ଉଡାଣ ଭରିବା ବେଳେ ବିମାନରେ ଲାଗିଲା ନିଆଁ: ଖଣ୍ଡ ଖଣ୍ଡ ଖସିଲା ଭଗ୍ନାବଶେଷ, ସୁରକ୍ଷିତ ଭାବେ ଯାତ୍ରୀ ଉଦ୍ଧାର

ହାଇଦ୍ରାବାଦ: ନ୍ୟୁଜର୍ସିର ନେୱାର୍କ ବିମାନ ବନ୍ଦରରେ ଉଡ଼ାଣ ଭରିବା ବେଳେ ବିମାନରୁ ବାହାରିଲା ନିଆଁ । ବିମାନ ଉଡ଼ୁଥିବା ବେଳେ ଏଥିରୁ ନିଆଁ ଖସୁଥିବା ଭିଡିଓ ଭାଇରାଲ୍‌ ହେବାରେ ଲାଗିଛି । ଏହାପରେ ପାଇଲଟ୍‌ ଇନ୍ଧନ ଖାଲି କରି ସୁରକ୍ଷିତ ଭାବରେ ୟୁନାଇଟେଡ୍‌ ଏୟାରଲାଇନ୍ସ ବିମାନକୁ ଅବତରଣ କରାଇଥିଲେ । ସମସ୍ତ ଯାତ୍ରୀ ସୁରକ୍ଷିତ ଥିବା ବେଳେ କେଉଁ କାରଣରୁ ବିମାନରେ ନିଆଁ ଲାଗିଲା ତାହାର ତଦନ୍ତ ଜାରି ରହିଛି । ବିମାନର ବାମ ଇଞ୍ଜିନ୍‌ରେ ନିଆଁ ଲାଗିଥିଲା । ଏହି ଘଟଣା ପରେ ନେୱାର୍କ ବିମାନ ବନ୍ଦରକୁ ବନ୍ଦ କରିଦିଆଯାଇଥିଲା । ବିମାନରେ ୧୩୧ ଜଣ ଯାତ୍ରୀ ଯାତ୍ରା କରୁଥିଲେ ।