ପୋଲିସ ଅଧିକାରୀଙ୍କ ସାହସିକତା, ଧାରୁଆ ଅସ୍ତ୍ରଧାରୀ ଯୁବକକୁ କଲେ କାବୁ

ଥିରୁଅନନ୍ତପୁରମ: କେରଳ ନୁରାନାଡ ପୋଲିସ ଷ୍ଟେସନର ସବ-ଇନ୍ସପେକ୍ଟରଙ୍କ ସାହସିକତା । ଧାରୁଆ ଅସ୍ତ୍ରରେ ଆକ୍ରମଣ କରୁଥିବା ଯୁବକର ସାମନା କରି ସେ ନିଜ ସାହସିକତାର ପରିଚୟ ଦେଇଛନ୍ତି । ସବ-ଇନ୍ସପେକ୍ଟର ଅରୁନ କୁମାର (୩୭)ଙ୍କୁ ବରିଷ୍ଠ ପୋଲିସ ଅଧିକାରୀ ପ୍ରଶଂସା କରିଛନ୍ତି । ଜଣେ ଯୁବକ ତାଙ୍କୁ ବଡ଼ ଧାରୁଆ ଅସ୍ତ୍ରରେ ଆକ୍ରମଣ କରିବାକୁ ଉଦ୍ୟମ କଲାବେଳେ ସେ ତାକୁ କାବୁ କରିଥିଲେ । ଏହି ଘଟଣା ସିସିଟିଭି କ୍ୟାମେରାରେ କଏଦ ହୋଇଥିଲା । କେରଳ ପୋଲିସ ଏହାକୁ ନିଜ ଫେସବୁକ ପେଜ୍‌ରେ ସେୟାର କରିଛି ।