ਲਿਫਟ ਮੰਗਣ ਵਾਲੀ ਲੜਕੀ ਨਾਲ ਬਲਾਤਕਾਰ ਦੀ ਕੋਸ਼ਿਸ਼, ਲੜਕੀ ਨੇ ਕੀਤਾ ਕੁਝ ਅਜਿਹਾ ਕਿ ਸਿੱਧਾ ਪੁਲਿਸ ਨੇ ਦਬੋਚ ਲਿਆ ਮੁਲਜ਼ਮ - Attempt To Rape

Attempt To Rape On Girl In Bengaluru : ਬੈਂਗਲੁਰੂ ਵਿੱਚ ਐਚਐਸਆਰ ਲੇਆਉਟ ਪੁਲਿਸ ਨੇ ਬਲਾਤਕਾਰ ਦੀ ਕੋਸ਼ਿਸ਼ ਦੇ ਦੋਸ਼ ਵਿੱਚ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਾਣਕਾਰੀ ਮੁਤਾਬਿਕ ਮੁਲਜ਼ਮ ਡਾਂਸ ਕੋਰੀਓਗ੍ਰਾਫਰ ਹੈ।

ਬੈਂਗਲੁਰੂ : ਕਰਨਾਟਕ ਦੇ ਬੈਂਗਲੁਰੂ ਵਿੱਚ ਐਚਐਸਆਰ ਲੇਆਉਟ ਪੁਲਿਸ ਨੇ ਲਿਫਟ ਮੰਗ ਰਹੀ ਇੱਕ ਲੜਕੀ ਨਾਲ ਬਲਾਤਕਾਰ ਕਰਨ ਦੀ ਕੋਸ਼ਿਸ਼ ਕਰਨ ਦੇ ਦੋਸ਼ ਵਿੱਚ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਨੇ ਦੱਸਿਆ ਕਿ ਫੜੇ ਗਏ ਵਿਅਕਤੀ ਦੀ ਪਛਾਣ ਤਾਮਿਲਨਾਡੂ ਦੇ ਮੁਕੇਸ਼ਵਰਨ ਵਜੋਂ ਹੋਈ ਹੈ। ਪੁਲਿਸ ਨੇ ਦੱਸਿਆ ਕਿ ਮੁਲਜ਼ਮ ਸ਼ਹਿਰ 'ਚ ਡਾਂਸ ਕੋਰੀਓਗ੍ਰਾਫਰ ਦਾ ਕੰਮ ਕਰਦਾ ਹੈ।

ਜ਼ਿਕਰਯੋਗ ਹੈ ਕਿ ਸ਼ਨੀਵਾਰ ਰਾਤ ਕੋਰਾਮੰਗਲਾ ਦੇ ਇਕ ਪੱਬ 'ਚ ਆਪਣੇ ਦੋਸਤਾਂ ਨਾਲ ਪਾਰਟੀ ਕਰਨ ਆਈ ਲੜਕੀ ਨੇ ਘਰ ਜਾਂਦੇ ਸਮੇਂ ਮੁਲਜ਼ਮ ਤੋਂ ਲਿਫਟ ਮੰਗੀ ਸੀ। ਲਿਫਟ ਦੇਣ ਦੇ ਬਹਾਨੇ ਮੁਲਜ਼ਮ ਉਸ ਨੂੰ ਬੋਮਨਹੱਲੀ ਨੇੜੇ ਇਕ ਸੁੰਨਸਾਨ ਇਲਾਕੇ ਵਿਚ ਲੈ ਗਿਆ ਅਤੇ ਲੜਕੀ ਦੇ ਕੱਪੜੇ ਪਾੜ ਦਿੱਤੇ ਅਤੇ ਉਸ ਨਾਲ ਛੇੜਛਾੜ ਕਰਨ ਦੀ ਕੋਸ਼ਿਸ਼ ਕੀਤੀ।

