ଖଣ୍ତାରେ କେକ କାଟି ହଟହଟା ହେଲେ ଯୁବକ

ଚେନ୍ନାଇ: ଖଣ୍ତାରେ କଟାଗଲା ଜନ୍ମଦିନର କେକ । କଥାଟି ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଏଭଳି ଘଟଣା ଦେଖିବାକୁ ମିଳିଛି ତାମିଲନାଡୁର ମଦୁରାଇ ଜିଲ୍ଲାରେ । ବାଲାମୁର୍ଗା ନାମକ ଜଣେ ଯୁବକ ନିଜ ଜନ୍ମଦିନରେ ସାଙ୍ଗମାନଙ୍କ ସହ ମିଶି ଏକ 3 ଫୁଟର ଖଣ୍ତାରେ ନିଜ ଜନ୍ମଦିନର କେକ କାଟି ସେଲିବ୍ରେସନ କରିଛନ୍ତି । ଯାହା ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ତେବେ, ଏଭଳି କେକ କାଟିବା ଖଣ୍ତାରେ ଆଇନ ଅନୁଯାୟୀ ଅପରାଧ । ତେବେ ଏହି ଘଟଣାରେ ସମ୍ପୃକ୍ତ ଥିବା ବ୍ୟକ୍ତିଙ୍କୁ ପୋଲିସ ଗିରଫ କରିଛି ।