Singham Again Vs Bhool Bhulaiyaa 3: ਦੇਸ਼ ਦੇ ਵੱਡੇ ਤਿਉਹਾਰਾਂ ਅਤੇ ਰਾਸ਼ਟਰੀ ਛੁੱਟੀਆਂ 'ਤੇ ਭਾਰਤੀ ਬਾਕਸ ਆਫਿਸ 'ਤੇ ਵੱਡੀਆਂ ਫਿਲਮਾਂ 'ਚ ਟੱਕਰ ਦੇਖਣ ਨੂੰ ਮਿਲਦੀ ਹੈ। ਦੀਵਾਲੀ 2024 ਦੇ ਮੌਕੇ 'ਤੇ ਬਾਲੀਵੁੱਡ ਦੀਆਂ ਦੋ ਵੱਡੀਆਂ ਫਿਲਮਾਂ 'ਭੂਲ ਭੁਲੱਈਆ 3' ਅਤੇ 'ਸਿੰਘਮ ਅਗੇਨ' ਵਿਚਕਾਰ ਬਾਕਸ ਆਫਿਸ 'ਤੇ ਜ਼ਬਰਦਸਤ ਟੱਕਰ ਹੋਣ ਜਾ ਰਹੀ ਹੈ।
ਇਸ ਵਾਰ ਬਾਕਸ ਆਫਿਸ 'ਤੇ ਸ਼ਾਹਰੁਖ ਖਾਨ, ਸਲਮਾਨ ਖਾਨ ਅਤੇ ਆਮਿਰ ਖਾਨ ਨਹੀਂ ਬਲਕਿ ਅਜੇ ਦੇਵਗਨ ਅਤੇ ਕਾਰਤਿਕ ਆਰੀਅਨ ਆਹਮੋ-ਸਾਹਮਣੇ ਹੋਣਗੇ। ਸਮੇਂ-ਸਮੇਂ 'ਤੇ ਭਾਰਤੀ ਬਾਕਸ ਆਫਿਸ 'ਤੇ ਵੱਡੇ-ਵੱਡੇ ਸਿਤਾਰਿਆਂ ਦੀਆਂ ਫਿਲਮਾਂ ਵਿਚਾਲੇ ਟੱਕਰਾਂ ਹੁੰਦੀਆਂ ਰਹੀਆਂ ਹਨ। ਅਜਿਹੇ 'ਚ ਦੀਵਾਲੀ 'ਤੇ ਬਾਲੀਵੁੱਡ ਫਿਲਮਾਂ ਦੇ ਕਲੈਸ਼ ਬਾਰੇ ਗੱਲ ਕਰਾਂਗੇ...।
ਸ਼ਾਹਰੁਖ ਦੇਵਗਨ ਅਤੇ ਅਕਸ਼ੈ ਕੁਮਾਰ
ਸਾਲ 2006 'ਚ ਦੀਵਾਲੀ ਦੇ ਮੌਕੇ 'ਤੇ ਸ਼ਾਹਰੁਖ ਖਾਨ ਦੀ 'ਡੌਨ' ਅਤੇ ਅਕਸ਼ੈ ਕੁਮਾਰ, ਸਲਮਾਨ ਖਾਨ ਅਤੇ ਪ੍ਰੀਟੀ ਜ਼ਿੰਟਾ ਦੀ 'ਜਾਨੇਮਨ' ਦੋ ਫਿਲਮਾਂ ਰਿਲੀਜ਼ ਹੋਈਆਂ ਸਨ। ਅਜਿਹੇ 'ਚ ਸ਼ਾਹਰੁਖ ਖਾਨ ਦੀ ਫਿਲਮ ਨੇ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ ਸੀ।
ਸ਼ਾਹਰੁਖ ਖਾਨ ਅਤੇ ਰਣਬੀਰ ਕਪੂਰ
