ ਵਰਗੀ ਫ੍ਰੈਂਚਾਇਜ਼ੀ ਕੋਲ ਇਸ ਸਮੇਂ ਸਿਰਫ 2 ਖਿਡਾਰੀ ਹਨ। ਉਸ ਦੇ ਪਰਸ ਵਿੱਚ ਸਭ ਤੋਂ ਵੱਧ ਪੈਸੇ ਬਚੇ ਹਨ। ਹੁਣ ਉਹ ਆਪਣੇ ਨਾਲ ਵੱਡੇ ਖਿਡਾਰੀਆਂ ਨੂੰ ਸ਼ਾਮਲ ਕਰਨਾ ਚਾਹੇਗਾ।