SOS ਬਟਨ ਤੋਂ ਕੀਤੀ ਕਾਲ : ਇਸ ਦੌਰਾਨ ਲੜਕੀ ਨੇ ਵਿਰੋਧ ਕੀਤਾ। ਇਸ ਦੌਰਾਨ ਮੁਲਜ਼ਮ ਦੇ ਮੂੰਹ 'ਤੇ ਝਰੀਟਾਂ ਲੱਗ ਗਈਆਂ। ਜਿਸ ਮਗਰੋਂ ਪੀੜਤਾ ਨੇ ਆਪਣੇ ਮੋਬਾਈਲ ਫ਼ੋਨ 'ਤੇ SOS ਬਟਨ ਦਬਾਇਆ ਅਤੇ ਇੱਕ ਅਲਰਟ ਕਾਲ ਉਸ ਦੇ ਪਿਤਾ ਅਤੇ ਦੋਸਤਾਂ ਤੱਕ ਪਹੁੰਚ ਗਈ।

ਪੁਲਿਸ ਨੇ ਕੀਤਾ ਗ੍ਰਿਫਤਾਰ : ਪੁਲਿਸ ਨੇ ਦੱਸਿਆ ਕਿ ਜਿਵੇਂ ਹੀ ਲੜਕੀ ਦੇ ਦੋਸਤ ਮੌਕੇ 'ਤੇ ਪਹੁੰਚੇ ਤਾਂ ਮੁਲਜ਼ਮ ਫਰਾਰ ਹੋ ਗਿਆ। ਇਸ ਤੋਂ ਬਾਅਦ ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਦੇ ਆਧਾਰ ’ਤੇ ਮੁਲਜ਼ਮ ਦੀ ਭਾਲ ਸ਼ੁਰੂ ਕਰ ਦਿੱਤੀ ਅਤੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ।

ਇਸ ਤੋਂ ਪਹਿਲਾਂ ਮਾਮਲੇ 'ਚ ਬੇਂਗਲੁਰੂ ਈਸਟ ਡਿਵੀਜ਼ਨ ਦੇ ਐਡੀਸ਼ਨਲ ਪੁਲਿਸ ਕਮਿਸ਼ਨਰ ਰਮਨ ਗੁਪਤਾ ਨੇ ਦੱਸਿਆ ਸੀ ਕਿ ਜਿਸ ਵਿਅਕਤੀ ਤੋਂ ਉਸ ਨੇ ਲਿਫਟ ਲਈ ਸੀ, ਉਸ ਨੇ ਉਸ ਨਾਲ ਬਲਾਤਕਾਰ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਪੁਲਿਸ ਨੇ ਉਸ ਖਿਲਾਫ ਬਲਾਤਕਾਰ ਦਾ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਸੀ।

SOS ਕਾਲ ਕੀ ਹੈ? : ਐਮਰਜੈਂਸੀ ਐਸਓਐਸ ਆਈਓਐਸ ਅਤੇ ਐਂਡਰੌਇਡ ਸਮਾਰਟਫ਼ੋਨਸ ਵਿੱਚ ਉਪਲਬਧ ਇੱਕ ਐਮਰਜੈਂਸੀ ਫੀਚਰ ਹੈ। ਇਸ ਦੀ ਮਦਦ ਨਾਲ, ਤੁਸੀਂ ਫੋਨ ਨੂੰ ਅਨਲੌਕ ਕੀਤੇ ਬਿਨਾਂ ਕੁਝ ਸਕਿੰਟਾਂ ਵਿੱਚ ਐਮਰਜੈਂਸੀ ਕਾਲ ਕਰ ਸਕਦੇ ਹੋ। ਭਾਵ ਜਿਸ ਨੰਬਰ ਨਾਲ ਤੁਸੀਂ ਉਸਨੂੰ ਐਡ ਕਰੋਗੇ ਕਾਲ ਉਸ ਨੰਬਰ 'ਤੇ ਚਲੀ ਜਾਵੇਗੀ।