ਰਣਬੀਰ ਕਪੂਰ ਨੇ ਸਾਲ 2007 'ਚ ਫਿਲਮ 'ਸਾਂਵਰੀਆ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਦੀਵਾਲੀ ਦੇ ਮੌਕੇ 'ਤੇ ਰਣਬੀਰ ਕਪੂਰ ਦੀ ਡੈਬਿਊ ਫਿਲਮ 'ਸਾਵਰੀਆਂ' ਦਾ ਬਾਕਸ ਆਫਿਸ 'ਤੇ ਸ਼ਾਹਰੁਖ ਖਾਨ ਦੀ ਫਿਲਮ 'ਓਮ ਸ਼ਾਂਤੀ ਓਮ' ਨਾਲ ਟੱਕਰ ਹੋ ਗਈ ਸੀ। ਰਣਬੀਰ ਕਪੂਰ ਦੀ ਪਹਿਲੀ ਫਿਲਮ ਫਲਾਪ ਰਹੀ ਅਤੇ ਦੀਵਾਲੀ ਸ਼ਾਹਰੁਖ ਖਾਨ ਦੇ ਨਾਂ ਰਹੀ।
ਅਜੇ ਦੇਵਗਨ ਅਤੇ ਅਕਸ਼ੈ ਕੁਮਾਰ
ਸਾਲ 2010 'ਚ ਦੀਵਾਲੀ ਦੇ ਮੌਕੇ 'ਤੇ ਅਜੇ ਦੇਵਗਨ ਦੀ 'ਗੋਲਮਾਲ' ਅਤੇ ਅਕਸ਼ੈ ਕੁਮਾਰ ਦੀ ਐਕਸ਼ਨ ਰੀਪਲੇਅ ਵਰਗੀਆਂ ਦੋ ਕਾਮੇਡੀ ਫਿਲਮਾਂ ਵਿਚਾਲੇ ਬਾਕਸ ਆਫਿਸ 'ਤੇ ਟੱਕਰ ਹੋ ਗਈ ਸੀ। ਅਜੇ ਦੇਵਗਨ ਦੀ ਫਿਲਮ 'ਗੋਲਮਾਲ 3' ਨੇ ਬਾਕਸ ਆਫਿਸ 'ਤੇ ਕਬਜ਼ਾ ਕੀਤਾ ਸੀ।
ਸ਼ਾਹਰੁਖ ਖਾਨ ਅਤੇ ਅਜੇ ਦੇਵਗਨ
ਸ਼ਾਹਰੁਖ ਖਾਨ ਅਤੇ ਅਜੇ ਦੇਵਗਨ ਬਾਕਸ ਆਫਿਸ 'ਤੇ ਆਹਮੋ-ਸਾਹਮਣੇ ਆ ਗਏ ਸਨ। ਸ਼ਾਹਰੁਖ ਦੀ 'ਜਬ ਤਕ ਹੈ ਜਾਨ' ਅਤੇ ਅਜੇ ਦੀ 'ਸਨ ਆਫ ਸਰਦਾਰ'। ਹਾਲਾਂਕਿ ਦੋਵਾਂ ਫਿਲਮਾਂ ਨੂੰ ਬਾਕਸ ਆਫਿਸ 'ਤੇ ਚੰਗਾ ਹੁੰਗਾਰਾ ਮਿਲਿਆ ਪਰ ਅਜੇ ਦੀ ਫਿਲਮ ਨੂੰ ਜ਼ਿਆਦਾ ਪਸੰਦ ਕੀਤਾ ਗਿਆ।
ਅਜੇ ਦੇਵਗਨ ਅਤੇ ਰਣਬੀਰ ਕਪੂਰ
'ਸ਼ਿਵਾਏ' ਅਤੇ 'ਐ ਦਿਲ ਹੈ ਮੁਸ਼ਕਿਲ' ਦੀ ਦੀਵਾਲੀ 'ਤੇ ਰਿਲੀਜ਼ ਹੋਣ ਕਾਰਨ ਅਜੇ ਦੇਵਗਨ ਅਤੇ ਰਣਬੀਰ ਕਪੂਰ ਬਾਕਸ ਆਫਿਸ 'ਤੇ ਆਹਮੋ-ਸਾਹਮਣੇ ਆ ਗਏ ਸਨ। ਦੋਵਾਂ ਫਿਲਮਾਂ ਨੂੰ ਬਹੁਤਾ ਹੁੰਗਾਰਾ ਨਹੀਂ ਮਿਲਿਆ ਪਰ 'ਐ ਦਿਲ ਹੈ ਮੁਸ਼ਕਿਲ' ਨੂੰ ਸ਼ਿਵਾਏ ਤੋਂ ਜ਼ਿਆਦਾ ਦਰਸ਼ਕਾਂ ਦਾ ਧਿਆਨ ਮਿਲਿਆ।
