ਇਡੁੱਕੀ (ਕੇਰਲ) : ਕੇਰਲ ਦੇ ਇਡੁੱਕੀ ਜ਼ਿਲੇ ਦੇ ਪੁਪਾਰਾ 'ਚ ਸਮੂਹਿਕ ਬਲਾਤਕਾਰ ਮਾਮਲੇ 'ਚ ਦੋਸ਼ੀਆਂ ਨੂੰ 90 ਸਾਲ ਦੀ ਸਖ਼ਤ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਦੇਵੀਕੁਲਮ ਫਾਸਟ-ਟਰੈਕ ਵਿਸ਼ੇਸ਼ ਪੋਕਸੋ ਅਦਾਲਤ ਨੇ ਪੁਪਾਰਾ ਦੇ ਮੂਲ ਨਿਵਾਸੀ ਸੁਗੰਧਾ, ਸ਼ਿਵਕੁਮਾਰ ਅਤੇ ਸੈਮੂਅਲ ਨੂੰ ਸਜ਼ਾ ਸੁਣਾਈ। ਇਸ ਕੇਸ ਵਿੱਚ ਛੇ ਮੁਲਜ਼ਮਾਂ ਵਿੱਚੋਂ ਇੱਕ ਨੂੰ ਬਰੀ ਕਰ ਦਿੱਤਾ ਗਿਆ ਸੀ। ਦੋ ਮੁਲਜ਼ਮ ਨਾਬਾਲਿਗ ਹਨ, ਜਿਨ੍ਹਾਂ ਦਾ ਕੇਸ ਥੋਡਪੁਝਾ ਅਦਾਲਤ ਵਿੱਚ ਚੱਲ ਰਿਹਾ ਹੈ।
ਘਟਨਾ ਮਈ 2022 ਦੀ ਹੈ। ਪੁਲਿਸ ਕੋਲ ਦਰਜ ਕਰਵਾਈ ਸ਼ਿਕਾਇਤ ਅਨੁਸਾਰ ਇੱਕ ਨਾਬਾਲਿਗ ਪ੍ਰਵਾਸੀ ਲੜਕੀ ਆਪਣੀ ਸਹੇਲੀ ਨਾਲ ਇਡੁੱਕੀ ਦੇ ਪੁਪੜਾ ਵਿੱਚ ਚਾਹ ਦੇ ਬਾਗ ਵਿੱਚ ਆਈ ਸੀ। ਇੱਥੇ ਪੁਪੜਾ ਦੇ ਰਹਿਣ ਵਾਲੇ ਮੁਲਜ਼ਮਾਂ ਨੇ ਉਨ੍ਹਾਂ ਨਾਲ ਛੇੜਛਾੜ ਕੀਤੀ। ਲੜਕੀ ਦੇ ਸਾਥੀ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਗਈ। ਇਸ ਘਟਨਾ ਵਿੱਚ ਦੋ ਨਾਬਾਲਗਾਂ ਸਮੇਤ ਛੇ ਮੁਲਜ਼ਮ ਸਨ। ਅਦਾਲਤ ਨੇ ਇਕ ਦੋਸ਼ੀ ਨੂੰ ਸ਼ੱਕ ਦਾ ਲਾਭ ਦੇ ਕੇ ਬਰੀ ਕਰ ਦਿੱਤਾ।
- ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਬਾਨੀ-ਚਾਂਸਲਰ ਸਤਨਾਮ ਸੰਧੂ ਨੂੰ ਰਾਜ ਸਭਾ ਲਈ ਕੀਤਾ ਗਿਆ ਨਾਮਜ਼ਦ
- ਚੰਡੀਗੜ੍ਹ ਮੇਅਰ ਚੋਣ 'ਚ ਹਾਰ ਤੋਂ ਬਾਅਦ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਲਗਾਏ ਗੰਭੀਰ ਦੋਸ਼
- ਔਰਤਾਂ ਦੀ ਵਿਆਹੁਤਾ ਉਮਰ ਨੂੰ ਤੈਅ ਕਰਨ ਲਈ ਕੰਮ ਕਰ ਰਹੀ ਸੰਸਦੀ ਕਮੇਟੀ ਦਾ ਵਧਿਆ ਕਾਰਜ ਕਾਲ, ਮਈ ਮਹੀਨੇ ਤੱਕ ਕਮੇਟੀ ਰਿਪੋਰਟ ਨੂੰ ਦੇਵੇਗੀ ਅੰਤਿਮ ਰੂਪ
- ਰਾਜ ਸਭਾ ਦੀਆਂ 56 ਸੀਟਾਂ ਲਈ 27 ਫਰਵਰੀ ਨੂੰ ਹੋਣਗੀਆਂ ਚੋਣਾਂ
ਦੇਵੀਕੁਲਮ ਫਾਸਟ ਟਰੈਕ ਵਿਸ਼ੇਸ਼ ਅਦਾਲਤ ਦੇ ਜੱਜ ਪੀਏ ਸਿਰਾਜੁਦੀਨ ਨੇ ਇਸ ਮਾਮਲੇ ਵਿੱਚ ਸੁਗੰਧਾ, ਸ਼ਿਵਕੁਮਾਰ ਅਤੇ ਸੈਮੂਅਲ ਨੂੰ 90 ਸਾਲ ਦੀ ਸਜ਼ਾ ਸੁਣਾਈ ਹੈ। ਉਨ੍ਹਾਂ ਨੂੰ 40-40 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਭਰਨਾ ਪਵੇਗਾ। ਅਦਾਲਤ ਨੇ ਇਹ ਰਕਮ ਲੜਕੀ ਨੂੰ ਸੌਂਪਣ ਦਾ ਫੈਸਲਾ ਵੀ ਕੀਤਾ ਹੈ। ਜੁਰਮਾਨਾ ਅਦਾ ਨਾ ਕਰਨ 'ਤੇ ਉਸ ਨੂੰ 8 ਮਹੀਨੇ ਦੀ ਹੋਰ ਸਜ਼ਾ ਭੁਗਤਣੀ ਪਵੇਗੀ। ਇਸ ਕੇਸ ਨਾਲ ਸਬੰਧਿਤ ਦੋ ਮੁਲਜ਼ਮ ਨਾਬਾਲਿਗ ਹਨ, ਜਿਨ੍ਹਾਂ ਦਾ ਕੇਸ ਥੋਡੁਪੁਝਾ ਬਾਲ ਅਦਾਲਤ ਵਿੱਚ ਵਿਚਾਰ ਅਧੀਨ ਹੈ।
