ਨਵੀਂ ਦਿੱਲੀ/ਗਾਜ਼ੀਆਬਾਦ: ਰਾਜਧਾਨੀ ਦਿੱਲੀ ਦੇ ਨਾਲ ਲੱਗਦੇ ਗਾਜ਼ੀਆਬਾਦ ਤੋਂ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਮੁਤਾਬਿਕ ਮੈਕਸ ਹਸਪਤਾਲ ਦੇ ਵਾਰਡ ਦੇ ਬਾਥਰੂਮ 'ਚੋਂ ਇਕ ਉਜ਼ਬੇਕਿਸਤਾਨੀ ਔਰਤ ਦੀ ਲਾਸ਼ ਮਿਲੀ ਹੈ। ਸੂਚਨਾ ਮਿਲਣ ਦੇ ਬਾਅਦ ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਨਾਲ ਹੀ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਦਰਅਸਲ, ਮਾਮਲਾ ਗਾਜ਼ੀਆਬਾਦ ਦੇ ਕੌਸ਼ਾਂਬੀ ਇਲਾਕੇ ਦਾ ਹੈ, ਜਿੱਥੇ ਉਜ਼ਬੇਕਿਸਤਾਨ ਦੀ ਇੱਕ ਔਰਤ ਨੂੰ ਮੈਕਸ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ। 45 ਸਾਲਾ ਔਰਤ ਲਿਵਰ ਟਰਾਂਸਪਲਾਂਟ ਲਈ ਮੈਕਸ ਹਸਪਤਾਲ ਆਈ ਸੀ। ਔਰਤ ਦਾ ਪਤੀ ਵੀ ਉਸ ਦੇ ਨਾਲ ਸੀ। ਦੋਵੇਂ ਵਾਰਡ ਵਿੱਚ ਮੌਜੂਦ ਸਨ। ਅਚਾਨਕ ਮਹਿਲਾ ਵਾਰਡ ਦੇ ਬਾਥਰੂਮ 'ਚ ਗਈ ਅਤੇ ਉਥੋਂ ਬਾਹਰ ਨਹੀਂ ਆਈ ਤਾਂ ਪਤੀ ਨੂੰ ਸ਼ੱਕ ਹੋ ਗਿਆ। ਇਸ ਤੋਂ ਬਾਅਦ ਮਹਿਲਾ ਦੇ ਪਤੀ ਨੇ ਹਸਪਤਾਲ ਦੇ ਸਟਾਫ ਨੂੰ ਸੂਚਨਾ ਦਿੱਤੀ।
ਹਸਪਤਾਲ ਦੇ ਸਟਾਫ ਨੇ ਮਹਿਲਾ ਨੂੰ ਬਾਥਰੂਮ ਦੇ ਅੰਦਰ ਬੁਲਾਇਆ। ਪਰ ਕੋਈ ਪ੍ਰਤੀਕਿਰਿਆ ਨਹੀਂ ਆਈ। ਇਸ ਤੋਂ ਬਾਅਦ ਪੁਲਿਸ ਨੂੰ ਮੌਕੇ 'ਤੇ ਬੁਲਾਇਆ ਗਿਆ। ਪੁਲਿਸ ਨੇ ਜਦੋਂ ਬਾਥਰੂਮ ਖੋਲ੍ਹਿਆ ਤਾਂ ਅੰਦਰ ਔਰਤ ਦੀ ਲਾਸ਼ ਲਟਕਦੀ ਮਿਲੀ। ਪੁਲਿਸ ਮੁਤਾਬਕ ਪਹਿਲੀ ਨਜ਼ਰੇ ਇਹ ਮਾਮਲਾ ਖੁਦਕੁਸ਼ੀ ਦਾ ਹੈ। ਫਿਲਹਾਲ ਮਾਮਲੇ 'ਚ ਸਾਰੇ ਪਹਿਲੂਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਔਰਤ ਦੇ ਪਤੀ ਤੋਂ ਵੀ ਹੋਰ ਜਾਣਕਾਰੀ ਹਾਸਿਲ ਕੀਤੀ ਗਈ ਹੈ। ਅਜਿਹਾ ਲੱਗਦਾ ਹੈ ਕਿ ਔਰਤ ਡਿਪਰੈਸ਼ਨ ਵਿੱਚ ਸੀ। ਸ਼ਾਇਦ ਉਹ ਆਪਣੇ ਲਿਵਰ ਟਰਾਂਸਪਲਾਂਟ ਨੂੰ ਲੈ ਕੇ ਚਿੰਤਤ ਸੀ।
ਇੰਦਰਾਪੁਰਮ ਦੇ ਸਹਾਇਕ ਪੁਲਿਸ ਕਮਿਸ਼ਨਰ ਸਵਤੰਤਰ ਸਿੰਘ ਮੁਤਾਬਿਕ ਕੌਸ਼ਾਂਬੀ ਥਾਣਾ ਖੇਤਰ ਦੇ ਅਧੀਨ ਮੈਕਸ ਹਸਪਤਾਲ ਦੇ ਬਾਥਰੂਮ 'ਚ ਇਕ ਉਜ਼ਬੇਕਿਸਤਾਨੀ ਔਰਤ ਵਲੋਂ ਖੁਦਕੁਸ਼ੀ ਕਰਨ ਦੀ ਸੂਚਨਾ ਮਿਲਣ 'ਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਏਸੀਪੀ ਦਾ ਕਹਿਣਾ ਹੈ ਕਿ ਮੌਕੇ ਤੋਂ ਕੋਈ ਸੁਸਾਈਡ ਨੋਟ ਬਰਾਮਦ ਨਹੀਂ ਹੋਇਆ ਹੈ।
- 13 ਸਾਲ ਦੇ ਲੜਕੇ ਨੇ ਸ਼ਰਾਰਤ 'ਚ ਭੇਜੀ ਸੀ ਬੰਬ ਵਾਲੀ ਈਮੇਲ, ਦਿੱਲੀ ਤੋਂ ਟੋਰਾਂਟੋ ਜਾਣ ਵਾਲੀ ਫਲਾਈਟ ਨੂੰ ਰੋਕਣਾ ਪਿਆ ਸੀ - Canada Flight Bomb haux call case
- ਰਵਨੀਤ ਬਿੱਟੂ ਨੇ ਸੰਭਾਲਿਆ ਰਾਜ ਮੰਤਰੀ ਦਾ ਅਹੁਦਾ- ਕਿਹਾ- ਮੈਂ ਮੋਦੀ ਜੀ ਦਾ ਸ਼ੁਕਰਗੁਜ਼ਾਰ ਹਾਂ, ਰੇਲਵੇ ਨੂੰ ਅੱਗੇ ਵਧਾਉਣ ਦੀ ਲਈ ਕਰਾਂਗਾ ਹਰ ਯਤਨ - Ravneet Bittu took over the post
- 'ਵਾਹ ਮੋਦੀ ਜੀ ਵਾਹ' ਕਹਿ ਕੇ 'ਆਪ' ਨੇਤਾ ਸੰਜੇ ਸਿੰਘ ਨੇ ਮੋਦੀ ਕੈਬਨਿਟ 'ਤੇ ਲਈ ਚੁਟਕੀ, ਜਾਣੋ ਕੀ ਕਿਹਾ ... - Sanjay Singh dig at Modi Cabinet