ਆਮਿਰ ਖਾਨ ਅਤੇ ਅਜੇ ਦੇਵਗਨ
ਆਮਿਰ ਖਾਨ ਅਤੇ ਅਜੇ ਦੇਵਗਨ ਸਾਲ 2017 ਵਿੱਚ ਬਾਕਸ ਆਫਿਸ ਫਿਲਮਾਂ ਸੀਕ੍ਰੇਟ ਸੁਪਰਸਟਾਰ ਅਤੇ ਗੋਲਮਾਲ ਅਗੇਨ ਦੇ ਕਾਰਨ ਆਹਮੋ-ਸਾਹਮਣੇ ਆਏ ਸਨ। ਗੋਲਮਾਲ ਅਗੇਨ ਨੂੰ ਚੰਗਾ ਹੁੰਗਾਰਾ ਮਿਲਿਆ ਅਤੇ ਸੀਕ੍ਰੇਟ ਸੁਪਰਸਟਾਰ ਨੇ ਵੀ ਬਾਕਸ ਆਫਿਸ 'ਤੇ ਜ਼ਬਰਦਸਤ ਕਮਾਈ ਕੀਤੀ।
ਅਕਸ਼ੈ ਕੁਮਾਰ ਅਤੇ ਅਜੇ ਦੇਵਗਨ
ਸਾਲ 2022 'ਚ ਦੀਵਾਲੀ ਦੇ ਮੌਕੇ 'ਤੇ ਅਕਸ਼ੈ ਕੁਮਾਰ ਦੀ ਰਾਮ ਸੇਤੂ ਅਤੇ ਸਿਧਾਰਥ ਮਲਹੋਤਰਾ-ਅਜੇ ਦੇਵਗਨ ਸਟਾਰਰ ਫਿਲਮ ਥੈਂਕ ਗੌਡ ਰਿਲੀਜ਼ ਹੋਈ ਸੀ। ਦੋਵੇਂ ਫਿਲਮਾਂ ਦਰਸ਼ਕਾਂ ਨੂੰ ਜ਼ਿਆਦਾ ਪ੍ਰਭਾਵਿਤ ਕਰਨ 'ਚ ਅਸਫਲ ਰਹੀਆਂ।
ਅਜੇ ਦੇਵਗਨ ਅਤੇ ਕਾਰਤਿਕ ਆਰੀਅਨ
ਹੁਣ ਇਸ ਦੀਵਾਲੀ 'ਤੇ ਅਜੇ ਦੇਵਗਨ ਦੀ ਸਿੰਘਮ ਅਗੇਨ ਅਤੇ ਕਾਰਤਿਕ ਆਰੀਅਨ ਦੀ 'ਭੂਲ ਭੁਲੱਈਆ 3' ਬਾਕਸ ਆਫਿਸ 'ਤੇ ਆਹਮੋ-ਸਾਹਮਣੇ ਹੋਣਗੀਆਂ। ਇਸ ਦੇ ਨਾਲ ਹੀ ਬਾਕਸ ਆਫਿਸ ਦੀ ਭਵਿੱਖਬਾਣੀ ਦੇ ਅੰਕੜਿਆਂ 'ਚ 'ਸਿੰਘਮ ਅਗੇਨ' ਕਾਰਤਿਕ ਦੀ ਫਿਲਮ ਤੋਂ ਅੱਗੇ ਹੈ। ਤੁਹਾਨੂੰ ਦੱਸ ਦੇਈਏ ਕਿ 'ਭੂਲ ਭੁਲੱਈਆ 3' ਪਹਿਲੇ ਦਿਨ 20 ਤੋਂ 25 ਕਰੋੜ ਰੁਪਏ ਅਤੇ ਸਿੰਘਮ ਅਗੇਨ 25 ਤੋਂ 30 ਕਰੋੜ ਦੀ ਕਮਾਈ ਕਰਨ ਦੀ ਉਮੀਦ ਜਤਾਈ ਜਾ ਰਹੀ ਹੈ।
ਇਹ ਵੀ ਪੜ੍ਹੋ:
